القسوة لا تنسى

البارت10

البارت10
من قصة القسوة لا تنسى
بقلمي أنا.... latifa el

جيهان عاد شافت فيه وهي تحس بركابيها فشلو عليها كتشوف فيه قدامها وهي ممتيقاش عنيها اناه مزال الله دور ليام بيناتهم ولقتهم انا الله وخا 7 سنين مشافتو دبا شافتو
جيهان كتشوف فيه ولكن دموع لي كانو فعنيها نشفو مبقاوش فمجرد شوفة وحدة فهاد الوجه المشؤوم كي كتسميه
كولشي تصدم مالي شافوها وخصوصا الياقوت 

مجد دفعها جات طايحة وتحنا هز ولدو وزاد بيه كايجري
جيهان مزال واقفة كتشوف فلرض كاشوف فنقطة وحدة عنيها مكيرمشوف كدور راسها فالحضور وترجع تشوف فالدم لي فلرض ديال اجاويد وهي تهز يديها حطاتهم على داك.الدم هزات شوية فيديها وكتشوف فيهم وهي تنطق.......هدا دم ولدي هاد.الدم ديال ولدي وأجاويد ولدي لي 7 سنين من حياتي وانا كنقلب عليه  كي غادي.تكون.حالتو دبا هزو داك الحيوان هزو هازو تاني
ناضت وقفات وهي تشدها الياقوت من كتافها
الياقوت.....شوفي فيا نتي اهاد اللفعة شوفي فيا مزيان غادي تنوضي تجمعي شطايطك وغادي.تمغبري منهنا سمعتي راه الى رجع ولدي مجد ولقاك هنا مزال غادي اطيح شي روح
جيهان  نترات منها وهزات فيها صبعها.....الى ولدي الياقوت الى ولدي

قالت ليها هاد الهدرة وهي تشوف محمود واقف كيشوف فيها مصدوم
مشات عندو
جيهان.....خوية محمود عافك صونة لداك خوك قوليه فين دا ليا ولدي.انا مستشفى لي داه ليها عافك اخوية الله ارحم بيها الولدين
محمود كيشوف فيها بديك الحالة وهي من ديما عزيزة عليه تنهد وجبد.تليفون وصونة لخوه
محمود....الو مجد فينك
مجد......راني فسبيطار
محمود.....صيفط ليا العنوان فالمساج وخا
قطع معاه وهو ادخ ليه المساج
فتحو وهي طل على داك تليفون قرات العنوان وعطاتو بضهر خرجات
بقات غادية على رجليها مرا تجري مرا تمشي حتى وصلات حيت كانت قريبة تمات داخلة مشات سولات ديريكت فالإستقبال
جيهان.....عافك واحد الولد صغير جابوه عندكم عاد دابة كلا شي ضربة فراسو تكون عندو ديك 7 سنين
السكرتيرة....انشوف ليك اكدام
بقات كتقلب فالسيستيم.....اه الالة سميتو أحاويد الكرطيط رقم الغرفة 112
جيهان مشات كتقلب على الغرفة حتى دازت من واحد الكولوار وهي تشوفو  واقف غادي.جاي معصب وهي توقف عليه
غير شافها وهو امشي عندها شنق عليها وكلاها مع الحيط كيخنق فيها
مجد......شنو كديري هنا هاااا شنو لي جايا ديري شنو لي جابك تاني ياك كونتي مشيتي ها مشيتي اوا سيري مترجعيش
جيهان كتحاول تتفك منو حتى دفعاتو عليها ورفهات فيها صبعو....معمرك تهز عليا يدك مرا خرا سمعتي هاد المرة نفلتها ليك حيت كاينين فسبيطار ولكن المرة جاية والله منعقل عليك
مجد معصب......غادي تنوضي تمشي فحالك ولا والله مايعجبك حال معايا
جيهان قربات ليه كتر بتحدي......متنساش هداك لي لداخل ولدي انا سمعتي ومن حقي نبقة هنا حتى افيق ونقوليه بالي انا هي ماماك ونقوليه على خبائث باباه
مجد هز يدو حتى الفوق وهو اضربها فلرض......متقوليش عليه ولدك سمعتي هداك ماشي ولدك نتي
جيهان كتشوف فيه.....فرقتني عليه 7 سنين ولكن مغاديش نسمح ليك تفرقو عليا مرا خرا سمعتي وديرها في بالك جيهان لي واقفة حداك دبا ماشي هي جيهان ديال قبل 7 سنين من دبا
مجد شدها من يديها غادي.بيها مخرجها وهي تنتر منو ورجعات اللور.......مغاديش نتزعزع منهنا حتى نهز ولدي ونمشي فحالي
مجد خنزر فيها.......هداك لي لداخل انا لي تكرفست عليه 7 سنين باش كبرتو وولا هكاك ودبا تجي تديه بهاد السوهولة متحلميش بزاف
جيهان ضحكات ضحك استهزاء وكطلع وتهبط فيه بشمأزاز......شنو 7 سنين ديال تكرفيس
واش نت اب غير قول ليا واش اب لي كيخلي ولدو بين الخدمات كيتكرفسو عليه وكل صباح مدوش بماء بارد وزيد عليها الضرب  واش نت اب لي مكاتديهاش فولدك لي ولا كيكرهك ومكيحملكش انا نوع من الاباء نت قول واش هداك لغوات لي كتغوت عليه نت وكضرب وتشتم فيه وزيد عليها حارمو من حنان الام حياتو كاملة انا عمري نسمح ليك على هاد الفراق لي درتي بيني وبين ولدي سمعتي وحتى هو كيكرهك كي كنكرهك
قالت هاد الهدرة خلاتو مصدوم
مجد بينو وبين راسو.....كيفاش كان هاملو لهاد الدرحة كفاش الماء البارد وكيفاش الضرب وكيفاش وكيفاش وكيفاش بقا غير كارز على سنانو وهو اخرج معصب

جيهان دورات راسها وهي تلقاه مشا ودورات راسها عند.طبيب......شنو عندو ادكتور
طبيب....راه بخير الحمد الله على سلامتو حيت الضربة مجاتوش في العرق ولكن الضربة شوية غارقة المهم الحالة ديالو مستاقرة وماشي شي حاجة الله اشافيه امدام

مشا هو وجيهان دخلات عندو كتشوف فيه ناعس فوق لبياص مشات كلسات حداه شدات ليه فيدو  باستها ليه وباستو من جبهتو كتشوف فيه وكدوز يدها على شعرو وكتبتاسم ودموع هوادين على خدودها
جيهان.....واخيرا اولدي لقيتك واخيرا تحقق حولمي ولقيت طرف مني سمح ليا اولدي ملقيتكش شحال هادي سمح ليا ولكن كون على اكيد مغاديش نخليهم افارقونا مرا خرا سمك ليا مغاديش خليك مع هاد بنادم انا كنواعد. كنواعد اولدي حبيبي