ياسمح المحيا جر الهجنية

الجزء السبعين

،،الـجـزء الـسـبـعــيــن،،

سبحانك اللهم وبحمدك استغفرك وأتوب اليك
.
.
حلايا ببكا:غيث
جسّار اتسعت عيونه ووجّه نظراته لسعود
بخوت اللي انهارت من داخلها وهي تسمع الاسم بلعت ريقها وهي تجمع شتاتها:هو أخذك؟
حلايا بدموعها وبلفظ طفولي:لااا جدي كبه يأخذني وانا مااريد،،ضربت بخوت ع كتفها اللي كان اقرب لها وببكا،،وين غديتي عني كبيتيه يأخذني يابحوت
بخوت سحبت حلايا من يدين سعود وسط نظرات حادة له وهي تضمها لها
سعود شتت نظره بالمكان حوله بخجل منها وهو يطالع نظراتها
بخوت دخلت للبيت بخطوات سريعة وحلايا بحضنها
سعود لف بيدخل طالع جسار
جسّار:الحق اختك ياسعود ألحقها واللي ببالك تطمن ماهو بصاير
سعود دخل
عباير واقفة عند باب غرفتها وطالعت بخوت باستغراب من رجعتها:بخوت!!
بخوت مرت من جنبها ماردت
عباير مشت وراها
بخوت دخلت غرفة جدها المفتوحة بعيون تلمع من دموعها
عباير وقفت عالباب
الجد بادي متمدد على بطنه سريره الحديد وصاد بوجهه عن جهة الباب
نشمي يمسج ظهر ابوه طالع بخوت باستغراب:بخوت!!
الجد بادي التفت باستغراب:علامش!!
سعود وقف ورا عباير وهو ملتزم الصمت
بخوت بصوت يرجف:علامك غديت بها يم غيث!!
الجد بادي احتدت ملامحه وهو يرفع نفسه ويجلس ويطالعه:وثمن!!
بخوت صرخت:ليش كبيته ياخذها ليش!!
الجد بادي بحدة:ابوها
بخوت بصراخ:ياعلكم بالوبا كل ابوكم عليتوني!!
الجد بادي رفع صوته وبحدة:تغدي يمه شوين ولا ياخذها يمه طول عمرها!!
حلايا شدت على امها ورجع بكاها يعتلي من جديد
بخوت:معصي ماله وغدة يمي تبرا وجحد وطش كل شين علي!!ذالحين ياخذها!!معصي حلايا وغدتي انا ماهي بوغدته لو يموت
الجد بادي وقف وبعصبية:ماهو بنافعش هالوجس لاعملها!!بيغدي يم المحكمة ويتلونها منش وانتي عويناتش تلاقط ماتحرزين تغدين يمها!!
بخوت بصراخ هستيري:يعقّب يموت ولاينوش شعرة منها يعقّب يعقّب
عباير وقفت جنبها وهي تحط يدها على كتف بخوت وبصوت اهتز من الضيق على اختها وحالتها:بخوت
بخوت سحبت نفسها عن عباير وعينها على جدها وبصراخ:اذبحه واشرب من دمه يكفيه ماعمل بي وانكعمت عنه مير يغدي يم حلايا اذبحه اذبحه ورب البيت مااموت الا وانا ذابحته!!
الجد بادي:وثمن!!لاذبحتيه من يظل مع حلايا!!تغدين يم السيف وتكبينها وراش!!
بخوت بحدة:السيف ماهو بلي السيف لغيث ياجد من الاولة مير الشكوى لله!!
الجد بادي:وش اللي عانيته(تقصدين)يابخوت!!
بخوت:كودك عجزان وذال لايطردني جسّار
الجد بادي وقف وهو يصرخ:بخوت
بخوت رفعت صوتها وكملت بدون اهتمام؛لالفيت يمه ومعي حلايا تريح ماني بطاشة يمك ملامة اتخارج انا ووغدتي ياجد
نشمي ميل فمه مو عاجبه اللي يصير
الجد بادي بغبنة:انخبلتي يابخوت اَي بالله انخبلتي!!
بخوت صرخت:وليش ماانخبل هاه!!!ليش!!!وانا اوحي انك كبيته ياخذها غيث مغيره اللي انت خابر علومه وسواياه بي!!
الجد بادي زفر:بخوت
بخوت انحنت وهي تنزل حلايا عالارض قدامها واعتدلت بوقفتها وهي تحط يديها على اكتاف حلايا
الجد بادي:انتي خابرة اني ماعمل هاللون الا وانا متوكد من اللي اعمله
بخوت ابتسمت:صحيح!!!
الجد بادي بنرفزة من ابتسامتها:اَي بالله صحيح هماه ردّها ابـ
بخوت قاطعته:أرعها ياجد أرع حلايا أرعها
الجد بادي طالع حلايا المنهارة وشال نظره بسرعة وثبته على بخوت وهو يتحاشى يطالع حلايا اللي اترجته ماياخذها وتركها
بخوت بدموع:اتنافض مثلي يوم اني اقبل يمك وانا اتنافض متروعة منه!!
الجد بادي طالع حلايا
حلايا اللي تهل دموعها بدون صوت
بخوت:مااريد انشدها وش عمل بها ذالة لاتوجس يمي شين يهول!!
الجد بادي يطرد أفكاره الشينة:ماعمل شي مير حلايا ذالة منه
بخوت صرخت بقهر:كودك صادق أنشدها!!
الجد بادي اخذ نفس وهو مايبي هالشي ابد
بخوت:أنشدها وش عمل بش غيث وظليتي منكعمة مالش حس اليوم أنشدها!!
الجد بادي طالع حلايا ساكت
حلايا بكت بصوت
بخوت زادت دموعها:لافاك العلم!!للحين غيث مايعمل بها شين ابدن!!
الجد بادي اخفى ندمه وهو من البداية من اخذها غيث ندم بنفس اللحظة اللي اخذها
بخوت:وشلون قليبك صخى بها!!وشلون كبيت غيث ياخذها ويغدي بها وانت تراعيه!!
الجد بادي رفع صوته:علامش ماتوحين لي علم!!اوجست يمش خابره يابخوت خابره مايحرز عليها وبيردها يمّنا!!
بخوت:وكودها ظلت يمّه؟متى بتعلمني؟
الجد بادي زفر:استغفر الله العظيم
بخوت:النوبة الجاية كود عود يمك ياخذها بتكبه ياخذها؟
الجد بادي بتقطيبة جبينه من الغيظ:اوجسي اللي بقليبش يابخوت مير انتي اوجستي الشينة علي اوجسي اللي بقليبش كل ابوه لاتكبين شين ابدن!!
بخوت:حلايا ماتظلي يمكم بروحها
عباير اتسعت عيونها:بخوت!!!
الجد بادي احتدت نظرته
سعود:بخوت
بخوت كملت وهي ماتسمع لهم:كودها معي ولا ماتظل يمكم ابدن
الجد بادي بتكشيرته:وش تحترين!!
عباير:لا يابخوت لا!!
بخوت كشرت بوجهها:هذاني غادية عنكم،،انحنت وشالت حلايا لحضنها ومشت،،
عباير تلحقها:بخوت اصبري علامش علينا!!بخوووت
بخوت
سعود طالع جده بقهر:لزوم توجس هاللون!!،،مشى،،
نشمي وقف:اخطيت يبه هالنوبة اخطيت،،خرج،،
عباير مسكتها وبدموع بعيونها:بخوووت
بخوت وقفت عند الباب والتفتت لها:بيتي تخبرينه حياش ياعباير
عباير:والله ماخبرت العلم غير ذالحين منش وثمن وشلون اغدي يم بيت الرجل
بخوت:كود تريدين حلايا اغدي يمي مثل ماهو بيت الرجل تراه بيت اختش،،مشت،،
عباير عضت شفتها بغبنة ولفت وقفت وهي تطالع سعود بحدة:صحيح ياسعود؟
سعود زفر مانطق حرف
عباير مشت بخطوات سريعة
سعود مشى ورا بخوت
جسّار متكي بظهره على عامود العشّة الخارجية جنب الباب ومتكتف اعتدل بوقفته وهو يطالع بخوت اللي ضامة بنتها لحضنها
بخوت اخذت نفس:كو
جسّار قاطعها:مشينا للبيت
سعود:بخوت
بخوت التفتت وطالعته بقهر منه:كودك ماتخبر اللي انعمل فهي صريمة وكود ماتخبر فانها صرايم ياسعود
سعود:اوحي
بخوت قاطعته برجفة صوتها:لاتوجس شين يمي الليلة ياسعود لاتوجس شين ابد،،مشت،،
جسّار طالع سعود:تصبح على خير،،مشى،،
.
..بيت الشلة..
بتال متكي بيديه ع الباب اللي ورا السواق وهو يطالعها وبزعل:يعني يومين بس يومين ليش مو راضية ليش ماتجلسين معي؟!!
ام غازي جالسة ورا السواق طالعته:ورانا اغراض الزواج وبعدين قلتها يومين وتلحقنا
رهايف جنب امها تمت برأسها على كتف امها تطالعه بابتسامة:وش رايك تجي معنا؟
بتال رفع صوته بقهر:يبه
رهايف اتسعت عيونها
ابو غازي جالس بمكان السايق وبحدة:خير
رهايف تطالعه وهي تهمس.اسفة اسفة
بتال انحنى سلم على راس ابوه:درب السلامة
امجاد ضحكت بخفة
بتال دخل يده من جهة امه وهو يحط يده على كتف رهايف ويسحبها له
رهايف اللي تحركت مع سحبتها:ااااه يبه الحقني
ابو غازي طالعه:بتاااااال!!!
بتال تركها:كلها يومين وجايك وقتها نتفاهم
.
..بيت بادي..
،،غرفة بادي،،
الجد بادي جالس عالارض قبال دولاب صغير يفتش فيه
عباير دخلت وهي توقف عند جدها بوجهه به طيف دموع اختفت
الجد بادي التفت على يمينه وهو مقطب جبينه يطالعها:علامش!!
عباير:اللي اوجسته بخوت صحيح ياجد؟
الجد بادي مارد وهو يطالع دولابه يكمل شغله
عباير رفعت صوتها:جدي!!!
الجد بادي بدون لايطالعها:صحيح
عباير بلعت ريقها وهي تبلع كلامها معه وسط نفس اخذته بهدوء:دام هالعلم صحيح وشو له تعمل بها هاللون!!وين تغدي كود رجلها عـ
الجد بادي قاطعها وهو يطالعها:جسّار يحطها بعيونه هي ووغيدتها كود ماوسعتهم الارض ياعباير،،رجع يكمل شغله،،
عباير ماتحملت:حتى ولو انه على ماتوجس ماتعمل بها هاللون!!وثمن وشلون صخيت بحلايا يمه ياجد وشلون!!
الجد بادي بتكشيرة:عينته ياقطعن لك عليتني
عباير تنرفزت من تطنيشه:ياجد اوجس يمك انا!!
الجد بادي طالعها:صكي الباب ياعباير وادني يمي
عباير قطبت جبينها
الجد بادي:صكيه اعجلي
عباير قفلت الباب ورجعت عنده
الجد بادي رفع راسه لها:اقعدي
عباير جلست باستغراب:علامك ياجد
الجد بادي مد يده:اديني يدش
عباير حطت يدها بيد جدها
الجد بادي خرج قطعة قماش وحطها بيدها
عباير قطبت جبينها باستغراب من ثقل القطعة وفتحتها اتسعت عيونها وهي تطالع مسدس ربع بوسط قطعة القماش طالعت جدها وبجدية:العلم ياجد؟
الجد بادي:اللي غدا بحلايا يمّنا مناور ياعباير ماهو بغيث
عباير قطبت جبينها
الجد بادي:عينش يمش اختش ووغدتها لاتلد(لاتزيغ)
عباير:مير هي ببيت رجلها ذالحين!!
الجد بادي:لاغدا رجلها انتي يمّها
عباير:وأنتم؟!!
الجد بادي:مالش بنا بدّ،،ضغط على يدها،،عباير
عباير:سم ياجد
الجد بادي:غيث وراه صريمة وصريمتن ماهي بهينة مير
عباير قاطعته وهي تسحب السلاح وبحدة:هالنوبة بين عويناته ياجد
.
جسّار يمشي جنب بخوت
بخوت ضامة حلايا اللي نامت بين يديها وهي تعبت من شيلتها
جسّار اسرع بخطواته ووقف قبالها
بخوت قطبت جبينها وهي تطالعه
جسّار مد يديه لها:جيبيها عنك
بخوت:لا
جسّار بإصرار:يالله جيبيها
بخوت طالعته ساكتة
جسّار:وش يسوي يعني؟بأخري فيها مثلا!!
بخوت ماردت
جسّار حرك يديه:يالله تعبت
بخوت تطالعه وهي تنتظره يبعد
جسّار حط يديه على حلايا
بخوت اتسعت عيونها
جسّار:والله والله بنروح لبيتنا!!وبعدين اذا خايفة امسكي يدي
بخوت بتردد وهي ترخي يديها شوي شوي
جسّار سحبها بسرعة لحضنه وشالها ومثبتات بيمينه مد يساره لبخوت
بخوت طالعته
جسّار بتهديد:ترا اهج فيها!!
بخوت كشرت
جسّار جرى
بخوت لحقته بصدمة
جسّار وقف
بخوت ضربت فيها وطاحت عالارض
جسّار طالعها وهو يضحك
بخوت تطالعه بدموعها
جسّار:لهالدرجة مافي ثقة!!افا بس افا!!
بخوت بصوت يرجف من قهرها وسط لمعة عيونها:ايه مابه مابه
جسّار تنهد وهو يمد يساره لها
بخوت طالعته وهي مترددة
جسّار:هاتي يدك وابشري بسعدك
بخوت حطت يدها بيده
جسّار سحبها بقوة وهو يقومها
بخوت اعتدلت بوقفتها وهي تترك يده
جسّار ضغط على يدها:لا مافي فكة من هالعادة ابد
.
.........****..........
يوم جديد
.........****..........
أم جـلاجـل
.
..بيت جسّار..
جسّار جالس يفطر وقباله بخوت
حلايا خرجت من غرفة نومهم وهي تفرك عيونها
جسّار اللي قبالها بالجهة الثانية للحوش ابتسم:هلا هلا هلا
بخوت التفتت لورا تطالعها بابتسامة
حلايا جرت بخجل وهي تعمدت تقفل عيونها ماتفتحها وارتمت بحضن بخوت وهي تتكور على نفسها
بخوت وهي تمسح على ظهرها وتبوس راسها من ورا وبابتسامةا:حي ذا الصباح اللي أصبحنا به بحلوة الخد
جسّار رفع نفسه وهو يجلس على ركبه وقرب من اذنها
بخوت رجعت لورا بصدمة
جسّار مسكها من يدها وقربها له وهمس:راضي تصبحين فيني مثلها راضي،،تركها،،
بخوت تطالعه وهي تاخذ نفس تهدي نفسها
جسّار اخذ حلايا المتكورة من حضنها وهو يضمها ويرجع لمكانه
بخوت ماانتبهت لحلايا من صدمتها بحركته وكلامه الا وهو جالس بمكانه بتتكلم وهونت وهي تطالعهم
جسّار بابتسامة وهو يطالعها لدفنه وجهها برجله:يمه يمه عالحلوة يمه،،مد يديه يدغدغها،،وين حلايا مااشوف الا حلاوة
حلايا تتحرك من دغدغته تضحك وهي للحين دافنة وجهها
جسّار:يعني الهدية اللي بالغرفة ارميها
حلايا دافنة وجهها
بخوت:ايه طش العطية
حلايا جلست بسرعة وبلهجتها الطفولية وهي تطالعه:وش إتطش؟
جسّار بنص عين:ايه الحين تكلميني يوم بأطش!!
حلايا بوزت:زسار!!
جسّار:يمه ياروح زسار،،باسها على خدها،،مو عطية الا عطايا ابشري ياحلوتي انتي
حلايا:وبحوت؟جبت لها عطية؟
بخوت انحرجت من سؤالها
جسّار طالع بخوت بابتسامة:انا اكبر عطية،،طالع حلايا،،ولا؟!!
حلايا ميلت فمها بتفكير:هه مو بالحيل
جسّار تغير وجهه
بخوت كتمت ضحكتها
حلايا:وش العطية علمني
جسّار؛ابشري اقولك،،وهو يقرب خده لها،،بس بوسة اول
حلايا باسته على خده
جسّار بابتسامة:وبخوت بعد تبوسني
بخوت:هاه!!!
حلايا قامت من حضن جسّار وهي تمسك يد بخوت وتسحبها وتحرك يدها:اعجلي اعجلي اريد عطيتي اعجلي
بخوت تطالع حلايا باحراج وطالعت جسار
جسّار متكتف يطالعها بابتسامة وهو يشوف ورطتها
بخوت همست:انا اعطيك فلوس وتخيري عطيتك لاغدينا
حلايا تركت يدها وبزعل:متى بنغدي هاه؟!!
بخوت سكتت
حلايا مسكت يدها:اعجلي اعجلي
جسّار مبسوط ومستمتع بإحراجها
بخوت سحبت حلايا لحضنها وهي تهمس لها:نغدي واشري لش ازين من عطيته
حلايا وقفت وبزعل:مااريد
جسّار بابتسامة:خلاص خلاص ماابي شي بس ابي شي واحد والحين اقوم اجيب لك هديتك
حلايا طالعته:وش تريد؟
جسّار أشر لها بيده بمعنى تعالي
حلايا مشت له
جسّار جلسها على رجوله وظهرها لجهة صدره:ماعاد اسمعك تقولين بخوت
بخوت استغربت منه
حلايا قطبت جبينها وهي ترفع راْسها تطالعه
جسّار:تقولين ماما
حلايا طالعت بخوت ساكتة
بخوت اتسعت عيونها
جسّار وهو يضمها له ويبوسها على خده:تدرين ان بخوت امك صح؟
حلايا تطالع بخوت
جسّار:صح؟
حلايا هزت راسها:صحيح
جسّار:اجل ليش تقولين بخوت
حلايا:لانها بحوت
جسّار ابتسم وهو يلفها له وهز راسه بلا:انا اقولها بخوت سعود وعباير وجدك وكل الناس يقولون بخوت لكن انتي تقولين ماما
حلايا طالعت بخوت بهدوء وهي تفكر ثم طالعت جسّار:اذا بحوت ماما انت بابا
جسّار ضحك:لا انا عمو واذا تبين زسار عادي على كيف كيفك ياحلوتي
حلايا:بس انت
جسّار قاطعها:انا جسّار ولاتضيعين الموضوع اذا تبين الهدية
حلايا طالعت بخوت:بحوت تريدين ازهمك ماما
بخوت رجف قلبها وهي لأول مرة تسمع هالكلمة اللي منعت حلايا عنها وماردت
جسّار وقف حلايا:مو تشاورينها ياحلوة هي امك تنادينها ماما ولاترفعين صوتك عليها روحي بوسي راسها ويدها وافطري معها وبعدها العطية عندك،،دفها بشويش،،
حلايا وقفت عند بخوت:بحوت
جسّار تنحنح
حلايا:ماما
بخوت ابتسمت وهي تكبح عبرتها:ياروح امش
حلايا جلس عليها وهي تحس باحراج:يالله نفطر اريد العطية
.
..بالوايت..
بتال يتثاوب ميت نوم وهو يسوق
الجد بادي رفع عكازه ولمس كتفه:علامك اتنعوس من طلعت الددسن الله يكفيني شرك
بتال صحصح وهو يذكر حادث رهايف ومسك فرامل
الجد بادي انفجع:الله اكبر عليك من وغد بتذبحني!!
بتال:ياجد فيه شي لازم تعرفه
الجد بادي قطب جبينه:وش عملت؟
بتال:هو مو انا لكن كانه انا
الجد بادي بنرفزة:اوجس علمك وانت تسوق توخرنا على الغنم
بتال حرك بالسيارة:البارح صار شي بسيييييط لخزان الغنم
الجد بادي باستغراب:علامه؟
بتال:الصدق انفجر
الجد بادي:وشو!!
بتال:هو ماانفجر انفجر لاااا،،ضحك،،والله بتضحك لاعرفت اللي صار
الجد بادي بحدة:اقض اعجل علي وش غدا بالخزان؟
بتال:صار له شي حادث
الجد بادي قطب جبينه:وشلون يصير له حادث وهو بمحله!!كود
بتال قاطعه:اهم شي انه بالحديد ولا بالعبيد وابشر بالعوض،،وقف عند الغنم ونزل بسرعة،،
الجد بادي قطب جبينه واتسعت عيونه وهو يطالع السيارة بداخل الخزان فتح الباب ونزل،،لا اله الا الله وش اللي غدا!!عسى مابكم خلاف!!
بتال:بخير بخير الحمدلله كلنا بخير
الجد بادي:وارعيك معيي تريد الوايت يوم ارعيت سعود غدا بالجمس
بتال بابتسامة:ياجد ابي اسالك عن شي سمعته البارح وكذبت اللي قاله
الجد بادي قطب جبينه:خير؟
بتال اختفت ابتسامته:سالفة العشّة اللي ماقالت لي عنها شي ابد ومنعك لامي عني!!
.
.........****..........
.
..بيت عادل..
رهايف تتثاوب وهي تجهز أكواب الحليب
امجاد اللي واقفة عند الأدراج بالجهة المقابلة لها تخرج البهارات اللي تحتاجها التفتت لها:رهايفوه قفلي فمك وانتي تتنفسين بالأكواب
رهايف التفتت تطالعها وبابتسامة:بتفقدين هالانفاس امجاد
امجاد:الله يقرفك اخلصي بس الحين امي تعصب
رهايف:عاد ابوي ضربت براسه يفطرون عندنا كان خلا الوضع مثل العادة الفطور يروح لبيت جدي
امجاد:ابو عذاري بيفطر وابوي عازمه كيف يفطرون ببيت جدي شوي عقل
رهايف وهي تروح للفرن وتصب القهوة بالثلاجة:الله عاد!!عمي خالد حافظنا حفظ ماله داعي الرسميات!!
عذاري دخلت للمطبخ واتجهت للغلاية وهي تصب لها كوب موية:صدقتي والله بس مدري وش فيه ابوي من تزوج يحسب حساب الرسميات حتى معي!!
رهايف:والله مدري عن ابوك يابنت يمكن عشان سهام صار رسمي!!
امجاد احتدت نظرتها
عذاري التفت لهم وهي تتكي بظهرها عالمطبخ والكوب بيدها:مااتوقع سهام عسل ابوي اللي احسه اممم مدري والله
رهايف مشت لها:اقولك يمكن ابوك يخاف يقول شي ويندم
عذاري قطبت جبينها
امجاد:رهايف!!
رهايف طالعت امجاد:خير!!
عذاري:امجاد خليها تقول يمكن صدق اعرف المشكلة
امجاد:لاتسمعين لها ماعليك منها تعرفينها،،طالعت رهايف،،وانتي اسكتي مالك شغل!!
عذاري طنشت امجاد:قولي رهايف
رهايف:اللي أقصده يمكن ابوك يخاف يضحك ويسولف وانتي وأمك تشوفينه وتزعلون ويخاف يمون عليك وتزعل سهام وبيت عمي فهمتي
امجاد ميلت فمها وهي تفكر ممكن صح كلامها
عذاري ضحكت:تستعبطين انتي صح!!وش ازعل!!الا ارتحت وهدا بالي وانا اشوف سهام مع امي صرت مااشيل هم مثل قبل!!
رهايف:هذا عندك لكن ابوك مايدري عنك
عذاري سكتت تفكر
رهايف:الا تعالي وش هالكبد اللي عندك ماشاء الله!!
عذاري باستغراب:وش فيه!!
رهايف:موية حارة اول ماتصحين وش ذا ماتقلب بطنك
عذاري ضحكت:حددي كبدي ولا بطني!!وبعدين موية دافية ماهي بحارة!!
رهايف:هي هي نفسها كيف تتحملين!!
عذاري:تعودت خلاص صارت عادة
ام غازي دخلت وهي معصبة:رهايف!!
رهايف فزت:بسم الله والله ماسويت شي توني صاحية،،تخبت ورا عذاري،،
ام غازي وقفت قبال عذاري:عذاري وخري
عذاري:عمة تعوذي من الشيطان
ام غازي وهي تكتم غيظها:عذاري!!
عذاري ابتعدت
رهايف ماسكة فيها:ياخاينة تتركيني
عذاري:معليش عمتي اهم،،جرت عنها بسرعة
رهايف جرت معها
ام غازي مسكتها من اذنها بيدها اليمين وتضربها باليسار:بتذبحني انتي!!متى تتوبين وتاركين اللقافة عنك هاه هاه!!
رهايف وهي تفك نفسها:اه اه يمه والله ماسويت شي والله
ام غازي تركتها وبعصبية:وبتّال وش قايلة له هاه!!وش قلتي!!عليتني حسبي الله على عدوك!!
رهايف طالعت امها:خليه يعرف يمه
ام غازي:احنا ناقصين مشاكل!!اخوك توه تزوج تنغصين حياته ليش!!
رهايف:وانتي يمه ليش ماجلستي مع بتال ليش!!
ام غازي بحدة:رهايف!!
رهايف:ادري يمّه ان اللي سويته غلط لكن بتال من حقه يعرف شرط جده اللي بسببه صرتي ماتتصلين عليه حتى!!
ام غازي:واذا عرف وش اللي بتغير هاه!!وش؟
رهايف بنرفزة:هو اللي يقرر يمه هو!!متى تفهمون ان بتال كبر متى!!
ابو غازي دخل للمطبخ وبحدة:رهاااايف!!
رهايف وهي تبلع ريقها:نعم يبه
ابو غازي بحدة:مالك شغل ببتال واللي يصير مع بتال فهمتي
رهايف:لا يبه لي دخل اذا شي تسوونه من وراه لي دخل اعترض
ابو غازي صرخ:رهااااايف
امجاد وقفت قباله:يبه رهايف ماتقصد انا افهمها يبه
ابو غازي بعصبية:الفطور خمس دقايق وهو بالمقلط فهمتن،،مشى،،
ام غازي طالعت رهايف بقهر ومشت تجهز الاغراض
امجاد طالعتها وهي ساكتة ولفت تاخذ من الفطور واتجهت للمقلط
عذاري اسرعت بخطواتها بدون لاتطالع رهايف وهي تتجه لام غازي اللي شايلة اغراض:عنك ياعمة،،اخذت منها ومشت،،
ام غازي اخذت من الاغراض وهي ماتطالع رهايف ومشت
رهايف غرقت عيونها دموع:يعني عشاني تقول الصدق تعصبين علي!!،،خرجت جوالها تتصل عليه واستقبالها الرد بان جواله مغلق،،
.
،،سوق الخضرة،،
فيصل جالس عالكرسي متكتف وهو يتثاوب:هاذي بالله حالة ترضي احد!!
غازي وهو يرتب الخضار عالعربة الوحيدة قدامهم طالعه وسط حواجبه المرتفعة:وشو اللي مو مرضيك ان شاء الله!!
فيصل:للحين مارتين لانوم ولاراحة جسم بعد الطريق!!
غازي يرتب:يعني انا الللي ارتحت!!
فيصل:غلطان ليش تتفق مع المزرعة من البداية!!
غازي طالعه وهو يحذفه بالأكياس اللي بيده
فيصل ضربته الأكياس بوجهه وطاحت عالارض
غازي:تعال رتب شغلتك بنفسك انا الغلطان اللي أساعدك ماانت بوجه مساعدة
فيصل وهو منحني شبه جالس يجمع الأكياس وبتكشيرة:خلاص اسفين اسف حقك علي مااحط يقول شي عندك!!
غازي:اخلص وقوم شيك عالطماطم مو عشان اخذتها من المزرعة معناته شغلهم تمام شيك على أشيائك زين لاتخليني اندم
فيصل قاطعه وهو يوقف:طيب طيب خلاص خلاص مابتندم وبتغتني من وراي
غازي بضحكة:ان شاء الله وبأشتري روز رايز وبنتلي
فيصل قاطعه:وشاليه بالمالديف ومجمع سكني بدبي
غازي يطالعه بابتسامة
فيصل:ترا خضرة خضرة وعربية وحدة والباقي رميتهم بالمخيم الله اكبر يالعربية اللي مدخولها يوازي أرامكو!!
غازي ضحك:ان الله على كل شي قدير يمكن هالعربية بعدين صدق توازي مدخول أرامكو وش يدريك انت!!
فيصل تنهد وهو ينقي الطماطم:يارب يارب وقتها مااعرفك ولاتعرفني
غازي اتسعت عيونه:ابوك يالجاحد!!اشوا انك قلت لي الحين،،مد يده،،جيب جيب فلوسي!!
فيصل ضرب يده بيد غازي وهو يمسكها وبابتسامة:امزح معك امزح دوعابة دوعابة
غازي مافاته ابد اللي متلثم بشماغه وراهم ومثبت عليهم من وصلوا والناس راحت وجا غيرهم وهو للحين ماتحرك سحب فيصل بقوة لوراه وهو يتقدم لهالملثم اللي تسلل وطلع ورا فيصل بدون ماينتبه له
فيصل انصدم وهو يتقدم مع سحبة غازي
الملثم رفع السكين وهو يسددها بدون تردد من حقده اذا مو فيصل اخوانه مايهم اهم شي يبرد قلبه شوي من اللي يحس فيه
غازي مسك السكين بيمينه وهو مميل فمه بابتسامة
الملثم زادت انفاسه وهو يطالع ابتسامته بينفجر من الحقد اللي مالي قلبه وحرك السكينة بيد غازي مرة واثنين
غازي اخفى المه وامتلى جبينه عرق وهو يضغط عالسكين يثبتها مسك يد الملثم بيده اليسار يثبته وبابتسامة وهو يطالعه:يزيد يايزيد سكينة الفواكه اللي جاي تذبح فيها ماتقطع حتى البرتقال زين!!هيا قولي تستاهل هالخضرة تضيع مستقبلك عشانها!!
.
.........****..........
أم جـلاجـل
.
الجد بادي يطالعه بتقطيبة جبينه:وثمن؟
بتال بضحكة:وش اللي وثمن!!
الجد بادي:اوجست يم ام غازي تردك يمي ولاترعيك وتريح بالها
بتال ضحك بخفة
الجد بادي:وهاللون عملته رحمتن بها
بتال ضحك بصوت عالي:وشو!!!رحمة بمين!!بأمي!!،،احتدت نظرته،،امي تخاف علي اكثر من نفسها وماراح اسمح لأي احد يكسر خاطرها مين مايكون
الجد بادي بحدة:وش هالوجس يابتال!!
بتال بحدة:هذا الصدق ياجد!!تمنع اللي ربتني عني وبحجج مالها اَي معنى!!!لو ماتبيني مثل ماتقول رمتني من البداية ولافكرت فيني!!هالكلام مايدخل عقل!!
الجد بادي:مير من اولها سهيت عن هالعلم ولاضربت يمه بال
بتال:هذا انت ياجد لكن امي مانست ياجد وهالعشة ماراح احط لو هو أصبع فيها مو انا اللي يكسر خاطر امي ويضايقها لو على حساب نفسي!!
الجد بادي زفر وهو يطالع زعله:اوجست يمك سهيت عن العلم
بتال:اذا هاذي الحقيقة قولها لامي انت بنفسك ياجد ماابي ازعلك مني ولا ازعل منك ياجد
الجد بادي زفر وهو ماصدق تستقر الأمور بينهم:ابشر ابشر مير كب الغيظ عنك
بتال خرج جواله ومده له:الحين تكلمها قدامي الحين
الجد بادي:مير
بتال قاطعه؛ماعندي مير ومير تكلمها يعني تكلمها
الجد بادي بعصبية:ولد!!وشلون يتصل وهو مابه حرارة!!
.
.........****..........
.
>>قبل زواج جواد ورهايف بيومين>>
.
،،الـعـصـر،،
.
..بيت عادل..
رهايف نازلة عالدرج بعبايتها وطرحتها على أكتافها وقفت بالصالة وهي تطالعهم:مين بيوديني السوق؟
غازي جالس قدام التلفزيون بين يديه يد البلاي ستيشن يلعب وقف اللعبة
بتال اللي جالس جنب يلعب معه قيم صرخ:غش!!!ليش توقف عشان جت هجمتي!!
غازي طالعها وهو يرفع يديه الملفوفة بالشاش :مااقدر اسوق
رهايف اتسعت عيونها:لا والله!!
بتال تمدد عالارض وهو يحط راسه على رجول غازي:انا تعبان توني جاي من سفر
رهايف بغبنة:يالكذاب لك يومين!!،،طالعت فيصل اللي متمدد عالكنبة،،وانت وش عذرك؟
فيصل:تو جايب اغراض للضيوف
رهايف عقدت حواجبها:ضيوف!!
بتال اعتدل جالس وكملوا قيمهم هو وغازي:اتصلي على جسّار ويمرك معه اكيد بيطلع مع اهله للسوق
رهايف:الله يعين اللي بتاخذك اذا هذا تفكيرك
بتال:الا ياحظها!!وبعدين ماقلت شي غلط!!
رهايف هزت راسها:الله يخلي السواق بس،،مشت للمطبخ وهي تطالع باقة الورد اللي عالمطبخ اسرعت بخطواتها وهي تطالع الباقة،،
امجاد دخلت بفستان بنك كت ولنص الساق رافعة شعرها كله بحلق طويل وبمكياج خفيف وكعب متوسط طوله باللون البيج:ماهي من جواد ارتاحي
رهايف لفت لها:ها ها ها ياظرافة ظريفة ظرفة انتي
امجاد:الحمدلله انك تدرين
رهايف تكتفت وهي تطالعها باستغراب:وش سر هالاناقة مس امجاد!!
امجاد:الحمدلله طول عمري اناقة!!
رهايف:صدق ناقة والله بس وش السر؟
امجاد ابتسمت وهي تشيل كاسات العصير:واخيرا بأفتك منها
رهايف:اليوم!!
امجاد:ايه اليوم بس انتي وحدة ماتحس هذا وانا وحدة كيف لو احنا كثير!!
رهايف ضمتها:مبروك مبروك،،تركتها،،وبعدين تعرفين اني حايسة مو ذنبي والله
امجاد:روحي السوق بس وخلصي وارتاحي اليوم اخر شي مافيه سوق بعده
رهايف:امي؟
امجاد:اصبري
رهايف تغير وجهها وبغصة:وش اسوي ياامجاد مررة زعلانة علي تعبت وانا احاول
امجاد:انتي غلطتي اصبري وبعدين كلها يومين ورايحة اكيد ذي اليومين بترضى عليك،،وهي تمشي،،روحي روحي الله يستر عليك روحي
.
.........****..........
ام جـلاجـل
.
،،بالمحطة،،
ناصر جالس قباله على مدخل البقالة وبينهم المكتب يسرق نظرات لطلق
طلق زفر وهو ينزل الفلوس اللي بيده ورفع عينه عليه:اوجس وش وراك من علم ياناصر؟
ناصر:مزون لفاها خطيب
طلق تنهد وهو يرجّع الفلوس للمكينة وقفلها وهو يرتب الحوسة اللي على مكتبه:كبّها تغدي يم رزقها هذاني قدامك مشت أموري ولامت بعدها وثمن ماهي براضيتن بك وانت ماعملت اللي هي تريده
ناصر:وهذا اللي اريد اوجسه يمك
طلق طالعه وسط تقطيبة جبينه
ناصر:انا حتى صحيح اني منكعم ومااوجس شين مير لاغدت يم غيري اموت عقبها ياطلق ماني بمثلك
طلق:وثمن؟!!
ناصر:نومي ماهنى لي بيوم من علمت ان به ظليمة
طلق:مير ياناصر
ناصر قاطعه:لاتوجس اكذاب غيث وخابرينه من اول مير حميتنا يمه اعمت قليباتنا قبل عويناتنا
طلق سكت
ناصر:نويت اخذ مزون
طلق اتسعت عيونه
ناصر:وأريدك تغدي معي توجس العلم
طلق سكت وهو اصلا بباله هالشي
ناصر وقف:عاد احتريك متى ماردت(بغيت)غدينا وأعجب علي قبل يغدي الخطيب يم مزون فمان الله،،مشى،،
طلق تنهد وهو يفكر بهالموضوع من قبل يتكلم به ناصر
.
..بيت بادي..
عباير جلست قبالها وهي تنزل الدلة:ياحياش ياحيش،، مدت لها الفنجال،،سمي
هدية اخذت الفنجال ونزلته ثم رفعت عينها لعباير
عباير اختفت ابتسامتها وهي تزفر:مير اوجست لروحي ماغدت يمش ياعباير الا وله شين يهولش
هدية ابتسمت:تخبرين ياعباير ان مالي غير عمي وهو راعي الاولة والجمايل ولااغدي عن زين فعوله قدر ذرة
عباير:انتي ذالحين لافيتن يمي تطرين عمش وتزينينه ولا
هدية قاطعتها:حقن لزومن اطريه قبل اللي رايدتن اوجسه
عباير زفرت:وانا مااريد اوحي شين عن عمش واهله ابدن كود تريدين اتقهوين حياش وان تريدين توجسين هالطواري فلا عز الله انكعمي عني ولا اغدي يم بيتش
هدية كشرت بوجهها وهي ترفع عبايتها وتدخل يدها بجيب ثوبها وحطته قدامها
عباير اتسعت عيونها وهي تطالع الخاتم ثم طالعت هدية بصدمة انه معها
هدية:هو ياعباير ولا ماهو بهو؟
عباير:منين لش هالخاتم ياهدية؟
هدية:هو؟
عباير بتكشيرة ارتسمت على وجهها:اَي بالله هو عطية جدي يم بخوت وذالحين اوجسي يمي العلم وش غدًا به يمش ياهدية؟
هدية:انا غاديتن به يم اهله وغاديتن اريد الحل
عباير طالعتها وبغبنة:ماانتي محللة
هدية شهقت:استغفري ربش عوذا يامرة!!
عباير:ابدن ياهدية ماني محللتش ولااريد اعلم منين لافاش مير كودش تخافين ربش وتريدين الحل صحيح اغدي يم اللي يبري ذمتش ماهو بيمي
هدية بخوف:مير مااقوا اغدي يم المركز ياعباير!!انا مرة وشلون اغدي وسط الرجال
عباير:مير غدينا يم المركز ووسط الرجال وإحويلتنا ماتسوى العدو قبل القريب ماهو بذابحش غديتش يمه وانتي تريدين الحل
هدية زفرت وهي تطالع الارض
عباير:تقهوي تقهوي وكود تقهويتي اقضبي الباب
.
.........****..........
..بيت عادل..
،،مجلس الضيوف،،
ام غازي جالسة وجنبها امجاد:حياك الله والله فرصة سعيدة اللي تعرفنا عليك
نوف(مديرة امجاد):والله ياام امجاد انا اللي اسعد ولي الشرف اللي تعرفنا عليك،،طالعت امجاد،،عرفنا البنت من فين جاي أدبها ونعم التربية
ام غازي:مشكورة مشكورة والنعم فيك الله يصلح لنا ويصلح لكم
نوف بابتسامة:والله ياام امجاد انا جاية اخطب امجاد لاخويا شادي
امجاد اللي توقعت هالشي حاولت تتحكم بتعابير وجهها حتى ماتفضحها
ام غازي انصدمت من طلبها اللي فجأة ولأول مرة تقابلها
نوف:حبيت اقابلك وأتعرف عليك وجها لوجه وانتي تعرفيني والله يكتب اللي فيه الخير ان شاء الله
ام غازي باحراج:والله ياأخت نوف مدري وش اقولك الصراحة فاجأتيني بهالطلب
نوف قطبت جبينها
ام غازي:لكن ابو امجاد مستحيل يزوج بناته لاحد من برا العايلة
امجاد اتسعت عيونها وهي تلتفت لامها
نوف:طيب استشيريه واسألوا عن اخويا وان شاء الله تسمعوا عنه كل خير
ام غازي:باْذن الله اكلم ابوها واخذ رايه والله يكتب لكم الخير معنا او مع غيرنا
.
،،بالمول،،
بخوت تمشي موازية لجسّار تطالع بالمول مصدومة تعرف أسواق المحافظة المتواضعة وأسواق مكة القديمة لكن ماشافت مجمعات أسواق بهالشكل شدت على يد حلايا اللي ماسكتها
حلايا اللي متحمسة للمرل ووعد جسّار لها طالعتها اول ماحست بالضغط على يدها:ماما علامس!!
جسّار طالع بخوت باستغراب
بخوت بصوت واطي:مابي شي مابي شي
جسّار ابتسم وانحنى وهو يهمس لها:ترا اذا مامسكتي يدي بتضيعون وبعدين ابتلش وين الاقيكم وهالسوق ياكبره وماادري وش المصايب اللي فيه،،اشر بعيونه على محل،،هاه شوفي وش يبيعون الله،،سكت وهو يكتم ضحكته،،
بخوت مسكت يده على طول
جسّار:من اول اقولك امسكي الحين مسكتيني يوم خفتي!!
بخوت وقفت بزعل:اكب يدك؟
جسّار انصدم منها وسكت
بخوت مشت وسحبته
جسّار مشى معها وبزعل:وش فيك عصبتي؟
بخوت:من؟
جسّار:انتي!!
بخوت:هولت بي من علومك!!
جسّار بابتسامة:بِسْم الله عليك ياعل التهاويل بعدوينك
بخوت تنهدت
حلايا شهقت وهي تطالع الملاهي صرخت وهي تترك يد بخوت وتجري لها
بخوت انفجعت ومشت
جسّار سحبها وهو يضغط على يدها ومشى بهدوء:خليها ماتقدر تروح بعيد بترجع لنا
.
،،الكوفي،،
رهايف تتقهوى بهدوء
شذى تقلب بجوالها
هيفاء تطالعهم وبنرفزة:علامكن!!
شذى:بسم الله!!فجعتيني!!
رهايف ابتسمت:وش اللي مزعلك ياهيوف؟
هيفاء:وحدتن قاضبتن بلواها والثانية مغتاظة وهي تالتني معها ولاقضت شين ابد!!ليش توجسن اكذاب من الاولة كان ولمت لكن القهوة وتقهوينا بالبيت انفه من هالضيقة!!
شذى قفلت جوالها ونزلته
رهايف بنص عين:قولي اشتقتي لراشد
هيفاء تلونت خدودها بخجل:عيب عليش انتخي يابنت!!
شذى ضحكت:واااو هيوف مسرع اشتقتي
هيفاء بضيقة بال:البلا اني رنيت يمه مير مااوجس يمي علم وعمتي عذبة اوجست يمي اغدي وانا ذالتن لايغتاظ
رهايف:الله الله الله اول مرة تخرجين بدون علمه
شذى شهقت:ياويلك من راشد ياويلك عاد راشد اقشر بذي السوالف الله يعينك
هيفاء خافت:صحيح؟
رهايف:اَي بالله صحيح!!عاد لو عرف انك تتقهوين ذبحك وخلاك حلا مع قهوته
هيفاء:عوذا!!والله انكن كذوبات
شذى:يعني وش بيسوي بيهاوشك شوي وخلصنا
رهايف:ماعليك عمتي سمحت لك مااتوقع يقول شي
هيفاء رن جوالها فزت وهي تطالعه من بعيد
رهايف ضحكت:يمّه منه وش ذا!!ردي عليه ردي
هيفاء ردت:سم
رهايف كتمت ضحكتها
شذى تطالعها بحماس
راشد:وينك؟
هيفاء:غديت مع البنات يم السوق؟
راشد باستغراب منها:رحتي بدون لاتقولين لي!!
هيفاء:رنيت يمك مير مااوجست شين يمي وعمتي اوجست اغدي
راشد تنهد:طيب طيب انبسطي
هيفاء ابتسمت:ان شاء الله
راشد:مين معك؟
هيفاء:رهايف وشذى
راشد اتسعت عيونه:انبسطي بس لاتوحين خثاريدهم ترا اكذابهم اكبر من روسهن
هيفاء ضحكت
رهايف قطبت جبينها:وش يقول هالغثيث اكيد يتكلم علي
راشد:اعوذ بالله تعرف
هيفاء كتمت ضحكتها:تريد شين ياعيني
راشد:لاتطولين ياشين الغرفة بدونك
هيفاء وقفت
رهايف وشذى طالعوها
هيفاء:ابشر ذالحين وانا غاديتن يمك،،قفلت،،غدينا
رهايف باستغراب:وين!!
هيفاء:يم البيت
شذى:اقول اجلسي كملي قهوتك مو يضحك عليك لكم كلمة وتصدقينه
رهايف طالعت شذى بحدة:شذى!!
شذى شفطت قهوتها وهي مكشرة
رهايف:اتصلي بالسؤال وارجعي احنا مابنرجع الا بعد القهوة
هيفاء زفرت؛اخر علمكن؟!!
شذى:ايه اخره
هيفاء جلست:طيب اعجلن علي راشد يحتريني
شذى عضت شفتها بتنفجر منها
رهايف مدت البطاقة لشذى:شذى روحي اشتري لي عطرين مافيني
شذى:مابيعجبك ذوقي
رهايف:محد سارق عطوري غيرك بيعجبوني روحي بس
شذى اخذت البطاقة وراحت
هيفاء تطالع رهايف:علامش اليوم ماش ماانتي بعاجبتني
رهايف ابتسمت:هيفاء باطلبك طلب
هيفاء:ابشري وانا بنت ابوي
رهايف ضحكت:شوي شوي لاتتحمسين وتذبحين لي
هيفاء:تم
رهايف:امزح معك يابنت!!
هيفاء:اللي عقبه وش تريدين
رهايف:بطلت ماابي شي
هيفاء:عليش وجه الله توجسين اللي بخويطرش
رهايف:كنسلي الذبيحة اعرفك تسوينها
هيفاء ضـاقـت ووضح عليها
رهايف:يالله يالله بسرعة
هيفا:هاتي اللي بخويطرش
رهايف:اول مافيه ذبيحة؟
هيفاء:مابه مابه مير اوجسي العلم
رهايف:تكفين لاتتغيرين خلي لهجتك كذا تكفين
.
..بيت عادل..
،،المطبخ،،
امجاد تغسل الصحون وهي تهمهم مبسوطة
ام غازي دخلت وطالعتها وابتسمت وهي تكمل طريقها للثلاجة فتحتها:الله يديم وناستك يابنتي
امجاد التفتت لها وهي تغسل يديها:هلا هلا بالغالية،،اسرعت بخطواتها لامها،،
ام غازي قفلت الثلاجة
امجاد حاوطت امها:يديمك لي يايمه يديمك بصحة وعافية
ام غازي طالعتها عن طرف بابتسامة:كل هالوناسة عشان رديتهم كان قلتي لي!!وش صار لك لو وافقت!!
امجاد قشعر جسمها وهي تترك امها:اعوذ بالله بس
ام غازي:من شفت وجهك وانا أكلمها عرفت ان فيه شي ليش ماقلت لي
امجاد:وش تبيني اقولك يمه كل يوم رازة اخوها بالمدخل ببداية الدوام ونهايته عشان اشوفه وناشبة لي بسيرته هذا شي ينقال
ام غازي:اصلا هالادمية ماارتحت لها حتى لو ماشكيت بردها لاني ماارتحت وهالدوام اتركيه اكيد بتستقعد لك
امجاد كشرت:وارجع للطفش
ام غازي:اللي رزقك هالوظيفة يرزقك باللي احسن منها
امجاد:طيب يمه اللي تبين بس
ام غازي قاطعتها:وش بس الحين؟
امجاد:رهايف يمه
ام غازي تنهدت
امجاد:حرام عليك يمّه انتي تشوفين وش تسوي عشان ترضيك
ام غازي:مسامحتها ياامجاد مسامحتها لكن ماعرفت وشلون أتكلم معها
امجاد:يوووه ياوسمية وش هالحيا يازينك
ام غازي قطبت جبينها:وش فيك!!الفرحة اثرت عليك
امجاد:يمه أضربيها وهي تفهم انك رضيتي!!
.
.
<اللهم صل وسلم على نبينا محمد>