البارت82
من قصة القسوة لا تنسى
بقلمي انا... latifa el
كانت ياله وصلات قدام العمارة لي ساكن فيها الاب ديالها كتشوف فشراجم ديال دارهم وكتتنهد
جيهان....ياربي اقبلنا غير هاد المرة ياربي
تنهدات وسمات الله ودخلات طالعة فدروج خطوة وكترجع جوج خطوات اللور حتى وصلات قدام الباب هزات يديها دق ولكن مزعماتش بقات شي جوج دقايق عاد هزات يديها دقات تاني وكتستنا شي حد افتح ليها
فتح الباب كان هاز واحد الشانطة فيدو وهو ارفع راسو شاف فيها
جيهان بدون سابق انضار طار عليه معنقااااه وكتبكي
جيهان....هئ هئ بابا
ميمون بقا مكوانصي معرف باش تبلة
جيهان.....عافك ابابا سمح ليا انا كنترجاك سمح ليا ابابا عاف هئ هئ معنديش من غيرك سمح ليا
ميمون حس بركابيه خواو بيه حس بواحد الفرحة حيات بيه من جديد ولكن فنفس لوق مزال حاس بالغظب من جيهتها
جيهان رفعات راسها فيه......سمح ليا ابابا انا ندمت بزاف فاش مسمعتش لهدرتك عارفة بالي التاس لي عندهم لفلوس مستاحيل اشوفونا حنا لي تحتهم ابابا عافك معنديش من غير انا ولدي شوف ابابا هاهو حفيدك
مشات عند اجاويد شدات ليه فيدو وهزات يد باها حطات فيه يد اجاويد وكتهدر ودموع فعنيها......شوف هادة حفيدك ابابا حفيدك
اجاويد مسكين غير كيشوف مفاهم والو
ميمون بدون سابق انضار تلاح عليهم معنقهم بجوج وكيبكي وطاحو بتلاثة بيهم على ركابيهم كيبكيو
جيهان بتسمات وسط دموعها ونطقات.....بابا واش سمحتي ليا
ميمون شد وجه بنتو بين يديه وهو كيهدر وعنيه مدمعين.....واش انا نقدر نتقلاق عليك ونتي الوحيدة لي بقتي ليا من المرحومة ماماك
جيهان عنقاتو كتبكي.....سمح ليا سمح ليا عمري ندير شي خاجة ونت مباغيهاش انا كنواعدك ابابا
ميمون ناض وقف ووقفهم عندو وهز اجاويد ومعنق جيهان من خصرها ودخلها لداخل اما جيهان هزات صاكها فرحانة ب باباها لي سمح ليها وكتواعد.راسها بالي عمرها تاخد شي قرار بلا باها
أنت تقرأ
القسوة لا تنسى
Mystery / Thrillerستخبرك الأيام وسيثبت لك الزمان كم كان قلبى وفيآ لك وكم خسرت بعدى بإتقان خسرت قلب إنسانة احبتك واختارت حبك بدلآ من النسيآن اختارت الألم والندم والحرمان لن تأتى إمرأة بعدى تحبك بهذا إلإدمان ستندم على عشرتى وستتألم حيث لاينفع الندم ولا الاحزان وس...
