القسوة لا تنسى

البارت17

البارت17
من قصة القسوة لا تنسى
بقلمي انا..... latifa el

دخلات لبيتها كتعاير
جيهان....مكايسواش تفو الله اعطيك الساحق
أجاويد شد ليها يديها....ماما متعصبيش وخا
جيهان تنهدات وكلسات على طرف النامسية وشدات ليه فيدو......حبيبي شوف انا نخاف غير ادرك ليا تاني ونبقة بوحدي نخاف اولدي
وبدات جتبكي
أجاويد كيوف فيها وهو اهز يديه وكيمسح ليها عنيها....صافي اماما اصلا انا منخليكش بوحدك كنوعدك غادي نبقة معاك وخا اديني معاه بزز غادي نهرب ليه مغاديش نخليه ادني
جيهان باستو وعنقاتو عندها بقاو شحال على ديك الحالة عاد ناضت توضات ولبسات عليها صلاة المغرب لي فاتح وتبعات ليه العشاء عاد خرجو سدات الباب ومشاو لدار حسن
دقو وبقات كتستناهم احلو حتى سمعو لخطاوي جاين موراهم

.......سلام
جيهان دورات راسها وهي تشوف واحد الراجل واقف تكون عن
و ديك30 عام
......واش كتسولي على شي حد
جيهان.....شكون نت بعدو
تحلات الباب وهي تشوف منانة
منانة.....بنتي جيهان دخلي مرحبا بيك
جيهان بتسمات ليها ودخلات وهي تشوف داك الراجل دخل حتى هو
منانة بتسمات....بنتي جيهان هدا ولدي هود
جيهان سلمات عليه.....سلام خوية هود سمح ليا معرفتكش
هود حتى هو سلم عليها.....هانيا ختي كتوقع
تحنا باس هود حتى هو وشاف فهود.....واش خوك
جيهان هزات راسها بلا....لا ولدي سميتو اجاويد
منانة باست أجاويد.....تبارك الله حبيبي كبرتي مشاء الله حمد الله على سلامتو
جيهان....شكرا اخلتي الله اخلي ليك صحيحتك
منانة...امين دخلو دخلو لداخل
دخلو لصالون كلسو وهود كلس قبالتهم ومنانة مشات تكمل شغالها
جيهان بقات كالسة وساكتة وهو انطق
هود......اجاويد اجي
اجاويد شاف فمو حتى دارت ليه بعنيها سير عاد ناض مشا عندو
هود كلسو على حجرو.....شنو سميتك
أجاويد..... أجاويد
هود......كتقرة
أجاويد....اه ولكن ديا عندنا سيمانة ديال العطلة
هود دار يدو فجيبو جبد منها 100 درهم عطاها ليه....هاك هادي ديالك
اجاويد.....لا لا شكرا
هود.....علاه الى عطا ليك شي حد.شي حاجة كنرضوها ليه
اجاويد هزها من عندو وباسو من خدو....شكرا اعمي
هود....مرحبا
دور راسو لجيهان لقاها ساهيا ...احم جيهان ياك
جيهان كانت ساهية والو عقلها غايب
هود رفع حاجب.....جيهان
جيهان....ها شنو قولتي
هود.....كنهدر معاك.ونتي ساهيا ياك لباس
جيهان....لا لا والو غير سهيت شوية
منانة دخلات حطات اتاي ولحليوات والمكصرات على الطابلة....تفضلو اولادي مرحبا بيكم
جيهان....شكرا اخالتي
منانة....اوا ابنتي امضرة اش درتي مع مجد
جيهان تنهدات....معرفتش اخالتي هانتي كاتشوفي كنفكر نرفع قضيا الحضانة صافي عيت من هادشي هو 7 سنين وهو محبي عليا ولدي دبا ممتيقاش اني لقيتو ومستحيل نخليه ليه
منانة...اوا ابنتي راه من حقك
هود....علاه مالو باه فين هو وعلاش خداه ليك 7 سنين
جيهان تنهدات....اصلا خداه ليا مالي تزاد وخرج بيه برا لبلاد انا بقيت كنقلب عليه ملقيتوش اوا مالي رجع بدلو المسكن
أجاويد.....عمي عمي
هود....نعام
أجاويد.....انا بابا شرير كيكرهني
جيهان..... أجاويد
اجاويد حنا راسو وسكت
هود.....ختي جيهان اش هادشي كيقول راه نتي من حقك ولدك ابقة معاك علاش داه ليك
جيهان....اوا اش دير اخوية ماتلقة شكون اعونك
هود.....ختي جيهان انا نعاونك الى بغتي وانا نوقف ليك على هاد القضية بيديا كنوعدك مستحيل نخصر بحال هاد القضية
جيهان سكتات شحال وهي تنطق منانة.....هاهو ولدي اعاونك تدي الحضانة ديالو ويبقا معاك حياتك كاملة وبلقانون
جسهان سكتات شحال ونطقات....معرفتش نفكر ونرض عليكم
هود....المهم خودي راحتك
بقاو دوين

نعرفكم على هود

هود 30 سنة زوين بكوص اودي اخوتاتي بشرتو سمرة لحية متراسة عنين قهوين وصلع وديما داير كاصكسط مكتخطاهش مفورمي وهو من اكبر المحامين في فرنسا ودبا رجع لبلادو اكمل خدمتو في المغرب ومكايناش شي قاضية استسلمها وخسرها