القسوة لا تنسى

البارت4

البارت4
من قصة القسوة لا تنسى
بقلمي انا.... latifa el

بقا كالس كيشوف لبعيد وهو اسمع شي صوت هبط من على الكورسي ومشا جيهت الطابليت ديالو لقاها شي مكلامة وهو اهزها وخرج للبالكون مشا كلس على هداك الكورسي وهو مدوز المكالمة فيديو مع واحد البنت تكون قدو فالسن

ذكرى.....سلام اجاويد لباس عليك
اجاويد....لباس ونتي لباس عليك
ذكرى.....لباس الحمد الله بغيت نقول ليك عيد ميلاد سعيد وان شاء الله لعقبة 100 عام
اجاويد.....شكرا
ذكرى....امدرة واش درتي شي احتفال تاني ومعرضتيش عليا
اجاويد......اه درت احتيفال انا وبابا شرا ليا كيكة زوينة ديال الشكلاط ودار ليا فوقها الشموع ومشينة درناها فواحد الغابة  زوينة غير انا وياه
ذكرى....واش بصح معرفتش علاش نت عيد ميلامك ديمة كديرو نت وباباك صافي عمرك عرضتي عليا
اجاويد.....حيت بابا مكيبغيش الهراج بزاف ومكيبغيش اتجمع مع ناس بزاف وكيقول ليا نديرو غير انا وياه ولكن كيكون زيون بزاف
ذكرى....بصح
اجاويد....اه بصح
ذكرى....وخا ياله بسلامة اننعس دبا
اجاويد قطع عليها وحط ديك الطبليت على كورسي اخر وكلس حاط يديه على وجهو كيبكي وكيتنخصص
بقا كيبكي شحال وهو اهز عنيه فسماء كيشوف واحد النجمة كتلمع بزاف وهو اهدر......علاش انا بابا كيغوت عليا وعمرو قال ليا كلمة زوينة علاش واش انا خايب بزاف وانا بصح مشاغب كي كيقول ليا وعمرو دار ليا شي عيد ميلاد وديما فاش كيسولوني صحابي كيقولو ليا واش درتي عيد ميلاد كنقول ليهم انا درتو انا وابابا باش ميضحكوش عليا علاش انا ديما بابا مكيديهاش فيا واش هو كيكرهني واش هو مكيحملنيش وعلاش انا معنديش ماما فين مشات اكيد كو كانت معايا كوراها دير ليا عيد الميلاد حتى انا
ناض وقف كيشوف لبعيد.....غادي نسول جدة اه غادي نسولها

ناض خرج من بيتو ومشا جيهت بيت جداتو دق الباب ودخل تم داخل لقاها كالسة فوق النامسية دور راسو فالبيت ملقة حد
الياقوت.....ولدي اجي اش كدير مزال منعستي
اجاويد.....جدة بغيت نسولك
الياقوت....نعام اش بغتي
اجاويد.....جدة علاش مكديروش ليا عيد.ميلاد واش جيت معنديش ماما
الياقوت تفكرات مو وهي تحمر فيه وشداتو من كتافو كتديه وتجيبو.....عمرك تدكرها على لسانك سمعتي غادي نقطعو ليك نخليك بلاش سمعتي غادي نخليك بلاش ومتقدرش تدوي سمعتس نت مكاين بو احتيفال نت معندكش ماماك ومكاين بو حتيفال واش هداك نهار لي تزادتي فيه نت يا المنحوس كيتسمة نهار باش كل عام نفكروه ها دوي
اجاويد كيضروه كتافو وهو اطيحو دموعو كيبكي تنتر منها وخرج كيجري ما لبيتو سد عليه الباب بالصقاطة ومشا لبلاصتو وتكا فيها وهو كيبكي وهدرة جداتو كتتعاود ليه في وديناتو حتى داتو عينو ونعس

كانت متكية في بلاصتها مبغاش اجيها نعاس حاسة بقلبها مزير عليها بزاف شدات عليه وهي كتعصر عليه تنهدات
جيهان.....ياربي دير الخير لولدي فين ما كان ياربي ياربي نت عارفو فين هو قربو ليا كتر ونهزو بين يديا ونعنقو ونشم ريحتو ياربي انا مقداش نزيد مزال كتر هكا 7 سنين ديال لفراق وقلبي كيتشوة عليه معرفتو واكل ولا شارب ماعرفتو بصحتو ولا مريض ياربي دير لي فيها الخير ياربي
هزات واحد لمخدة عنقاتها ونعسات