“Sapilitan”
Unti-unting nararamdaman ang lamig na dala ng hangin
Nadarama na rin ang lumbay sa paglitaw ng mga bituin
Hindi ko naman batid na maari ring palang mawala ang ligaya tulad ng bula
Ang dating hindi mapaghiwalay ngayong nasa mag kabilang dulo na
Kung paanong sa paglubog ng araw, buwan ang lilitaw
Kung paanong ang langit ay malayo sa lupa
At kung paano ang pinaglulubugan ng araw ay malayo sa lilitawan
Ganon na din tayong dalwa, ikaw ay dumistansya na
Nagpaalam ka na ang dahilan sa aki’y misteryo pa
Nanatiling tanong sa aking isipan
“May nagawa ba akong mali upang ikaw ay mabigyang dahilan upang lumisan?”
Ano ba ang naging dahilan upang ikaw bumitaw?
Ako ba sa iyo’y nagkulang?
O, hindi ko naipadama na ikaw ay aking lubusang mahal, sinta
Nais ko sanang malaman, kung bakit, bakit parang ang dali lang sa iyo na ako’y lisanin
Hindi ko naman hiniling ang iyong pagdating, ganon din ang iyong pang-iiwan
Hindi ko nais na ako’y iyong itapon na para bang laruang pinagsawaan
Nais ko lamang naman malaman kung bakit,
Bakit ka nang-iwan, lahat ba nang iyong ipinakita ay sapilitan lang?
BINABASA MO ANG
Mga Tulang Walang Paksa
RandomWala ng rason pa para maghabi ng mga salita upang ika'y alayan ng tula. Sapat na ang iyong paglisan, upang tapusin na. Ngunit para sa huling pagkakataon, nais lamang lumikha ng mga tula, mga tulang nawalan ng paksa, sapagkat ikaw lumayo na.
