جَفا

Part 3

هنـوف:
ناظرتني ريم بعدم فهم وهمست لها لا تسوين شي غبي ما نبي نموت قاطعني وقال "شسمكم؟" قلت شتبي بأسمنا انت خلاص خلص فكرتك واحنا بننتظر بس بشرط تفكنا بعدها؟ قال بعصبيه "من انت عشان يمشي كلامك هنا؟ شسمك اخلصي؟" قالت نجلاء بتوتر "انا نجلاء" واشرت على ريم وقالت "ذي ريم" ناظرتهم ببرود وقلت انا هنوف ..

فيـصل:
خرجت من خيمتهم و رحت لطلال يلي كان بخيمتنا وقال بانفعاليه "وش بتسوي فيهم!" تنهدت وجلست على المفرش وبديت ادخن واقول له خططتي..بناخذهم رهائن يوم نروح نسرق البنك وبعدين بنفكر وش بنسوي فيهم قال هزاع بضحكه مخفيه "بتفكر قلت لي" ناظرته بسكوت وقال بدر بعصبيه "منجدكم انتم ذول بنات ! محد بيمسهم اسمعني يا فيصل" هفيت الدخان بوجهه وقلت انت تدري ان ذي يلي اسمها هنوف بنت الرجال يلي حرق شاحنتا؟ ناظرني بصدمه وقال "ما يهمني ما يصير تمسهم بأذى ذول بنات يا فيصل شفيك انت!" صارخت فيه انت شعليك امك ولا اختك ذول!! مسكني من ملابسي بقوه وقال نفس نبرتي "يالتبن هدي من نفسك انت انفعلت عشان ابوها هو السبب لخساره الشاحنه! شغل مخك معاك ٢٤ ساعه واقل وتبدا الشرطه تدور عليهم بكل مكان" دخل بيننا هزاع وطلال ووخرنا عن بعض ناظرته بسكوت و خرجت امشي وافكر فيهم وبكلام طلال وبدر ويرجع يقاطعني تفكير الشيطان و يقول ان يلي سواه ابوها مو قليل ..

الكاتبــه:
يوم كامل يقضوه البنات وحدهم برا بيتهم كان الخوف و التوتر ما يفارقهم وكل وحده تحاول تهدي الثانيه وهمه بنفسهم عارفين ان مصيرهم قريب ، ليه مصيرهم قريب؟ لان فيصل ذا ورث من ابوه الراس العنيد، فهو لو قال شي بيسويه حتى لو وقف جيش ضده ومحد من اصحابه كان يقدر يناقش قراره ويمكن ذا السبب يلي سماه طلال براس الثور..

هنـوف:
استغليت فرصه ان يلي خطفونا مو موجودين وحاولت افك يديي من بين الاحبال وفعلا قدرت بعد محاولات كثيره همست لنجلاء يلي كانت نايمه جنبي وقامت من مكانها خايفه همست لها :سك الله عليك ، قومي فكيت يديني بفككم ونهرب بسرعه ! قامت وهي مو مستوعبه شي وساعدتني نفك ريم وخرجنا من الخيمه بسرعه وشفنا سیاره بابها مفتوح طلعنا فيها بسرعه وحاولت ريم تشغلها بدون مفتاح وبعد ما بدينا نحس باليأس انا و نجلاء اشتغلت السياره، قالت نجلاء بحماسها يلي كان بيفضحنا "كفو عليك"، بدينا نقرب للخط السريع وقالت نجلاء بخوف وهي تتفقد صندوق السياره "في اسلحه كثيره بالسياره" لفيت عليها وناظرت ريم يلي كانت مركزه بالطريق وقلت ما علينا منهم المهم اننا هربنا الحين قالت نجلاء بعصبيه "وش ما علينا منهم في دوريه قدامك يا ريم!" ناظرت الدوريه وريم وقلت يعني ننمسك من الكلاب ذولاك احسن.. تنهدت ريم وهي توقفنا على جنب الطريق قالت وهي واضح عليها متوتره "أمر؟" ناظر الشرطي السياره بهدوء وقال "انزلو منها" قلت بأندفاعيه ليه وش سوينا! ناظرني بأستغراب وقال للضابط يلي معه ينزلنا قبل لا يوصل سيارتنا كنا خارجين من السياره ورافعين يدينا وكمل الضابط كلامه "السياره ذي مشبوهه"وبدون اي سابق انذار جت طلقه لواحد من الشرطه وطاح على الارض لفيت وجهي لمصدر الصوت وكانت ريم صارخت فيها :شسويتيي!!! الين قاطعني صوت طلقه ثانيه من جهه الشرطي واصاب رجل ريم صارخ الضابط فيها "نزلي السلاح على اصابتها وثواني فصلتنا بين صوت اطلاق ثاني..
شفنا سياره واحد من الخاطفين جايه باتجاهنا والشرطه طايحين عالارض صارخت فيني نجلاء وهي صاعده السياره"بسرعه الحين هم بيمسكونا وش تنتظرين!" لفيت عليهم بصدمه وسحبت ريم للسياره يلي ما مشت امتار معدوده ووقفت بسبب التاير يلي اطلقوا عليه بديت احس بضيقه النفس والنوبه يلي كانت تصير لي بس اتوتر ومسكت يد الباب وشديت عليها وانا ادور انفاسي صارخت فيني نجلاء"هنوف تكفين مو وقتك حاولي تتنفسي زين!" نزلوهم من السياره وكان يضيق نفسي اكثر واكثر..

فيـصل:
ربطناهم وصارخت فنجلاء وين الثالثه!قالت وهي ترجف "مدري مدري جتها نوبه تكفون ساعدوها" قرب عليي طلال وقال "وخر عنها تراك وترتها!" ناظرته بسكوت واستوعبت ان اول وحده ابي اخذ ثأري منها هي التعبانه ركضت للسياره ولقيتها رافعه راسها و ترجف وباين عليها تعبانه جلست مكان السايق وقلت لببدر وطلال يحركون مع ريم و نجلاء للخيم و يتأكد انهم ما يهربون وتحركت لصديق لي طبيب وانا مو عارف وش فيها كنت اسألها وما ترد صارخت فيها :ابيك تموتين اي بس مو كذا صحصحي شوي باقي ابي منك خدمات! قالت بصوت تعبان "البخاخ البخاخ"- بخاخ وش ؟ أشرت على صدرها كأنها تقصد رئتها..

نجـلاء:
وصلنا الخيم وناظرتني ريم والدمعه بعينها وقالت "الله يستر وربي مو مرتاحه للي بيصير فيها هالبنت" دخلوا اثنين بس صارخت فيهم عشان ريم كاشفه عن رجلها وكنت احاول امسح دمها بدون ما أأذيها ، لفو وعطونا ظهورهم الين غطيت رجلها ، وبعد ما ساعدونا نخيط الجرح ابتسم واحد منهم وقال "انا طلال وذا هزاع اما يلي مع رفيقتكم اتوقع اسمها هنوف اسمه فيصل" حسيته طيب للامانه ،قام وجاب لنا مفارش وساعدنا نقوم ريم..