القسوة لا تنسى

البارت102

لبارت102
من قصة القسوة لا تنسى
بقلمي.... Latifa el

بقات كالسة بحالة كالسة على الشوك كتدور راسها فيهم وكتقول مع راسها واش هادو منيتهم واش هما باغين ازوجوها بشي واحد مبغاتوش واش هي تقد تزوج بهادة لي كالس حداها
دورات راسهاوشافت فطاهر لي كالس حداها كتشوف فيه ماشي بحب ها ليه كيف ضنوها لي كانو كيشوفو فيها ولكن هي  علقها كان غايب كتفكر فهادشي راها فيه دبا دورات راسها فبابها لي كالس وكيهدر مع العالي علىةود حياتها هي وكيقرر فيها كي بغا ومعطاها حتى شي فرصة تقرر هي واش هادي هي العيشة لي غادي تولي عايشة فيها كطيع كولشي كطيع هدرت بابها وتمشي مع هاد المخلوق لي كالس حداها دبا وتولي تنعس حداه وتفيق حداه وتمسي عليه وتصبح عليه واش هادة هو المنطق ديالها دورات راسها فولدها لي كان كالس يشوف فيها وعنيه مدمعين كتشوفهم من بلاصتها وهاد الولد لي دارت على وادو المستحيل 7سنين من حياتها وهي كتقلب عليه ومالي لقاتو وممتيقاش هادشي دبا بغاو افرقوها عليه هي ازوجوها بواحد مكتعرفو ومبغاتو ومرضات بيه وولدها ابعدوه عليها يديوه لخيرية واش هو يتسم باش امشي لخيرية واش هو مقطوع من شجرة واش هو ماعندو لا ام لا اب لي اهزوه وعيش معاهم باش هو امشي لخيرية فاش هادة هو المنطق عندهم هو ابعدوها على ولدها ياك هما هادشي لي بغاو
فيقوها من تفكيرها غير يد الطاهر لي تحطات  على يديها باش البس ليها الخاتم رفعات راسها فيه ومدات يديها ليه لبس ليها الخاتم وحتى هي نفس شي هزات الخاتم من لبلاطو لي كانت شداه خت الطاهر هزات يديه كانت مترددة انها تلبسها ليه ولكن فالاخر هدر
ميمون.... لبسيها ليه ابنتي
جيهان شافت فيه ودارت فيهم رئية شاملة ولبساتها ليه
غيرىلبساتها وهي تدوز من بيناتهم تخطاتهم كاملين ومشات لبيتها وزدحات البيت
ميمون حاتو لقوة من هاد ردة الفعل لي دارت بتاسم ليهم
ميمون... كلسو كلسو راه هادو هما لبنات كيحشمو شوية

كلسو الباقي كملو الخطبة ولكن طاهر لي كان مزير من ردة الفعل ديالها

الطاهر.... عمي ميمون بغيت نهدر مع جيهان الى كان ممكن
ميمون بتاسم.... اه اولدي اه سير ليها راه البيت ديالها غير تخرج من الصالون على يدك ليمنية

غير دخلاتولبيتها وهي تحيد ديك الخاتم ورماتها على النامسية وتلاحت عليها دافنة وجها بين لمخاد وساكتة مزال مستوعبات هادشي لي هي فيه واش صافي دبا ولات مخطوبة لشي حد معمرها كانت ضاناها فيه تنهدات ولكن غير كتشوف  مكتبكيش نقدرو نقولو محروق قلبها وعيات من دموع حتى تسلاو ليها 

سمعات دقان فالباب وبقات علىةديك الحالة حتى تفتحات الباب ودخل منها طاهر  هي على نفس لبوزيسيو متحركاتش ومداىتش تشوف شكون ليدخل

شاف فيها لقاها فديك الحالة وهو اكلس على طرف النامسية
طاهى حنحن وهدر..... جيهان
جيهان سمعات سمستها غمضات عنيها مالي شافتو هو ناضت كلسات وشافت فيه بمعنى اش كاين