البارت43
من قصة القسوة لا تنسى
بقلمي انا.....latifa el
قادو لعشا وكلسو كياكلو حتى سلاو عاونوها غسلو لماعن حتى سلاو عاد دخلو للبيت كيقولو لجيهان نوري ليهم اش شرات وتقيصهم
جيهان....والله مافيا لي اقيصهم كاملين
اجاويد....عافك اماما
مجد مدالي شفايفو.....عافك
جيهان شافت فيهم وتنهدات مشات عندهم شداتهم من يديهم وخرجاتهم برا البيت
جيهان سدات عليهم الباب....اوا سيرو كلسو فالصالون حتى نكلس
مجد مشا هو واجاويد لصالون تكاو كيستناوها تخرج عندهم
اما هي بقات لتشوف دوك لحوايج وهزات دوك لكساوي كتقيس وتمشي توري ليهم وترجع تقيس خاجة خرا حتى سلاتهم كاملين وبقات ليها كسوة وحدة طويلة فلكحل جاية سامبل ومتبتة بلعقيقة جيها صدر وقدات معاه فولار بيض ومكياج خفيف وركزات على عنيها بكحل وفمها دارت ليه عكر فالوردي خفيف ولبسات طالون وخرجات عندها غير دخلات عليهم في الصالون كانو متكين وهما اكلسو حالين فيها فمهم
مجد شاف فأجاويد واجاويد شاف فمجد وقالو دقا وحدة....وااااااو
جيهان بتسمات ومدور في بلاصتها.....كي جيتكم
مجد.....قوقة
اجاويد.....برقوقة
جيهان حطات يديها على فمها كتضحك......هههههههةحشمتووووني
مشا اجاويد جرها عندهم وكلسها بيناتهم
اجاويد....بابا شوف شوف عندي زين انا
مجد كيضحك على ولدو.....متنساش بالي انا لي ختاريت ليك ماماك زوينة
جيهان بتسمات على ديك الهدرة لي قال ليه
مجد شدها من حناكها.....متبزين هانن لحناااااك غير ديال الماكلة
جيهان نسات راسها ومشات معاهم في الخط فرحانة وهما اسمعو صوت الدقان
مجد شاف فيها.....شكون جاي
جيهان هزات كتافها....معرفتش
ناض هو مشا اشوف شكون وهي مشات للبيت رجعات لبسات عليها بيجامة طويلة وحزمات راسها بفولار
وتمات خارجة عندهم وهي تشوفو داخل وهاز شي بواطة بين يديه
جيهان.....شنو داكشي
مجد.....ماعرفتش
دخلو لصالون وكلس وحتى هي كلستت حداه وهو احل ديك الكارطونة وهو اشوف فجيهان وجيهان شافت فيه مصدومين بجوج
أنت تقرأ
القسوة لا تنسى
Misterio / Suspensoستخبرك الأيام وسيثبت لك الزمان كم كان قلبى وفيآ لك وكم خسرت بعدى بإتقان خسرت قلب إنسانة احبتك واختارت حبك بدلآ من النسيآن اختارت الألم والندم والحرمان لن تأتى إمرأة بعدى تحبك بهذا إلإدمان ستندم على عشرتى وستتألم حيث لاينفع الندم ولا الاحزان وس...
