Nagsinungaling ako nung lalabas sa aking bibig na hindi mo na bighani ang aking mata
Hindi katotohanan noong aking sinabi na hindi ka kamangha-mangha
Kasinulangian ang aking binibigkas nung salitain kong ikaw ay hindi mala tala
Napakakinang, napakaliwanag ngunit hindi maabot ng aking palad
Bituing nasa langit, kahit itaas ang aking kamay, hanggang tanaw lang ang magagawa
Ngunit, kahit gaano ka man katayog, abutin man ng minuto, oras, taon maging dekada man ang lumipas
Hindi ako mapapagod tumitig sa iyo mula sa malayo, basta ang alam ko lamang ako ay may paghanga sa iyo
Matanaw ka lang ng aking mga mata, puso ko ay hindi na tumigil sa pagbilis ng tibok
Binibini, ako ngayo'y naglalakas loob upang sabihin ang nilalaman nitong damdamin
Mahal kita, nagbigay na ng maraming pahiwatig ngunit tila ba iyo'y hindi mo pansin
Mahal kita, binibini, matagal na, ilang beses ko ng pinatunayan ngunit tila hindi mo maintindihan
Pilit kong sinasabi sa iyo na ikaw ang aking sinisinta sa pamamagitan ng kilos, ngunit mukhang hindi umubra
Kaya ngayo'y bibig at boses ko na ang nagsasabi, binibini, minamahal kita
Abutin man ng minuto, oras, taon o mapa dekada man ang aking paghihintay para ako ay mapa sa iyo
Mamuti man ang buhok at kumulubot ang balat kakahintay sa iyo, hindi iyon balakid
Hindi na iyan kasinungalingan, dahil ito ay tapat at totoo, mahal kita iyan ay tapat at puro
BINABASA MO ANG
Mga Tulang Walang Paksa
RandomWala ng rason pa para maghabi ng mga salita upang ika'y alayan ng tula. Sapat na ang iyong paglisan, upang tapusin na. Ngunit para sa huling pagkakataon, nais lamang lumikha ng mga tula, mga tulang nawalan ng paksa, sapagkat ikaw lumayo na.
