القسوة لا تنسى

البارت76

البارت76
من قصة القسوة لا تنسى
بقلمي انا.... Latifa le

من بعد مدة ديال طريق وصلو قدام لمدرسة هبطات وهبطات معاها اجاويد وتمو داخلين لداخل اجاويد.غير شاف صحابو مشا عندهم  كيجري اما جيهان تمات غادية عند المكتب ديال المدير دقات ودخلات
المدير.....تفضلي مدام
جيهان مدات ليه يديها  سلمات عليه.وكلسات
المدير ....شكون نتي
جيهان....انا مامات اجاويد الكرطيط جيت بغيت نسول عليه شوية كي راه مع لقراية
المدير بتاسم.....اه هادي نتي مدام جيهان الكرطيط
جيهان حنحنات.....بوتواتو عفاك
المدير.....اه اش غادي نقوليك الولد غادي مزيان قراية قراي زوين في قرايتو النقط عالين ومافيهش الشغب هادشي لي كاين
جيهان......اه هكاك المهم بغيت نقول ليك الى وقعات شي حاجة ليه عيطو ليا انا متعيطش لمجد وخا
المدير.....وخا على حاطر امدام المهم راه الولد غادي مزيان
جيهان وقفات.....المهم شكرا ليك

خرجات هي لقات الشيفور مزال كيستناها ركبات معاه وكسيرة بيها
جيهان......شوف غير هبطني هنا بغيت نشد طاكسي
بغيت نبقا بوحدي
الشيفور....ولكن
جيهان....وصافي الوحد مياخدش راحتو
وقف اللوطو وهبطات في المحطة ديال الطاكسيات ومشات شدات بلاصة فواحد.الطاكسي كتستناها تعمر بقات تماك شي نص ساعة تقربا وهي كتستنا.عاد.ركب الناس وكسيرة بيهم
بقات غاديا حتى وصلات لواحد راس الحومة تنهدات وهبطات
بقات واقفة شحال كتشوف على جنابها عاد زادت خطوات غادية خطوة وراجعا جوج اللور
بقات غادية مدة حتى وقفات قدام واحد العمارة قديمة شوية بقات كطلع فيها عنيها وهي تشوف واحد الشرجم تحل وكينشو منو شي مانطات بعاد من تحتو حيت كيطيح عليها لعجاج.وبقات غير كتشوف
وهي تدخل من باب العمارة طالعة فدروج لباب لول لي جا في وجها دقات فيه
بقات شحال كتستنا عاد سمعات شي خطوات جاين جيهت الباب

.........:وهاني جاية غير صبرو
تحل لباب وهي كتشوف فهاديك لي حلات ليها الباب شحال كبرات بقات غير كتشوف 7سنين مشافتهاش كبرات وزيانت
جيهان.....مونية
مونية طلعات فيها وهبطات......جيهان هادي نتي
جيهان بغات تعنقها وهي تشدها من يديها وخرجتها برا وسدات الباب موراها
مونية.....جيهان اش كديري هنا غادي.تشوفك ماما هنا
جيهان....بغيت غير نشوفكم توحشتكم بزاف
مونية عنقاتها حتى هي توحشاتها وخا هكاك كتبقة ختها
جيهان حتى هي كتبكي.....توحشتكم فين هو بابا
مونية مامشات فين تهدر وهي توفو واقف موراها وكيشوف فيهم.
ميمون......بنتي مونية شكون هادي
(حيت جيهان كانت عاطياه بضهر )
جيهان ضارت عندو بالعرض البطيء كتشوف فيه شحال كبر وشعروتخلخل فيه الشيب  ولكن وخا هكاك باقي باباها هو هو ماتبدلش بزاف وبدباقي اد فصحتو
جيهان كتشوف فيه وهي تنتق بخوف.....با. بااا با

ميمون تصدم كيشوف فيها كفاش واقفة وهو كيشوف فيها كبرات وزادت زيانت كتر وخا هي من ديما زوينة ولات كدير الحجاب ولباس طويل بقا غير كيوشف مفهم والو
ميمون.......شنو كديري هنا
جيهان صدمة خرا مكانتش متوقعا هاد الهدرة منو واش 7 سنين مشافهاش وهادشي لي قال اش كديري هنا
جيهان......بابا
ميمون غمض عنيه ودار ليها اشارة بيدو جيهت الباب.....خرجي عليا معنديش انا بنت سميتها جيهان
جيهان طاحو دموعها كتبكي.....بابا اش كتقول غير سمعني
ميمون غوت عليها.....معندي منسمع سيري فحالك فين كونتي رجعي تماك سمعتي رجعي لتماك ولا صافي هداك لي فضلتيه علينا وبعتي راسك برخيص معاه رماك ياك اوا دبا سيري قلبي علمن تعولي انا لي باك وخنتي تيقتي فيك ومسيتي مع واحد مكيسواش اوا سيري دبا انفعك
جيهان.....بابا نت فاهم المضوع غلط غير سمعني
ميمون مزادش معاها الهدرة وهو امشي دخل لداخل هز واحد الكرطونة وبمها عليها......هانتي شوفي اش  صيفط ليا وكيستهزء بيا وكيقول ليا ها بنتك اش كدير هادي.هي فعايلك فلخر جيتي حتى لعندي وكطلبي سماحة

جيهان هزات ديك الكرتونة مفاهمة والو فتحاتها وهي اتحلو عنيها مصدومة كتشوف راسها معاه في لفراش هاد تصاور دازو عليهم شي 7 سنين دابا اول مرا نعسات معاه وخداو شي تصاور هي كانت عارفة ولكن كانت بحوايجها معاه وشي تصاور كانت هي ناعسة مشافتوش فاش خداهم ليها
جيهان مصدومة.....واش مجد لي صيفطهم ليك
ميمون.......اه هو صيفطهم غير البارح ماتتخبايش مورة الحجاب غير باني على حاقيقتك
جيهان وصدومة  غير كتشوف وهي تشوف واحد جوان باينة رسالة هزاتو وفتحاتو كتشوف فيه شي كتبة وهي تبدا تقراهم

(سلام سي ميمون بوتواتو المهم انا جيت نقوليك واش ولدتي ورمتي لزنقة تربي رابي شوية بنت رابي راه والو مفلسة غير غادية وتجري مورة رجال بحال الكلبة كل نهار معامن حضي شوية حشي هانت شوف بعنيك )