القسوة لا تنسى

البارت81

البارت81
من قصة القسوة لا تنسى
بقلمي انا.... latifa el

كان واقف وكيوش فواحد بيسي كتبان فيه الشمبر لي فيه مجيد بتاسم مالي شافها خرجات هكاك وهو اهز تليفونو وصونة لطبيب المستشار على حالة مجيد
مجد.....كولشي هو هداك؟
طبيب.....ركبنا ليه الرقاقة امسيو مجد دبا كولشي مزيان
مجد بتاسم....مزيان داكشي لي باغيت المهم راه لفلوس ديالك دخلتهم لحسابك
قطع عليه وحط التليفون وبتاسم وهو كيشوف فيه....ودبا غادي نشوفو اش غادي دير اسي مجيد

(بنسبة لهادوك لي مكيعرفوش الرقاقة شنو هي هادي واحد لعيبة كيديروها فالعقل ديال شي واحد وكيتمسح كاع الدكريات ديالو وكيبقة عاقل غير على داكشي لي مسجلين ليه فالرقاقة )

بتاسم وهز تليفونو وخرج من تماك هابط لتحت ركب اللوجو ديالو وكسيرة غادي وناشط عاجبو الحال

.....كانت غادية فاللوطو عقلها مرفوع حتى وقفات قدام الباب خرجات وسدات اللوطو ودخلات لقات ولدها كالس فالصالون كيستناها مشات نشان طلعات للبيت هزات واحد الشانطة جمعات فيها حوايجها كاملين وحوايج ولدها وهزات صاكها وخرجات دازت عليه شدات ليه فيدو وخرجات بيه سدات الباب من موراها وخرجات غادية حتى وصلات جيها ديال الباب الجردة رمات سوارت لواحد من ليكارد
جيهان....هاك هادو مالي اجي مجيد قوليه قالت ليك جيهان نساوني عليكم فمرة

قالت هاد الهدرة وخرجات اما داك ليكارد بقا غير كيشوف هي بقات غادية مدة حتى خرجات لواحد طريق الرئسية شدات طاكسي وكسيرة بيهم

بقاو مدة ديال طريق حتى وصلو لكازا هبطات من الطاكسي خلصاتو وزادت غادية لواحد القهوة دخلات وكلسات طلبات لفطور لولدها حتى جابو ليهم السرفور وبقا كياكل وهي كالسة ساهية كتشوف فين غادي تمشي دبا تنهدات ملقات حتى شي حل اخرجها ولكن ضروري خاصها تكافح على قبل ولدها ماشي جيهان لي كطيح وخا طاحت غادي تعاود تنوض وطيح وتنوض الاهم هي متبقاش طايحة

تنهدات وكتشوف فولدها فين غادي تديه دبا شنو دير حتى سلا لفطور عاد ناضت مشات خلصات ورجعات عندو خرجو من تماك  غادية لواحد لبلاصة  وكتتمنة ميخيبوش ضنعا تاني مرة