البارت98
من قصة القسوة لا تنسى
بقلمي انا.؟. Latifa el
جا نهار جديد 🌤️
حلات عنيها حاسة براسها مدكدكة ناضت شادة على راسها شافت جيهت ولدها ناضت بشوية عليها دخلات لدوش توضات وخرجات صلات الفجر لي داز عليه الحال ومصلاتوش ستغفرات الله وطلبات من الله اعونها فهاد الحالة لي ولات فيها
تنهدات وناضت طوات السجادة ومشات حلات لبلكار جبدات واحد القستان طويل فالبرتقالي لبساتو لبسات معاه واحد سروال فلكحل وعندو سمطة كتعقد على الكرش فلكحل عقداتها ودارت معاه شال كحل قداتو مزيان ومشات ملسات حدا اجاويد كتفيقو
جيهان.... حبيبي نوض براكة من نعاس
اجاويد كيتكسل..... ماما بغيت ننعس
جيهان.... ونوض اماما براكة من نعاس
اجاويد بتاسم ليها وناض كلس وعنقها عندو
اجاويد.... صباح النور ماما
جيهان.... صباح الورد زين ديال ماما ه نوض نخرجو انا وياك
اجاويد.... فين غادي نمشيو
جيهان.... ياله مفاجئة
ناضت مشا قظا حاجتو وغسل وجهو وسنانو عاد جا عندها لقاها جبدات ليه حوايجو
كانت عبارة على بروال كحل مع تريكو ديال الخيط فلبيط ووحد مونطو فلكحل حتى هو لبساتهم ليه ومشطات ليه شعرو جا متيتز
جيهان شداتو من حناكو..... ويتك ويتك تيتز ديال ماماه
اجاويد دار ليها نفس الحركة.... حيت والدة زين نتي
ضحكات على هاد الولد وناضت شدات ليه فيدو وهزات صاكها ولبسات بوط طالونها فلكحل وخرجات خرجو من الدار غادين فالحومة
اجاويد..... ماما كاع مكنمشي للمدرسة
جيهان.... عاد نرجعك احبيبي دبا منقدرش نخليك تمشؤ ليها
اجاويد.... علاش
جيهان..... هكاك احبيبي
(على العلم هي متقدرش تكمل ليه قرايتو فديك المدرسة حيت ديال لفلوس وهي معندهاش لفلوس باش تكمل ليه والاب ديالها ممخليهاش تخدم)
اجاويد..... وعلاش ياك كاين بابا اخلصها عارف بالي معندكش لفلوس ياك اماما
جيهان تنهدات.... ماشي قضية لفلوس اولدي
اجاويد.... ولكن اماما
جيهان.... صافي صافي غادي تمشي تقرة غير كون هاني وخا
اجاويد بتاسم.... وخا
كملو تريقهم على رجليهم وهي ساهية كتفكر فهادشي فين غادي. ضبر لفلوس باش تقريه بيهم تنخدات وهي توقف واحد الطاكسي ركبو وكسيرة بيهم للموقع لي عطات ليه
.... عل عنيه شاف نشاف فسقف كيرجع داكرتو شوية بشوية وكشوف راسو فين هو دبا بقا مدة كيشوف غير فسقف حتى من الغالي لي واقف قدامو مشافوش بقا مزال كيستوعب فين هو حاس بعقلو تبلوكة حاس براسو بحالة عقلو خاوي بزاف حتس براسو بحالة ياله تزاد ومبينو وبين هاد الدنيا والو وبحالة عمرو كان فيها حتى بداو كيتوضحو ليه بعظ اللقطات من حياة وفجأتا بداو الاحداث ديال حداثو كاملة كترجع وكدوز ق
ااام عنيه بحال السيدي ولكن هاد الداكرة لي رجعات ليه سببات ليه الم قوي فراسو محس براسو حتى هز يديه وكيضغط على راسو من كترت الالم لي ولا كيحس بيه
الغالي قرب عندو.... متضغطش على راسك غادي. تحل ليك الجرح
مجيد مسمعوش بقا على ديك الحالة حتى فقد الوعي......
قرب ليه الغالي كيتفحصو عرفو صافي رجعات ليه الداكرة بالاكمالية ديالها وبطبيعت الحال غادي. اسخف وهاد الحالة ميقد عليها حتى شي واحد وميفهموها غير لي مجربينها
ضرب ليها شوكة ديال المهدئ باش اتهدن وخرج هو سد عليه الباب
أنت تقرأ
القسوة لا تنسى
Mystery / Thrillerستخبرك الأيام وسيثبت لك الزمان كم كان قلبى وفيآ لك وكم خسرت بعدى بإتقان خسرت قلب إنسانة احبتك واختارت حبك بدلآ من النسيآن اختارت الألم والندم والحرمان لن تأتى إمرأة بعدى تحبك بهذا إلإدمان ستندم على عشرتى وستتألم حيث لاينفع الندم ولا الاحزان وس...
