جَفا

Part 4

نجـلاء:
قال وهو يخرج من الخيمه "تأخر الوقت نامو و بترجع هنوف الصباح" بدا يسكر لنا الخيمه بس قاطعته ريم "بننتظر هنوف ما اوثق فيكم انا شسويتولها!!" ناظرت ريم بسكوت وقال هزاع يلي كان ورا طلال "جعلك لا نمتي" وبعد ما خرجوا ناظرتني ريم بسكوت وقلت طلال ذا طيب كيف يشتغل معهم! قالت وهي تحاول تعدل جلستها "مالت عليك تتكلمين كأنك تعرفينه من سنين"

فيـصل:
وصلت ايوب (صديقي الطبيب) وساعدتها تنزل من السياره وهي ترجف بين يديني وحطيتها بغرفه وجا ايوب يشيك عليها وحط لها أبرواشياء اول مره اشوفها جلست جنبها اناظرها بسكوت واراقب تنفسها كيف سريع ما انكر اني حسيت ولأول مره اني اسوي شي غلط وان كلام طلال وبدر كان صح وانها منجد ما لها ذنب ويرجع التفكير الشيطاني لراسي ويقول ان ياي سواه ابرها مو قليل، دقايق وشفتها تفتح عيونها بس ما شافتني قامت من مكانها بسرعه كأنها تبي تهرب بس الاقفال يلي بيدها والسرير سحبوها مكانها ضحكت بهدوء وقلت شايفتني خبل انت؟ ارجعي مكانك ، ناظرتني بتعب وقالت "ناشب لي انت" رجع ايوب الغرفه وقال "فيصل من فين تعرفها ؟" ناظرتني بخوف كانها ما تبيني اجاوب،وقفت بوجه ايوب وقلت وضعها يسمح تخرج ؟ ناظرني بصدمه وقال "اي" قلت اجل يلا مشينا يا هنوف ، خرج ايوب وتنهدت وانا اناظرها وبادلتني نظراتي بنظره حقد فكيت الاقفال يلي بالسرير وسكرت الثانيه بيدي وانتظرتها تعدل طرحتها وبعد دقايق رجعنا للسياره.

هنـوف:
ووصلنا المكان يلي كنا فيه وجيت برجع خيمه البنات بس مسكني فيصل وقال "بتنامين الحين؟" سكتت شوي ووخرت يده عني وقلت شعليك انت ؟ تنهد وقال "ابي اكلمك أمشي معي وما بتنامين بذي الخيمه اليوم" ناظرته بعدم فهم و هو يمشي قدامي ويقول الحقيني ، جلس على الارض واحنا على تله خاليه ونور القمر منور كل المكان ،سحب دخانه من جيبته وقال "اجلسي"..
جلست جنبه وبين سكوت طويل وانا افكر اني لازم اصير قويه ليه اخاف منه! ما يقدر يأذيني الين يستفيد مني بمعلومات ابوي- قاطع تفكيري صوته "ب وش تفكرين" لفيت عليه بخوف ولا كاني كنت اقنع نفسي ما اخاف منه :هاه ؟ قال وباين عليه لأول مره انه هادي و ما يبي هواش "ب وش تفكرين يلهنوف" قلت وانا احاول امسك دموعي اسألك بالله انا وش ذنبي بغلط ابوي! قال وهو يعدل جلسته وينسدح على الارض"انا فاك قيدك يا بنت عشان ابي منك هدمه" ما قدرت اتحكم بأعصابي اكثر وقلت اخلص وش هالخدمه ؟ابتسم ببرود وقال "زين عندك خيارين الحين" كمل كلامه وقال "الاول اني اقتلك انت و ذول يلي معك واخذ حقي بدم بارد والثاني انك تساعدينا بأشياء تسدين يلي سواه ابوك حتى لو سعر الشاحنه يلي فجرها" عدلت جلستي وانا اناظر النجوم يلي كانت واشمه الظلام فوقي وقلت كم سعر شاحنتك؟ قال وهو يناظرني " 40 آلاف ريال" فزيت من مكاني وناظرته بعدم فهم وش فيها ذي ليه كذا غاليه! قال وهو ينفخ دخانه "مب شغلك" تنهدت ورجعت جلستي مره ثانيه وقلت بساعدك بس فك نجلاء وريم ما لهم ذنب قال بأستغراب "وش يقربولك؟" سكتت شوي وانا افكر لو قلت له ان ريم اختي ممكن يهدد حياتها معي قلت بتوتر "ريم صديقتي ونجلاء بنت خالتي" ناظرني بضحكه خفيفه خلتني اتوتر أكثر وقال "ما تعرفين تكذبين اعرف ان ريم اختك وما تبين يمسها شر" سكتت وانا احاول اسيطر على توتري وقاطع سكوتنا وهو يقول "لا تفكرين بخطتك ذي ما بفك ولا وحده منكم الا لين ناخذكم رهاين للبنك وقتها افكر اخذك ولا اخليك ودامكم عرفتو اسمائنا و مکاننا لا تحسبين الشي هيين" ناظرته وانا فاقده الامل بخطتي وسألته يعني ما في حل ثالث؟ قال "اي حل غير ذول بقتلكم"..