البارت60
من قصة القسوة لا تنسى
بقلمي انا.... latifa el
ناض هو لبس عليه سروالو ومشا عندها شد ليها يديها وخرج وهي موراه هبط لتحت لكوزينة مد يدو شعل الضوء وجر ليها كورسي وكلسها ومشا هو فتح تلاجة جبد منها شي بطبوطات كان وصا عليهم لكارد دارهم في المكروند اسخنو وحط عصير وحط كوكا كولا معاها وجبدهم من الفران وحطعم فوق الكابلة وكلس
مجيد.....كولي كاع ماكلتي شي خاجة من صباح
جيهان شافت فيه وهزات واحد البطبوطة وبقات كتاكل وحتى هو هز وحدة وبدا كياكل حتى سلاو وهو سبقها وهي مزالة كتشلقم كب كاس كوكا وبدا كيجغم منو وكيشوف فيها وهي مرا نرا تهز راسها فيه تلقاه كيشوف فيها وترجع تهبطو وتحنا تاكل حتى سلات داكشي كامل رجعات على الكورسي بضهر وشافت فيه
جيهان....الحمد الله
مجيد بتاسم ليها وهي بقات غير كتشوف فهاد المخلوق لي قدامها وهو انوض جرها معاه
جيهان...وفين غادي بيا خلني نغسل يديا
مجيد....غير ياله مالك واقلة لحم
جرها معاه للبيت الفوق وخرج بيها للبالكون وهي غير كتشوف فديك الغابة قبالتهم مكتشوف والو من غير الغابة ودوك الاصوات المرعبة لي كاينة تماك
اما هو وقف كيشوف لسماء وساهي وهي بقات غير كتشوف فيه كابان هادء بزاف وخا شافت اعصابو كيولي واحد اخر
مجيد......اول مرا كنحس براسي بالي عايش
جيهان شافت فيه.....شنو
مجيد.....اول مرا نحس براسي كنتنفس اول مرا نحس براسي بالي راني حي اول مرا تضوة ليا الدنيا اول مرا اول مرة حسيت بطعم الحياة شحال زوينة
جيهان......مجيد
مجيد هبط راسو وشاف فيها....روح مجيد
جيهان.....بغيت نمشي عند ولدي
مجيد تنهد.....جيهان نساي ولدك نسايه
جيهان....كفاش ننسا ولدي هداك راه كبدتي
مجيد.....خلينا منهم دبا شوفي نتي غادي تبقا هنا معايا سمعتي واما ولدك الى درتي عقلك غادي نخليك تمشي تشوفيه ولكن مستحيل نخليك تشوفي هداك شناتة لاخر
جيهان....لا لا والله مانشوفو انا بغيت نشوف غير ولدي والله
مجيد.....غدا نديك تشوفيه والى لقتي تماك مجد بلامة تهدري معاه سمعتي حيت نقدر ندير شي تصرف ماشي هو هداك وغادي تن
مي عليها
جيهان....لا لا والله والو غير نشوف اجاويد ونرجع معاك والله
مجيد....اوك زيدي دخلي دبا راه البرد برا ونتي ملابساش مزيان
جيهان حنات راسها طاعت للاوامير باش اخليها تمشي تشوف ولدها غدا تنهدات ودخلات تحت لغطة فوق النامسية وهي تشوفو جاي جبهتها
جيهان...انا منقدرش نبقة ننعس حداك نمشي ننعس فشي بلاصة خرا
مجيد طلع فيها حاجب وتحنا هز واحد لمخدة ولاحها على الفوطوي وجاب واحد لزار وتكا فوق من الفوطوي وكيشوف فيها نشان مقابل معاها
أنت تقرأ
القسوة لا تنسى
Tajemnica / Thrillerستخبرك الأيام وسيثبت لك الزمان كم كان قلبى وفيآ لك وكم خسرت بعدى بإتقان خسرت قلب إنسانة احبتك واختارت حبك بدلآ من النسيآن اختارت الألم والندم والحرمان لن تأتى إمرأة بعدى تحبك بهذا إلإدمان ستندم على عشرتى وستتألم حيث لاينفع الندم ولا الاحزان وس...
