القسوة لا تنسى

البارت90

البارت90
من قصة القسوة لا تنسى
بقلمي انا...... Latifa el

وصل لدار وراسو دارو من كترت التفكير مشافش جيهت مو وباه لي كانو مدهشرين مالي شافوه راشع لدار وهادي مدة مجاش ولا نقولو مالي خرج من تماك مجاش عندهم
دخل نيشان لدار ومشا تيجاه بيتو لي مدخل ليه هادي كتر من 3سنين ولكن هو معاقل على والو دخل ليه كان ديما كينضفوه الخدم بحالة كاين فيه

(على العلم راه هو معاقلش على شنو دارو فيه ولديه»)
دخل ليه حيد حوايجو ودخل لدوش تخشة تحت الرشاشة وفتح الماء وبقا كيتصب عليه الماء مد يدو اهز الشامبوان من الخزانة الزجاجية لي مقابلة معاه فتح وهو تضربو واحد ريحة منو شاف فيه وعقد حجبانو قلبو كيقلب فالتريخ انتهاء الصالحية ديالو لقاه تسالة هادي عماين
ستغرب من هادشي لي كايشوف قدامو  حطو وهز باندوش حتى هو تسالات ليه مدة الصلاحية بقا كيشوف فداكشي لي عندو تماك لقاهم كاملين تقضات ليهم الصلاحية وهو اخرج مدور عليه فوطة على نصو وخرج حل لبلكار اجبد اش يلبس جبد واحد السروال شاف فيه لقاه صغار عليه تنهد شنو يلبس كيقلب فهادشي كولشي صغار عليه  تخلط ليه راسو اش هادشي واقع معاه اش هاد الحالة فينهم حوايجو وهو عاقل بالي هادو ديالو وكان كيلبسهم خرح هكاك بالفوطة كيقلب على مو

مجيد كيغوت....... الوليدة فييينيك
الياقوت جات عندو كتجري  وقلبها كيفرفر قالت هادي هي نهايتها على يديه
الياقوت..... نعام اولدي
مجيد كان هاز عندو واحد التيشورت ورماها فلرض.... اش هاد لبس واش داك الشمبوان كولو تسالة ليه الصلاحية اش كيدير فبيتي
الياقوت..... صافي صافي اولدي دبا نبدلوه غير تهنا واما لحوايج جيب اخرين
مجيد..... كفاش جيب اخرين اش واقع هنا اش حاس براسي بحالة كونت فغيبوبة هادي 3 سنين وعاد فقت منها اش هاد الدنيا لي ولينا عايشين فيها اش هادشي
الياقوت.... ولدي وصافي تهدن تهدن

كتهدنو وهو هز ديك التيشورت وطلع الفوق اما هي بقات غير كتشوف مفهمات والو اش واقع ليه كفاش غيبوبة وكفاش معاقل على والو وعلاش متخاصمش معاها اقول ليها على شنو دارو فيهم هي مانت ضنات بالي غادي اجي وغادي اقتلهم ماشي اجي اسولها على لحوايج علاش صغارو عليه ولا الشمبوان على تسالة ليه الصلاحية