البارت8
من قصة القسوة لا تنسى
بقلمي انا.... latifa el
طلعو الفوق كان واحد الكولوار فيه بيبان دخلو لواحد الباب كان بيت مفرش مزيان ولقات تماك نفس الخدمات لي جابنت معاها لصالون
سلمات عليهم جيهان وكلساتها كتقاد ليها
اول حاجة عوناتها فلبس لبسات ليها واحد القفطان فالأخضر غامق مطروز فالدهبي وصدر عامر عقيق ونص فضهرو عقيق كلساتها على واحد الكورسي وبقات كتقاد ليها شعرها سرحاتو مزيان وجمعاتو ليها بمشيطة وخلات ليها شي خصلات على جنابها هابطين مع لقصيصة لي عندها قدات ليها مكياج اليق بلعروسات فليلة الحنة صبغات ليها ضفارها فلكحل كي قالت ليها وودارت ليها اكسيسوارات عبارة على كومبلي واحد العقد غليض وفيه عقيق فالاحمر وحلقات وخاتم وبراسلي
قداتها مزيان وهزات واحد لحاف دارتو ليها على وجها مشبك وكلساتها على النامسية
جيهان شافت فالخدمات.....المهم سيرو عيطو نتوما على لبنات لي غادي اهبطوها اوك
الخدامات....وخا امدام
....مالي طلعو باه من لتحت داه نيشان لبيتو
مجد دخل وسد الباب
مجد صغر فيه عنيه....شنو كنقوليك نت ها
أجاويد كيشوف فيه وساكت
مجد......شوف غادي تبقة هنا سمعتي والى خرجتي من هاد البيت غادي نقتلك هادي هي عقوبتك هنا غادي تبقا
قال ليه هاد الهدرة وخرج وسد عليه الباب وهز معاه الساروت
اما أجاويد مشا اتبعو وهو اسمع الباب بلجها بالساروت بقا كيدق فيها
أجاويد.....بابا عافك خرجني منهنا عافك ابابا خرجني هئ هئ
كنكرهك ابابا كنكرهك
بقا كالس حدا الباب كيبكي مسكين وكلمة وحدة في فمها هي كنكرهك ابابا كنكرهك
..خرجات من عند سارة بقات غادية بغات تهبط لتحت وهي تسمع شي صوت جاي من واحد البيت قربات لداك البيت وهي تسمع صوت لبكة
مشات تحل لباب لفاتو مسدود وبدات كدق دقات خفاف
جيهان......شكون هنا حل الباب
أجاويد كان مسند على الباب وكيشهق حتى سمعها كتعيط وكدق وهو انوض
وقف
أجاويد.....خالتي عافك فتحي عليا الباب
جيهان عرفاتو الولد صغير لي معرفات حتى صوتو....ولكن احبيبي الباب مسدود بالساروت
أجاويد....عافك اخالتي سيري جيبيه راه عند بابا عافك هو لي سد عليا انا مبغيتش نبقة هنا هئ هئ
جيهان سمعاتو كيبكي بقا فيها بزاف....وخا ولكن فين هو بيت باباك
أحاويد.....راهو هو لخر عافك سيري جبيه
جيهان....وخا بقا هنا ومتبكيش وخا انا نجيبو اوك
أجاويد....وخا عافك
مشات جيهان كتقلب على بيت مجد حتى وصلات فين قال ليها أجاويد دخلات بشوية كدور راسها فالبيت كان بيت كبير فاللون الابيض وحتى لفراش فلميط والأتات بيضين
دخلات كتسلت سمعات صوت الباب فالدوش عرفاتو كاين لداخل ستغلات الفرصة مدام راهو فالدوش بقات كتشوف فين تلقة هاد الساروت
وهي تشوفو محطوط فوق لكلفازو ديال لكراية هزاتو وهي تبتاسم وخرجات سدات الباب ومشات كتجري عندو حلات عليه الباب ودخلات ورجعات سداتو موراها
دارت تشوفو فين هو وهي تحس بيه عنقها من كرشها
تنهدات ودارت عندو هبكوات عندو عنقاتو حتى هي كتشوف فعنيه لي ولاو حمرين بلبكة
جيهان كتمسح ليه وجهو الفازك بدموع......صافي حبيبي علاش كتبكي
أجاويد .....انا كنكره بابا كنكرهو هو خايب بزاف مكنحملوش
جيهان....لا متقولش هكاك لباباك
أجاويد...لا انا كنكرهو هو لي ديما كيغوت عليا وكيطرهني انا عارفو
جيهان....دبا نت واش باغي تحضر فعرس عمتك سارة ياك
أجاويد .......سارة ماشي عمتي هاديك هي لي غادي اتزوج بيها بابا
جيهان مصدومة.....علاش واش باباك هو لي غادي اتزوج
أجاويد هز راسو بأه
جيهان عنقاتو....وفين هي ماماك
أجاويد حنا راسو بحزن.....معرفتش سمحات فيا حتى هي انا كنكرهم بجوج هي مشات وخلاتني هنا وبابا حتى هو كيغوت عليا هوما بجوج كيكرهوني وحتى انا كنكرهم
جيهان تنهدات وكلساتو على طرف النامسية....صافي حبيبي نسا علينا دبا اكيد بغي تحضر فعرس باباك
أجاويد هز راسو باه....ولكن قال ليا الى خرجتي منهنا غادي اقتلني
جيهان بتسمات....غادي نحضرو انا وياك وهو مغاديش اشوفنا وخا غادي نبقة مخبين ليه بين الناس وميشوفناش كون هاني
أجاويد بتاسم....بصح
جيهان....اه بصح
أجاويد....وخا انا نوض نلبس
جيهان......وخا واش شرا ليك باباك شي حاجة تلبسها اليوم
أجاويد هز راسو بلا
جيهان حسات بيه مقلق وهي تنوض بغات تضحكو.....اصلا معندنا مانديرو بحوايجو اكيد عندك هنا بزاف اممم انا نشوف ليك
حلات لبلكار كتقلب ليه اش تلبس ليه وهي تجبد واحد سروال كحل مع واحد القميجة فيضة واحد الفيستة كحلة حتى هي حطاتهم ليه فوق النامسية ودخلاتو لدوش
أجاويد كيشوف فيها.....خالتي واش مغاديش ديري ليا الماء البارد كي كدير ليا الخدامة ياك
جيهان شافت فيه حالة عنيها.....شنو الماء البارد
أجاويد.....عافك متقوليهاش لبابا راه غادي تضربني تاني بتصرفيقة كي صباح
جيهان تحنات لوجهو فين كيوريها عاد نتبهاد لضربة لي عندو حدة ودنو جيهت وجهو كحالت وصبع مصور فوجهو
جيهان.....اش هاد الهماجية فهاد الدار
أجاويد.....عافك متقولي والو لبابا
جيهان تنهدات....لا متخافش منقول ليه والو
دارت ليه ماء سخون فالجاكوزي وكلساتو فيه من بعد ما حيدات ليه حوايجو خلاتو غير فسليب
وبقات كتغسل ليه لحمو وشعرو حتى سلات ليه خرجات شللات ليه تحت الرشاشة عاد لواتو ففوطة وخرجات للبيت لبسات ليه حواج داخلية عاد لبسات ليه هادوك لي كانت جبدات ليه
جاو عليه زوينين مشطاط ليه شعرو رطيطب ونشفاتو ليه بشيشوار عاد قداتو ليه وباستو فجبهتو....وينو زين ولا كيشعل
أجاويد باسها....شكرا اخالتي
أنت تقرأ
القسوة لا تنسى
Misteri / Thrillerستخبرك الأيام وسيثبت لك الزمان كم كان قلبى وفيآ لك وكم خسرت بعدى بإتقان خسرت قلب إنسانة احبتك واختارت حبك بدلآ من النسيآن اختارت الألم والندم والحرمان لن تأتى إمرأة بعدى تحبك بهذا إلإدمان ستندم على عشرتى وستتألم حيث لاينفع الندم ولا الاحزان وس...
