ياسمح المحيا جر الهجنية

الجزء الواحد والسبعين

،،الـجـزء الـوااحـد والـسـبـعـيـن،،

استغفر الله العظيم وأتوب اليه لاحول ولاقوة الا بالله
.
.
.........****..........
>>يوم قبل زواج جواد ورهايف>>
.
غازي طالع من قسم الشرطة بعد ماتنازل عن يزيد كشر بوجهه وهو يطالعهم ومر من بينهم:بزر عشان تلحقوني!!
راشد عن يسارهمشى معه:وش بزر عزوة عزوة
بتال عن يمينه يمشي معهم ويديه داخل جيوبه وانطلق بقصيدته بحمية:عزوتي يـاقف لها الماضي تحيّه..الشجاعه ورث والشِيخه سلايل..قبل مـا تصرف ختوم الداخلية..ختمهم معروف في ظهور الاصايل
غازي دعس على رجله:انكتم لاتنكبنا قطع لذا الوجه والله ان تنوسم صدق وتحرم تقول قصايد!!
بتال كشر:هذا جزاي اقولك قصيدة!!
غازي بعصبية:مالت عليك وعلى قصايدك اذا بتنكبنا!!
راشد:ترا جينا معك عشان يخاف ولايعيدها!!
غازي:الله اكبر يالعدد المهول المرعب ترا كلكم اثنين
بتال:افا عن مية
غازي:اوص بس اوص
بتال:والله ادفنه لو يفكر اصلا يسوي شي
غازي:انثبر بس انثبر
راشد:اصلا مايحتاج تدفنه بس يشوفك يجيك بنفسه ويقول وش كان بيسوي
بتال وقف وطالعه:رشيد تدور مشاكل!!تشوفني ساكت عنك صح
غازي وقف والتفت له بتهديد:ترا القسم وراك اذا تدور مشاكل
راشد ابتسم
بتال كشر ومشى:طيب طيب
بتال نط وهو يحط يده ورا رقبة راشد:رشود
راشد كشر بوجهه وهو يطالعه:وش تبي تطيب خاطري قبل تذبحني؟
بتال بابتسامة:وشلون اذبحك وانت محور حياتي
راشد دف يده:قول وش عندك!!
بتال:اموت عاللي فاهمني،،وقف عند سيارة غازي
غازي وقف عند سيارته:رح مع اللي جيت معه
بتال اتسعت عيونه:اخوك!!
غازي اشر بطرف دقنه:وهو بعد!!!،،فتح سيارته وركب وقفلها بسرعة،،
بتال:بشويش بشويش ماني بميت على سيارتك الخردة
غازي اشر بيده:توكلوا يالله
راشد مشى
بتال:غويزي لاتستنذل
غازي:الحق راشد لا صدق ترجع مع كريم توكل توكل لاتصدع براسي
بتال:حسود
غازي:توك تدري!!
بتال:احسن وقليل اللي سواه فيك يزيد
غازي حط يده على صدره:يمه جرحت مشاعري انني انزف!!رح بس رح ادري مو من قلبك توكل عني بس
بتال مشى وهو يتحلطم طالع راشد اللي قدامه وبدا ينطنط بعباطة:رشودي رشودي ،،نط وهو يمسكه من رقبته ويضمه له،،رشودي
راشد:اااه رقبتي!!ضربني عرق!!
بتال:اصرف لك علاج لاتخاف
راشد دف يده عنه:قول اللي عندك وخلصني لاتغثني
بتال:والله احرجتني بكرمك مدري وش اقول
راشد يطالعه باستغراب:غريبة!!انت تنحرج!!
بتال كتم غيظه
راشد:لايكون بتطردني
بتال اتسعت عيونه:كيف عرفت!!
راشد انصدم:تطردني لوين ومـن وين!!
بتال بابتسامة:ابيك تذلف الليلة بس الليلة تكفى ترا تكفى تهز الرجاجيل
غازي يحوس بسيارته يدور كابه لف على ورا رفع جكيته واستغرب من البوكس اللي تحته اخذه باستغراب حطه على رجوله بعد مااعتدل بجلسته وهو يفتحه واتسعت عيونه وهو يشوف جزمة بيبي باللون الابيض رفعها وهو عاقد حواجبه مافهم طاحت عيونه عالجهاز اللي تحتها اتسعت عيونه بصدمة وهو يفهم الموضوع شغل سيارته وحرك بسرعة
.
..بيت خالد..
عذاري جالسة قبال ابوها
ام صايل متمددة وراسها على رجول عذاري
سهام واقفة قبالها تصب لها قهوة:حياك الله تو نور البيت،،طالعت ام صايل بابتسامة،،صح ياخالة
عذاري بابتسامة:ايه ايه غرقيني عسل عشان ماتقلب عليك واصبر الساحرة الشريرة
سهام:ليت الاشرار يصيرون مثلك كان الدنيا بخير
عذاري:يمه منك،،طالعت ابوها،،والله يبه اذا أخذتك لها ماالومك من لسانها الحلو
سهام ضحكت:حرام عليك والله اني مسكينة
عذاري بنص عين:خليني ساكتة بس،،طالعت ابوها،،يبه وش فيك ساكت
ابو صايل ابتسم:مافيني شي
سهام بابتسامة:شاركنا ياابو صايل
ابو صايل:يكفيني هالوجيه الزينة والنفس راضية
ام صايل طالعت عذاري:عذاري
عذاري:ياعيون عذاري
ام عذاري:فيك شي؟
عذاري انقلب وجهها وهي فهمت على امها
ابو صايل قطب جبينه باستغراب منها
سهام ردت وهي تطالع عذاري باستغراب:مافيها الا كل خير ياخالة
عذاري رن جوالها وردت على طول وهي تتحاشى نظراتهم:ايه طيب الحين جاية،،وقفت،،
سهام اتسعت عيونها:وين!!لسى ماتقهوينا زين!!
عذاري:راحت علي نومة ولا كان عندك من بدري والحين غازي برا خليها مرة ثانية باجلس على قلبك
سهام بابتسامة:والله احلى من يجلس
عذاري سلمت على راس امها ثم ابوها وسلمت عـلـى سهام وخرجت حطت أغراضها عالطاولة اللي بالحوش وبدت تلبس عبايتها انهمرت دموعها غصب عنها جلست عالكرسي وهي تردد لنفسها:مالك شغل مبسوطين امك مبسوطة وابوك مبسوط مالك شغل انهارت بكى وهي تلبس بسرعة وخرجت من بيت اهلها،،
.
..بيت عادل..
،،بالصالة،،
رهايف تشيل من الاغراض اللي عندهم وعينها على امها:تبون شي
ام غازي ماردت
امجاد:لا
رهايف مشت للمطبخ
امجاد طالعت امها:يمه!!
ام غازي:وش اقول!!
امجاد زفرت:اَي شي وبيمشي الوضع
رهايف وقفت عندهم وهي شاكة:وش فيكم؟!!
ام غازي:روحي جيبي المشط
رهايف باستغراب:ليش!!
ام غازي:روحي جيبيه وبس
رهايف:طيب،،مشت ورجعت وهي تمده لامها،،تفضلي
ام غازي اخذته:اجلسي قدامي
رهايف قطبت جبينها لكن نفذت الكلام
ام غازي وهي تفتح شباصة رهايف وانسداد شعرها على أكتافها وبدت تمشط غنت:ام القمل والصيبان
امجاد بابتسامة:اعرس عليها سعيدان
رهايف وخزت بزعل:يمممه!!!
ام غازي ضربتها على كتفها بشويش بطرف المشط:ارجعي
رهايف رجعت وهي مبوزة بزعل:وليش تمشطين لي وانا ام القمل والصيبان يمكن اعديك
ام غازي تمشط لها:ليتني مشطت لك للجامعة ماحسبت انك بتروحين عني بدري
رهايف بلعت غصتها
امجاد:يوووه يمه وش بدري!!لو متزوجة من زمان معها بزر الحين
رهايف ماردت
ام غازي وهي تظفر شعر رهايف:والله لو على مركوعك تبقون بعيوني صغار وقلبي مايبي لكم فراق
رهايف لفت لامها بوجهها الباكي وهي تضمها:يمّه سامحيني
ام غازي وهي تمسح على ظهرها:مسامحة ياعين امك مسامحة،،فكت يديها عنها وهي تمسح دموعها عن وجهها بابتسامة:واخت العيال تصايح الله لو يشوفونها العيال!!
رهايف:يمه ماابي اتركم والله ماابي
ام غازي:ومين قال تتركينا!!بتتزوجين وحتى بيتك قريب بتجين مشي اذا ماجيتي بالسيارة
امجاد:يعني مافيه فكة!!
رهايف وهي تمسح دموعها:على قلبك جالسة
امجاد بضحكة:احلى من يجلس
فيصل دخل للبيت:يمه يمه
امجاد:بسرعة غسلي وجهك قبل يشوفك بسرعة
رهايف فزت جري للمطبخ