ياسمح المحيا جر الهجنية

الجزء الثالث والاربعين

،،الـجـزء الـثـالـث والاربـعـيـن،،

سبحانك اللهم وبحمدك استغفرك وأتوب اليك
.
.
..بيت نشمي..
،،غرفة عذبة،،
عذبة جالسة ع طرف السرير وهي تطالع راشد ساكتة
راشد واقف وهو متكي بظهره عالباب متكتف يطالع امه ساكت ينتظرها تتكلم
عذبة بتوترها من ردة فعله:ياكم مرة حاولت اقولك وخفت ياراشد خفت وبالحيل بعد
راشد باستغراب:تخافين!!مني انا؟!!
عذبة:ماخفت منك انت ياراشد ابد لكن خفت تتركني وراك
راشد باستغراب مو فاهم:وش هالكلام يمه؟!!
عذبة:كل مااشوفك تطارد ورا عيال خالك وعيونك تتمنى الإخوان قلبي يفز اخاف تدري عنهم وتتركني اذا عرفتهم ومالي الحق امنعك عن اخوانك دامك تبيهم
راشد ضحك
عذبة قطبت جبينها من ضحكته:وش فيك تضحك!!طول عمرك وانت تتمناهم وميت على اخوان ولا نسيت!!
راشد زفر:يمه الله يهديك ويعني اذا بغيت اخوان!!هذا شي مايعني ابد اني افضل احد عليك!!
عذبة تطالعه بهدوء وسط زحمة افكارها
راشد تقدم لعندها وباس راسها وهو يجلس جنبها ومسك يديها:يمه كل شي يتعوض الا الام والأب يمه وانا عشت وانا اشوفك امي وأبوي كل دنيتي وحتى لو تمنيت اخوان هذا مايعني ابد اني ابدلك باحد ثاني ياروح راشد
عذبة:راشد يايمه
راشد قاطعها:يمه
عذبة سكتت وهي تطالعه
راشد:الصدق ماتوقعتك تغارين
عذبة انصدمت ووضح عليها:أغار؟!!
راشد وهو يتربع عالسرير:يعني ماتوقعت اني لهالدرجة مهم!!مهم لحد الغيرة!!
عذبة وهي تماشي سماجته:ايه وبعدين؟
راشد:عشان كذا يمه ابي ادور لك عريس
عذبة:نــعــم!!!
راشد:يصونك ويدلعك قدامي عشان احس بالغيرة وافهم هالشعور
عذبة دفته من على كتفه بشويش:قم قم اطلع برا قم
راشد وهو يضحك بمكانه:ليش يمه!!اصارحك انا ليش الزعل بس
عذبة تدفه:اطلع اطلع بس
راشد وقف:افا!!اثاريك مستعجلة!!ابشري الحين ادور العريس بس مثل ماتعرفين يمه مااقدر اعطيك اي احد انتي غالية عندي كثير
عذبة وقفت ومشت له وسط خجلها وهي ترفع يديها بتضربه:ياقليل الحيا
راشد رجع بخطواته مبتعد عنها وهو ماد يديه قدّامه ويضحك:يمه اضحك معك ليش زعلتي!!لايكون تبين عريس صدق!!،،انفجر يضحك،، عذبة تضربه وهي تطالعه بتكشيرة:مالحقت خير بعد ماذلفت مع عيال خالك يارشود!!
...........****..........
~بالسيارة~
ناصر يسوق
جسّار جالس ورا بين المقعدتين وهو يطالعه بقلق وكل شوي يفحص نبضه
بتال متمدد عالمقعدة اللي ورا ع جنبه بدون حركة
ناصر:الحمدلله على سلامته وقدامه العافية
جسّار بهمس وبدون لايطالعه:الله يسلمك
ناصر:دام المطر وقف ماكمل لنص الليلة فان شاء الله نفزع به الصبح بلكن السيول اللي بالخط خافة
جسّار ساكت ماتكلم
ناصر:مشكور على معاملته معي ماقصرت بيض الله وجهك
جسّار زفر:مايحتاج هالكلام ماسويت شي ماقصرت معي بالاول ولقيت اخوي كثر الله خيرك
ناصر بتردده:مير انه اللي حصل بهاك الديرة
جسّار قاطعه:مايهمني
ناصر انصدم
جسّار:ولا لي دخل فيه شي بينكم ولاابي اعرفه او حتى مهتم بمعرفته كل اللي يهمني الحين بتال بتال وبس
...........****..........
..بيت عادل..
ام غازي جالسة قباله ساكتة
ابو غازي طالعها:وسمية
ام غازي وهي تمد يدها عالحلا وبدون لاتطالعه:مايقدر يمنعنا عنه ياعادل
ابو غازي:مير إنش خابرة
ام غازي قاطعته:انت خابر العشة
ابو غازي تغيّر وجهه
ام غازي:شرط بتال يبنيها من جديد
ابو غازي اعتدل بجلسته:مامنها رجا!!عقب سواة فاهد بها!!
ام غازي كشرت بوجهها:وهذا اللي مشقيك(شاغلك)!!
ابو غازي تنحنح:ماقصدت ياوسمية انتي خابرة المغزى
ام غازي هزت راسها بايه وسط ابتسامة وهي ماتطالعه
ابو غازي مد طرف سبابته اليمين وهو يلمس طرف ركبتها:وسمية!!
ام غازي سحبت نفسها لورا شوي وهي تسحب صحنها وقهوتها ولاتطالعه
ابو غازي:يابنت الحلال انتي خابرة القليب وعـ
امجاد دخلت عندهم وقاطعتهم:يمه عشا جدي وجدتي خلص
ابو غازي زفر بضيق وهو وده يخلص كلامه
ام غازي:قولي لرهايف توديه لهم
امجاد:يمه رهايف راحت لبيت عمي
ام غازي باستغراب:ليش!!
امجاد بربكة:عمتي تقول تبيها بشغلة ضروري
ابو غازي مو عاجبه روحاتها الكثيرة وبتهديد:امجاد قولي لأختك لابغت تروح مرة ثانية لبيت عنك تكلمني بالاول احسن لها ولك معها
ام غازي:روحي وانا امك ودي عشا جدك روحي
.
..بيت الشعر..
راشد دخل للبيت ووقف ع بداية المجلس وهو يتنحنح ومنزل عينه بالارض:السلام عليكم
سعود جالس على يمين المجلس عن يمينه بخوت وحلايا جنبها وعن يساره عباير وقف وهو يتبسم:وعليكم السلام والرحمة حياك حياك اقلط
وقفوا البنات بلحظة ماوقف سعود
راشد دخل وهو يحس بحرارة ملت أطرافه من زود إحراجه وعينه عالارض وقف قبال سعود بمسافة
سعود ابتسم وهو يطالع راشد ويمد يده على بخوت:هاذي اكبر خواتك بخوت
بخوت تسارعت انفاسها مرعوبة من دخل عليهم وتخفي رجفتها اللي واضحة لحلايا وعباير ونساها سعود من فرحته باخوه
راشد مارفع عينه وهو يحس بنبضات قلبه تزيد بسرعته
سعود مد يده وسحبه يقربه منهم
راشد تقدم مع سحبة سعود واخذ نفس وهو يرفع عينه لها ومد يده بتوتره
بخوت ماعاد قدرت توقف وجلست وهي وجهها ينقلب لسواد من خوفها
راشد انخطف وجهه وهو يشوف ردة فعلها ورجع بخطواته لورا مفجوع منها
سعود تذكرها وانصدم وجلس عندها بخوفه:بخوت!!
حلايا تطالعهم بوجهها المقلوب وهي تحبس دموعها
عباير وقفت بين راشد وسعود وبخوت وصارت مغطية عليهم مدت يدها:انا عباير اختك الصغيرة
راشد للحين بربكته يطالعها مو مستوعب اللي يصير
عباير مدت يدها اكثر له وبتكشيرة:لايعمن عويناتك قصري ترا لساني يغطي الديرة كل ابوها
راشد صافحها وهو مايدري وش يقول او وش يسوي:وانا راشد
عباير وهي ماسكة يده للحين:خابرة اوجسه يمنا سعود مثل مااوحيت انا عباير وهالوغيدة حلايا زينة بيتنا وهاللي متروعة بخوت مير لاتروع منها هاذي وخيتك بها روعة من الرجال اصبر عليها لامن إتعودك
راشد هز راسه بايه
عباير شدت على يده وبعصبية:علامك منكعم!!
راشد فز بصدمة من عصبيتها فجاة
عباير:اوجس لك عباير
راشد:والنعم والسبعة انعام
عباير تركت يده وهي تميل فمها وتتكتف:ايه ايه اشوا مير انك لاتغدي إتروع مثلها!!ونبلش بك بعد!!
راشد يطالعها مصدوم من اسلوبها وهو ساكت
عباير رفعت طرحتها على راسها وطالعت سعود:احتريكم يم جدي اعجلوا علينا لاتبطون،،طالعت راشد،،وانت لاغديت يم الديرة اتخبرك زين فمان الله،،مشت،،
.
رهايف بعبايتها الكتف ومتلثمة متجهة لبيت عمها وهي تتحلطم وتدعي عليه بينها وبين نفسها شايلة حافظة بين يديها انتبهت لجدها اللي يمشي لجهتها وهو يطالعها بنظرات حادة ماشافتها منه من زمان بلعت ريقها وهي تكمل طريقها تسترجع بينها وبين نفسها وش سوت
الجد نشمي بحدة:رهايف
رهايف أسرعت بخطواتها لبيت عمها
الجد نشمي:إقفي!!
رهايف جرت
الجد نشمي جرى:اعقبي اقلش اقفي!!
رهايف كانت متجهة لباب البيت الرئيسي لبيت عمها لكن غيرت رايها وهي تتجه للباب الخلفي لبيت عمها اللي مفتوح عادةً
الجد هدت خطواته وهو يجري وراها:ان ماوقفتي ماهو باحسن لعمرش
رهايف زادت سرعتها ودخلت لبيت عمها وهي تقفل الباب وراها بكل قوتها
جواد بوجهها عالكنبة يقلب بجواله اعتدل بجلسته وبابتسامة:جيتي بدري!!ومررررة
رهايف سحبت لثمتها وبوجهها المخطوف:انا بوجهك!!
جواد عقد حواجبه:وش مسوية بعد؟!!
.
~بالسيارة~
سعود وهو يسوق:عسى ماتوخرنا عليك؟
الجد بادي مارد
سعود كشّر بوجهه وهو يشوفه يتجاهله
حلايا جالسة بالوسط بين بخوت اللي ورا سعود وعباير اللي ورا جدها وببحة صوتها ماطابت للحين:سعود
سعود ابتسم:ياعيونه
حلايا:الرزل(الرجل)الحلو احونا
الجد بادي ارتسمت على وجهه تكشيرة
بخوت بتعب انحنت وهمست لها:اوووص
سعود سكت مارد
عباير وهي متكية بفكها على كف يدها اللي متكية بها على طرف الباب:ايه اخوش الجديد
الجد بادي اتسعت عيونه وهو يعتدل بجلسته
سعود بحدة:عباير
عباير وهي تنزل يدها وتطالعهم:ليش!!اوجست اكذاب!!هماه خينا؟!
الجد بادي بحدة:انكعمي ياعباير!!
عباير:ماني بمنكعمة ابد!!راشد خينا والصحيح ارعيته ولد حلالن عالنية مير انه لاغدا يمنا مثل مااوجس سعود بتسنعه ياجد
الجد بادي طالع سعود:وش هالعلوم؟!!يغدي يمنا!!
سعود:والله مااوجست يمه شين ياجد!!
عباير:اجل وين يغدي!!يم مناور واخوياه!!
الجد بادي بعصبية:وانتي وش يخصش به!!يالله من افضالك والمحبة اللي انطلقت بقليبش له
عباير:اي بالله انه وجيهن يرد العافية ويبرد القليب!!
الجد بادي ضرب بمركوعه لقدامه وهو يصرخ بعصبية:اقف اقف ياولد اقف
عباير وهي تلف طرحتها زين ببرود
سعود:ياجد تعوذ من ابليس
الجد بادي صرخ:اقف!!!
.
..بيت مسفر..
،،عايلة مسفر كلها موجودة،،
رهايف واقفة قباله وهي ودها الارض تنشق وتبلعها من الفضيحة قدّامهم كلهم
الجد نشمي بحدة وهو يطالعها:وراش ماتوحين لي وانا ازهمش
رهايف سكتت
ابو جواد:يبه يمكن ماسمعتك لاتظلم المسكينة
الجد نشمي زفر وهو للحين يغلي
شذى:يووه ياجدي اكيد كانت تجري تعرفها تخاف من الظلام
سهام اتسعت عيونها بتكذيب
جواد يطالعهم بابتسامة وهو حاط بصحنه مكرونة من اللي جابتها رهايف ويأكل
رهايف:ياجد تعرفني اقرا قصص الجن وشفتك بالظلام عاد توقعتك واحد منهم
الجد نشمي بغبنة:اهبي ياكذبش ماكثر الله ببيوتنا غير اللمبات وينه الظلمي اللي توجسينه
ابو جواد عض شفته وهو يطالعها
ام جواد:وش مزعلك ياعم هاذي هي قدامك قول لها وش تبي منها
الجد نشمي يطالعها وثم طالعهم اخذ نفس وهو يكتم غيظه وهو مايقدر يخاصمها على تصرفها عند بادي قدامهم وبتكشيرة:ابيها تغني ذيك القصيدة اللي يقراها الراديو هي تقول تعرفها
،،الكل مو مستوعب السبب،،
رهايف رمشت تطالعه وطلعت الكلمة بدون شعور:بــــس!!!
ابو جواد:قولي يبه انا وأبشر ماعليك منهم
رهايف زفرت:الحمدلله وانا احسب عشان ذاك الشيبة الجني يوم لحقته وهاوشته عـ
الجد نشمي وقف ومسكها باذنها
رهايف:اااه اااه ياجد اااه
الجد نشمي وهو ماسكها بحدة:تبونها بشي؟
جواد بسرعة:لا مانبيها
رهايف اتسعت عيونها من كلامه
الجد نشمي مشى وسحبها وراه من اذنها
ابو جواد قام ولحقه:يبه اتركها حرام عليك
رهايف وجهها احمر وهي تحبس دموعها من الم اذنها
الجد نشمي:كبها عنك وتوكل
جواد وقف عنده وهو يمسك يد جده ويفكنا عنها ويده الثانية ماسك فيها يد رهايف
الجد نشمي قطب جبينه وترك اذنها مع فكة جواد ليده
جواد وهو يرجع رهايف وراه:اذا مارجعت لبيتهم عمي بيذبحني وتعرف ياجد هي تخاف من الظلام
الجد نشمي يطالعها
رهايف وهي تتخبى ورا جواد:والله لو اشوفه مرة ثانية لاأقول نفس الكلام حتى لو تذبحني ياجدي
الجد نشمي اتسعت عيونه
رهايف جرت خارجة اول ماخلصت كلامها وهي تسحب جواد وراها
.
~السيارة~
سعود وقف بالسيارة مثل ماطلب جده ونزل ووقف عندهم وهو متوتر لاقصى حد
الجد بادي:وش هالعلوم الجديدة اللي اوحيها!!ماهو اني كبيتكم ترعونه اكبه يطب بيتي!!
عباير قباله وبحدة:كلن اخذ جزاه ياجد والحمدلله على دبرته!!اقنع ياجد ترا القنع زين وبالحيل بعد
الجد بادي بحدة:انكعمي!!يابنت تعلميني!!
عباير:كود ترعي اللي مغيب عن عويناتك نعلمك ماضر احدن العلم على كبر!!
الجد بادي ضربها كف
سعود وقف بينهم:ياجد الكل يراعيك ذالحين تجي الشرطة وتقوم بنا صريمة!!
الجد بادي:خلها تقوم!!اللي اوحيه اكبر صريمة!!
عباير بعناد:راشد مااخطا الخطا منكم انتم وشو له تجازونا بفعولكم وشو له!!
الجد بادي صرخ:انكعمي!!
عباير:ابوي وكبه هو وامه على ماتريدون!!وامي لاهنى لها بال وهي ترعي ابوي كل يوم بضيقة وحتى الرضاوة اللي معوضة بها ويوجسون بها أهل الديرة لذالحين ماملت عينها وهي تراعيه والقلوب عقب ماتوسطتها المحبة توسطتها العداوة وغدا كلن يريد الفرقى مير ماصخت الفويه توجسه!!وقضى عمرك وانت ماغير تطارد وراهم تراضي بذا وذا وهم نفوسهم عايفة!!
الجد بادي بعصبية:من الاولة لو انهم اوجسوه على وجهة وغدا متعب واخذ عذبة على ماعلمنا ماهج نشمي ولا تذللت زاهية ولاانعمل بعذبة هاللون!!
عباير بعصبية:ووش علينا منكم فعولكم تلحقكم ماتلحقنا!!و ترده عنا وهو حتى ابوي مايخبره ابد!!
الجد بادي عض شفته وهو يذكر كلام رهايف اللي يشابه كلام عباير رغم اختلاف الاشخاص
>
عند السيارة..
رهايف:هيه انت ماني بقايلة لك ياعم ولا جد وانت جاي الين بيتنا تبي تفرق بين اهلي اسمعني زين خلك طيب مثل الجدان اللي متعودة عليهم
الجد بادي قطب جبينه يطالعها من فوق لتحت
رهايف:انا مااعرف وش صاير بينك وبين جدي بس اللي بينكم بينكم مالنا شغل فيه بتال ماله ذنب تحرمه منا ولالنا ذنب تحرمنا منه حلوا زعلكم بينكم وش ذنبنا تحاسبونا على شي مالنا ذنب فيه
الجد بادي وهو يصد بوجهه:قضيتي؟
رهايف قطبت جبينها
الجد بادي فتح باب السيارة بيركب:تيسيري يم اهلش يابنية ولاتوجسين بامورن مالش بها!!تيسري
رهايف انقهرت منه:بدل هالكلام اللي جاي لعندنا تقوله ومامنه فايدة اكسب اجر لآخرتك وصل الرحم ترا اجره عظيم ماتدري وش وضعك بعد شوي!!
>
الجد بادي وهو يكتم غيظه:وتاليتها ياعباير وش اللي تريدينه؟
عباير طالعته مصدومة
سعود يطالع جده اللي هدت عصبيته بصدمة
عباير:ابدن اريد نعامله بالحق دامه ماعمل شي شين ولاهو براعي صرايم
الجد بادي لف عنها وهو يفتح السيارة ويركب ويقفل الباب بقوة وسط صمته
سعود وعباير ظلوا واقفين
الجد بادي بحدة:علامكم لذالحين ماركبتوا اعجلوا علي ولا أعجبتكم هالديار!!
.
رهايف تمشي بخطوات بطيئة وهي ماسكة يده وحابسة دموعها وتبلع غصتها تبي هالغصة تختفي قبل ترجع البيت وبهمس بينها وبين نفسها:ليش يزعل وانا اقول الصدق!!يبي يفرقنا ويبيني أقول حاضر واسكت!!مو على كيفهم هالشياب!!
جواد يمشي جنبها وهو مدخل يده الثانية بجيبه:لسانك وش طوله وزعلانة!!والله لو واحد منا يتوطى فينا ابوي قبل جدي!!
رهايف وهي تمسح انفها بطرف طرحتها وبغرور:اكيد طبعا انا غير غير!!وشلون تقارني فيكم!!
جواد خرج يده من جيبه ومعه منديل وبقرف:خذي بس امسحي يالغير انتي!!
رهايف رفعت حاجبها وهي تطالعه من فوق لتحت وتدف المنديل بيدها بعيد:وليش لاحقني ان شاء الله!!
جواد رفع يده اللي ماسكتها:والله ماهو بكيفي لاحقك!!
رهايف تركت يده وهي تدفها بقوة وتلتفت عليه كلها وهي تتكتف قباله:وانت ماتصدق ع الله تلحقني!!
جواد يطالعها:انتي اللي ساحبتني معك!!انا بس رحمتك من جدي وانتي اللي تحمستي!!
رهايف:طيب انا تحمست على قولتك ومن القهر ماحسيت وانا اسحبك وراي،،تقدمت له بخطواتها وبنص عين،،وانت ليش متحمس معي ولاحقني!!
جواد:لاني احبك
رهايف انصدمت ورجعت بخطواتها لورا وهي تطالعه وسط نبضات قلبها السريعة بصدمة من اللي سمعته
جواد تقدم وبهدوء:وأموت فيك
رهايف قشعر جسمها ومسحت على نفسها تحاول تبعد القشعرة عنها وسط تكشيرة على وجهها
جواد انفجر يضحك وهو يطالعها
رهايف وهي تستوعب طقطقته عليها وبتكشيرة:ووجعوه انمغصت يكفيني اختك تزيدني انت!!
جواد بابتسامة وهو ينحني لها
رهايف رجعت بنفسها لورا وهي بنفس مكانها
جواد:وليش يعني مااحبك!لهالدرجة ماتستاهلين حبي!!
رهايف رفعت رجلها لورا بخطوة واسعة وهي تبعد عنه واعتدلت بوقفتها وهي تعدل طرحتها:لا ياقلبي انا كل من عرفني تربعت بقلبه والحب بدون رهايف مو حب!!بـ
جواد تقدم لها بسرعة وهو ينحني لها من جديد وبابتسامة:انتي متربعة وخالصة!!
رهايف تطالعه برفعة حاجب مكذبته
جواد:واي والله الحب بدونك مو حب
رهايف حطت يدها على جبينه بجرأة:ترا انا مو دانة!!
جواد مسك يدها ونزلها على خده ويده فوق يدها وعيونه بعيونها:ولاتسوى شي عندك
رهايف ميلت فمها بابتسامة وهي تمسكه من تيشيرته من عند رقبته وتزمه ونزلته بكل قوتها لتحت وهي تجلس على طرف كتفه اليمين وتضغط بجسمها عليه تنزله وسط ضحكتها
جواد جلس على ركبه وانحنى شبه ساجد بصدمة من حركتها وهو يفك يدها عن تشيرته
رهايف تضحك:والحين؟باقي تحبني!!
جواد رفع يده اليمين وهو يرجعها لورا يبي يمسكها
رهايف تبعد عن يده وبعض الأحيان تضربها بشويش تدفها عنها بوناسة:بشّر باقي الحب؟ولا صخونة وطبت
جواد واخيرا مسك طرف عبايتها من على كتفها واحكم مسكته وثبتها ع كتفه وهو يرفع نفسه
رهايف اتسعت عيونها وطلعت منها صرخة بصوت مكتوم وهي تترك تيشيرته من ع رقبته بسرعة وترفع يدها لشعره وتمسك فيه ويدها الثانية مسكته من عند كتفه بقوة وهي تثبت نفسها بوقت مارتفعت معه
جواد مال راسه من سحبة شعره وتألم وهو يتربع بسرعة ويمسك يدها اللي شادته من شعره ويفكها عنه وحاوط كتوفها بيده الثانية وسحبها لحضنه وهو يثبتها حتى ماتتعور ونزلها على رجوله وصارت بحضنه
رهايف انفجعت وهي تستوعب وين موجودة
جواد وهو ياخذ انفاسه صرخ بعصبية:ماتوبين انتي!!
رهايف التقت عيونها بعيونه بلعت ريقها وهي تطالعه بهدوء
جواد طالعها واتسعت عيونه وهو يستوعب وضعهم
شذى وقفت على مسافة بسيطة عنهم وانصدمت وهي تشوفهم وبصدمتها:سلامٌ قولا من رب رحيم!!
جواد دف رهايف من عليه بقوة اول ماانتبه لشذى
رهايف طارت من حضنه واخذت قلبتين ووقفت بسرعة وكملت طريقها لبيتهم جري بدون لاتطالعهم
.
...........****..........
يوم جديد
...........****..........
،،العصر،،
.
أم جـلاجــل
.
..بيت بادي..
،،العشة الخارجية،،
،،جسّار وراشد وسعود جالسين فيها،،
جسّار وهو يدور مو قادر يجلس
سعود يقهوي راشد:ياابن الحلال تريّح اصبخه جدي يوجس زينة له الصبخة(خلطة تنحط عالراس سدر واشياء ثانية)
جسّار طالعه وبعصبية:بالله فكني ياسعود وش خبصته!!ذا زين ماطلعت روحه بالسيل!!وجدك ذا وش يحس فيه جايني على شروق الشمس يطردني من بيتي!!
سعود بحدة:لاتخطي ياجسار!!
راشد رفع صوته:استهدوا بالله!!ماهي ناقصة هوشة عندكم بعد!!
جسّار بنرفزة وهو يطالع سعود:وش قصده يوم يقول انسى هالبيت!!وانسى هالرجل!!وش ذا الكلام!!
سعود:اصبر ياجسار اصبر مثلي مثلك
جسّار بغبنة:ماصدقت تشرق الشمس واطلع به لأقرب مستشفى افتح الباب وانصدم فيه يطردني من بيتي!!
راشد مسكه من يده:ارتاح وتعوذ من الشيطان
جسّار سحب يده بقوة وبغبنة:والله ياراشد لو شفت اللي صار له وعشته ماتقول هالكلام!!
.
..بيت الشلة..
،،نشمي وابو غازي وابو جواد وبادي جالسين وعندهم الدلة والتمر ومحد تقهوى منها والكل ساكت،،
ابو جواد قام وسحب الدلة وهو يصب ومد الفنجال الاول لبادي
الجد بادي طالع ابو جواد ومد يده واخذ الفنجال منه
الجد نشمي واخيرا قرر يتكلم وهو يشوف هالقبول منه:مايغدي هاللون ياابو نشمي؟
الجد بادي تقهوى ونزل فنجاله:عملت له صبخة مابه خلاف
ابو غازي بعصبية:وش صبخته!!والله لو ان به جلطة مادرينا!!
الجد بادي:الصبخة زينة دوا لكل علتن تطري عليك!!اراعيكم انت وأخوك مثل الثيران من الصبخات ماغدا بكم شي!!
الجد نشمي وهو يرفع فنجاله لفمه بعد ماصب له ابو جواد وبهدوء:زين زين
ابو غازي اتسعت عيونه:يبه!!!
الجد بادي:الصبخة زينة لراسه وهو بلع من السيل لامنه اوجس واللي خلقه!!
الجد نشمي يجاريه:وراسه امتلى ما ومامثل الصبخة لرووس تسحب الما كله صدق عمك ياولد
ابو غازي انجلط من ابوه
ابو جواد يطالع ابوه مصدوم من موافقته لبادي
الجد بادي:ثمن ولدك راعه بالغريفة مابه خلاف!!هذا هو يجر مواله(يقصد شخيره)وثمن لو به علة والله ان وليدك مايقّر(يرتاح) للصبح به بالبيت!!
ابو غازي بعصبيته:يبه!!!انا بآخذ ولدي وانتم تقهووا على ماتريدون!!
الجد بادي بحدة وهو ينزل فنجاله:اقضب ارضك ياعادل!!
ابو غازي مااهتم له ابد وقف وهو بيتجه لغرفة بتال وقف بمكانه وهو يطالعه بصدمة
بتال بنفس لبسه اليابس بعد مانشف وهو مليان طين لكن ع راسه قطعة قماش حمرا تلفه وهي اللي ماسكة الصبخة ع راسه خارج من الغرفة وكأنه مغيب عن وعيه
ابو غازي تقدم له بسرعة وهو يوقف عنده:ابوك يابتال عسى مافيه شي يوجعك
بتال مر من عند ابوه ولاكأنه نطق له حرف وجلس عند صينية القهوة وهو يتربع وسحب صحن التمر وحطه بحضنه وبدا ياكل
،،الكل يطالعه باستغراب،،
بتال خلص صحن التمر ورجعه مكانه وهو ساكت مانطق حرف عطاهم ظهره وهو يمدد رجوله وتمدد بجسمه وهو يثني يديه ويحطها تحت راسه ويستند عليها وكمل نومته بهدوء
ابو غازي اتجه له وهو ينحني شبه جالس ويطالعه ويهمس:ولد يابتال
ابو جواد وقف واتجه لهم وانحنى شبه جالس جنب ابو غازي
ابو غازي حركه:بتال!!
بتال ارتفعت منه صوت عالي لاخذ نفسه وهو يكمل نومته
الجد بادي طالع ابو غازي بتكشيرة:ارعيته!!اوجست لك ماازين من الصبخة!!مير مابك مسمع!!
ابو جواد:تبارك الرحمن!! ابو غازي بحدة وهو يطالع بادي:حتى لو انه مافيه شي اخذه للمستشفى اخذه
الجد نشمي زفر وهو يوقف:غدينا يم ديارنا
ابو غازي بينفجر من غبنته من ابوه:الله يسر لك مير اني ماني بغادين يم ديرة وولدي بهالحالة!!
الجد نشمي يطالعه بحدة
الجد بادي قطع النقاش قبل يبدا وبهدوء:تريحوا الليلة بهاالبيت مع ولدكم
،،الكل انصدم منه،،
الجد بادي وقف وبنفس هدوءه وهو يطالع نشمي:تصبحون على خير،،مشى وهو تارك الكل بحيرة من تصرفه الغريب،،
.
.
...........****..........
..بيت عادل..
،،غرفة فيصل،،
،،رهايف جالسة عالبلايستيشن مع فيصل تلعب،،
رهايف واقفة وهي تتقدم شوي وترجع شوي من حماسها مع اللعبة
فيصل جالس عالارض ماد رجله اليمين:اخلصي دوري من مسكتيه ماتركتيه!!
امجاد وقفت ع باب الغرفة وبنرفزة:رهايفوه مصخت عاد شذى من زمان تنتظر!!
رهايف:قولي لها مشغولة نتقابل بكرة
امجاد اتسعت عيونها:مو الحين بعد!!الله والشغل اللي عندك روحي لها
رهايف بعصبية وعينها بالتلفزيون:يوووه امجاد القيم حامي نار نار وانتي تشتتيني!!
امجاد بشك:لايكون متهاوشات!!
رهايف:اعوذ بالله منك
امجاد:طيب يالله شوفي البنت وش ذا الإحساس الميت اللي عندك!!
رهايف:بكرة بكرة
امجاد زفرت:طيب،،لفت بتخرج،،
شذى دخلت للغرفة وهي بعبايتها
امجاد انصدمت للحظة من وجودها ثم كشرت:بكيفكم ان شاء الله تتذابحون،،خرجت،،
شذى وهي تتكتف:بتجين ولا اشهّر فيك وفـ
رهايف رمت اليد من يدها وهي تنط عندها وتمسك يدها وبهمس وهي تضغط على يدها:اوص اوص
امجاد طلعت الدرج متجهة لجناح غازي وقفت عالباب وهي تدق:رورو
عذاري ماردت
امجاد:عُذعُذ افتحي يالله
عذاري فتحت الباب بقوة وهي تسحب امجاد بسرعة لداخل الغرفة وتقفل الباب وراها:امجاد وش رايك بابوي؟؟
.
،،غرفة رهايف،،
رهايف وهي تطالعها بحدة:خير وش تبين؟
شذى:بسم الله وش فيك معصبة علي؟!!
رهايف:ترا الوضع طبيعي لايروح بالك بعيد
شذى بابتسامة تكتم ضحكتها:وانا قلت شي!!
رهايف:تكفي الابتسامة والله مايحتاج تقولين
شذى:هو يعني صراحةً يعني صراحةً
رهايف وهي تتكتف:ايه
شذى:انا خايفة عليك
رهايف عقدت حواجبها:بسم الله وش فيه
شذى:انتبهي يارهايف انتبهي وانا اختك
رهايف بفجعة:وش فيه طيب؟!!
شذى:بانبهك وانتي. بكيفك
رهايف:شذيوه انطقي
شذى:مو عشانه اخوي بس يعني جواد وسيم ودكتور وجنتل
رهايف ضحكت بصوت عالي
شذى:وش فيك!!
رهايف وهي تهز راسها بابتسامة:ماشاء الله فتحتي عيوني ماكنت ملاحظة صراحةً!!
شذى كشرت
رهايف:هو يعني صراحةً وسامة شرقية خالصة مغري مغري لااله الا الله بسم الله علي منه الله يثبتني بس
شذى بنرفزة:ووجعوه رهايف!!اعترف غثيث وثقيل دم ويعل قلبك بلعانته بس حبيب لاهله
رهايفسكتت وهي تشوفها زعلانة
شذى:اذا ماتبينه قولي وانا بأساعدك
رهايف ميلت فمها
شذى:ولو انه بعد اللي شفته امس مااظن ماتبون بعض
رهايف بحدة:ووجعوه شذى وش شفتي هاه!!ترا كلها طحت بمكان غلط وانتي جيتي بالوقت الغلط
شذى؛ايه صح وفهمت غلط،،ضحكت،،
رهايف وقفت وبعصبية:ماكذبتي يوم قلتي ثقيل دم سبحان الله طالعة عليه ديزل يالله برا برا يالديزل
شذى وهي تلف طرحتها وبتخرج من الغرفة:الحين صرت ديزل!!،،تنهدت،،الله يرحم ايام العسل
رهايف:والله بس ناقصك السحبة ياحياة الفهد يالله يالله بس
شذى وقفت عالباب وهي تلتفت لرهايف:ااااه صح ماهو انتي مايحلى بعينك الا الديزل الأصلي ولا انا وش تبين فيني،،جرت وهي تشوف رهايف تجري لها،،
.
..بيت خالد..
ابو صايل خرج جواله من جيبه وهو يتقهوى مع زوجته الصامتة كالعادة ابتسم بفرح وهو يشوف اسمها:ياهلا والله ياهلا بشمعة البيت
عذاري قاطعت ابوها وبزعلها:اشوف ماسألت عن هالشمعة!!عادي تحترق
ابو صايل زفر:عذاري!!
عذاري:حاضر يبه وتم على امرك مثل ماتبي
ابو صايل ابتسم
عذاري:لكن انا اللي اختار العروس يبه
ابو صايل:وتم من عندي تم
...........****..........
آخــر الـلـيـل
...........****..........
أم جلاجل
.
..بيت الشلة..
،،ابو غازي وبتال وجسّار بغرفتهم والجد نشمي وابو جواد وراشد بغرفة راشد،،
ابو غازي متلثم بشماغه وبتال بالوسط بينه وبين جسّار
بتال يأن بصوت واضح وهو نايم
ابو غازي فز من نومته وهو يوقف ويفتح النور ويفك لثمته وهو يرجع ويجلس عند بتال:بسم الله بسم الله ولد بتال وش فيك؟،،بحدة،،جسّار
جسّار فزّ من نومته مفجوع:وش فيه
ابو غازي وهو يوقف وينحني يرفع بتال وبحدة:فزعنا به غلطت يوم سمعت لعمك قم
جسّار:بأكلم راشد يشغل السيارة ويقربها،،اتجه لغرفة راشد ورجع يساعد ابوه،،
بتال وهو يسحب نفسه منهم بتعبه وسط نومه ويتمدد بفراشه
ابو غازي اتسعت عيونه:وش فيه
ابو جواد وقف عالباب وسط اثار النوم على وجهه:عسى ماشر
جسّار انحنى وهو يرفع بتال:يالله بتال ساعدني حتى نشوف وش فيك
بتال ارتفع معه ودفه بكل قوته الباقية وهو مغمض عيونه وبحدة وهو يرجع لفراشه:جوعاااااااان جسّار بموت،،تمدد وهو يئن،،
جسّار كشّر بوجهه وهو منغبن:بطيني وربي بطيني ماتغير!!
ابو غازي بحدة:طس شف لاخوك بلعة لايموت علينا
.
...........****..........
يوم جديد
...........****..........
..المستشفى..
جواد باستقبال المستشفى الواسع يجر خطواته ميت من التعب انتهت مناوبته اللي غير عن الكل بما انه ماسك مكان ابوه بنفس الوقت كمل يوم وعليها بهالمناوبة وحتى نومته مجرد غفوات واخيرا بيمشي وقف وهو يسمع الكود اللي اعتلى صوته بطوارئ المستشفى ولف وهو يجري متجه لغرفة الطوارئ للحالات الحرجة دخل للغرفة بوسط انفاسه السريعة انصدم وهو يشوفها تنعش المريض وسط دموعها واستغرب من الوضع وهو يشوف ماحولها اي ممرضة تساعدها
دانة تنعش المريض بوسط بكا هستيري غريب
جواد سحبها بقوة وهو يدفها وينعش المريض ويستفسر عن حالاته واخيرا بعد محاولات من المحاولة أعلن الوفاة
دانة جلست عالارض منهارة وهي تبكي
جواد انحنى شبه جالس قبالها وهو يهديها:يابنت الحلال الحمدلله على كل حال هذا يومه وقدر الله وماشاء فعل و
دانة قاطعته:انتهيت انا انتهيت خلاص
جواد قطب جبينه وهو يسمعها:وش صاير انتي قلتي لي تعرض لسكتة قلبية!!وبعدين كيف ماحولك احد يساعدك هالحالة ضروري وجود الطاقم!!
دانة تبكي
جواد مسك أكتافها وهو يوقفها:استهدي بالله والحمدلله على كل حال
دانة وقفت معه وهي تبكي بصمت
جواد مشى فيها ووقف عند الملف وهو يخرج قلمه من جيب لابكوته ويكتب التفاصيل اللي قالتها دانة له
دانة واقفة جنبه ودخلت يدها بجيب لابكوته
جواد طالعها باستغراب منها وهو يرجع خطوة لورا:وش فيه؟!!
دانة اخذت ختمه من جيبه وختمت ع ملف المريض وطالعته بدموعها:اسفة جواد اسفة
.
...........****..........
ام جـلاجــل
.
..بيت بادي..
،،ع الفطور،،
سعود جالس قباله بابتسامة شاقة وجهه لابعد مدى وهو يطالعه
حلايا جالسة جنب سعود وهي متكية على رجل سعود وتطالعه باستغراب من وجوده
راشد جالس وهو يخالطه شوية حيا ومحتفظ بابتسامة
سعود:حياك حياك
راشد:كثر خيرك وجاد الله عليك
سعود:سم سم،،مد يده،،
راشد مد يده واخذ اللقمة
عباير وقفت عندهم وهي شايلة تبسي الحليب والشاهي وجلست بين راشد وسعود
راشد وقفت اللقمة بحلقه وهي اقرب له من سعود
عباير صبت له كوب حليب وبابتسامة:وتفضل الحليب اللي مايشابه بلونه غير لون قليبك
راشد اخذ الكوب منها:مشكورة وين بخوت؟
حلايا وقفت وجرت للغرفة
عباير:عودي عودي مامن احد يمش ياحلوة الحد
سعود بابتسامة احراج:والله انت خبرت العلم وانا اخوك
راشد بابتسامة:حصل خير حصل خير الله يشفيها
حلايا وقفت عندهم بابتسامة وهي تنط:بحوت بحوت
بخوت متجهة لهم وهي شايلة بيدها كم فنجال والدلة بيدها الثانية وهي تخفي رجفتها
عباير انبسطت وهي تشوفها
بخوت نزلت الدلة والفناجيل عـنـد سعود وهي ترجع بخطواتها لورا:حياك الله،،مشت بسرعة مبتعدة،،
سعود ابتسم بفرح وهو يشوفها متقبلة راشد
.
..بيت الشلة..
،،الجد نشمي وابو غازي وجسّار وابو جواد جالسين جنب بعض والجد بادي قبالهم وبينهم الفطور،،
الجد بادي مد يده يفطر طالعهم:ترا اللي ولمنه البنيات ماحطيت لي يد بشين ابد
جسّار يطالعه بتكشيرة من وجوده
الجد نشمي مد يده:بسم الله
ابو جواد مد يده لمى شاف ابوه يفطر
ابو غازي بشكه:وش وراك؟!
الجد نشمي بحدة:عادل!!
الجد بادي اللي بيده لقمة اخذه نزلها اول ماسمع سؤاله وبحدة:ماوراي غير الصرايم ياعادل!!
ابو غازي كشّر بوجهه:وهالصريمة اللي غادي بها يمنا هالمرة وش انهي؟؟
الجد بادي ابتسم
،،الكل طالعه مو مرتاح له،،
بتال وقف عندهم وجلس بين الصفين لحاله ومد يده وهو يسمي حط اللقمة ورفع عينه وانصدم وهو يستوعب الموجودين معه وصحى بنفسه:متى جيتوا؟!!
الجد بادي بابتسامته:هلا هلا بقطعة من قليبي عودت يم محلها!!
بتال وقف وسلم على راسه ويده
الجد بادي بنفس الابتسامة:سلمت سلمت
ابو غازي بغبنة:ماهو باأنت اللي جدعته يمهم ناوين ذبحته؟!!
بتال طالع ابوه باستغراب
الجد بادي كشّر بوجهه وبحدة:الاول يتحول ياعادل
الجد نشمي بحدة:انكعم ياعادل انكعم!!
بتال قطع النقاش وهو يدور عليهم يسلم على روسهم واحد واحد وبصوت عالي وهو يضمهم ويسلم من قلبه:ياهلا!!ياحياالله الوجيه الندية ياهلا
جسّار وقف وهو ينتظر دوره بوجه كله تعب بعد اللي مر فيه
بتال جلس جنبه بدون لايسلم عليه
جسّار اتسعت عيونه يطالعه
بتال رفع راسه وباستغراب:وش فيك واقف؟ارتاح ارتاح!!
جسّار كشّر بوجهه وهو امتلى غيظ من حركته
بتال وقف بسرعة وسط ابتسامة عريضة ارتسمت على وجهه يطالعه:سمعني ياصاحب الشامة سمعني والله ماازعل منك والله،فتح يديه وهو يسحب جسّار لحضنه وضمه بقوة،،
جسّار وهو يزفر نفس براحة:مت بمكاني يابتال مت!!
بتال ابتسم:شدة وعدت على خير الحمدلله الحمدلله،،تركه وبتكشيرة،،انا اللي اتشكى المفروض مو انت!!!
جسّار وهو مو مصدق انه مافيه شي:تشكى على كيفك مافي اعتراض ابد ابد
بتال طالعهم وهو يزفر براحة ماتوقع انهم يجتمعون وهم اللي ماتقابلوا من سنين اتجه لابوه وهو يجلس عنده ويطالعه:يبه والله هاللمة تكفيني ماابي شي كثير ماابي غير هاللمة الطيبة بقلوب طيبة
الجد بادي ابتسم وهاذي فرصته:ابشر ياولدي ابشر بتراعي هاللمة وتقعد بها كثير
ابو غازي مو مرتاح ابد يطالعه بتكشيرة
الجد بادي:كود أهل ابيك رضوا؟
الجد نشمي ابتسم وهو يشوف بدايات الصلح:ابشر ابشر على ماتريد يابادي ابشر
الجد بادي طالع ابو جواد:ولد يامسفر
ابو جواد طالعه باستغراب:سم ياعم
الجد بادي:اريدك رجلن لبنيتي على سنة الله ورسوله
ابو جواد انقلب وجهه:هاه؟!!
،،الكل انصدم مثله،،
الجد بادي:اريدك رجلن لبخوت على سنة الله ورسوله وش علمك؟!
ابو غازي بعصبية:ماهو بعلى كيفك تسيّر حياة الخليقة على هواك!!
الجد نشمي سكت وهو موافق لعادل
الجد بادي رفع يده بوجه عادل بمعنى اسكت وهو يطالع ابو جواد:العلم بيني وبين الرجل مالك به بـد ياعادل انكعم عني لااوحي لك حس
ابو غازي بحدة:ماني بمنكعم ابد وطيت بالجمر مرة ماني بكاب مسفر يتبع مواطي(يصير لمسفر مثل ماصار لعادل)
الجد نشمي زفر:ماينفع اللي توجسه يابادي حنا نبي الوصل يعود مير انه ماهو بهاللون!!
الجد بادي وعينه على ابو جواد:مالي بكم كلمة العلم عنده
ابو جواد توتر وهو اللي بيجمع العايلتين من جديد او يزيدهم بعد شد ع قبضته وهو يطالع بادي:السموحة ياعم مير اني متهني ومااريد بيتي ينهدم من ساسه
الجد بادي بيموت من الوناسة وهذا اللي يبي يسمعه:مير مارجيت من وراكم منفعة خابرن فعولكم،،التفت يطالع بتال بابتسامة،،البنت لولد خالتها وهو اولى بها من الغُرب
بتال انصدم من اللي يسمعه ووضح على وجهه
الجد نشمي:يابادي لاتعمل سواتي وانا اخوك يكفينا ماحصل مانريد الفرقى من جديد
بتال طالع الجد بادي:جدي على عيني وراسي وايه نعم ابي الوصل وابي أتعرف على اهلي لكن محد له حق يفرض رأيه علي بحياتي الخاصة
الجد بادي ضحك ثم وقف وهو يزفر:ايه خابرن ان هاذي علومك وين اغدي عنهم وانت رابين بينهم
ابو غازي اتسعت عيونه
بتال بتكشيرة:تربيت على زين الطبايع اللي بتربيني عليها لو ربيت عندك
الجد بادي ميل فمه بابتسامة
الجد نشمي:يابادي الى متى الله يهديك الى متى؟!!
الجد بادي:الليلة عرس ولد مناور حياكم الله جميع،مشى بيخرج ثم وقف وهو يلتفت لهم ويثبت عينه على بتال،،وانت لاتقضي صلاة العصر الا وانت تحتريني عند باب البيت اوحيت؟
ابو غازي بتكشيرة:وش تبي منه؟
الجد بادي وعينه على بتال وبتأكيد على كلامه:اوجست تحتريني عند الباب،،خرج،،
...........****...........
..بيت مسفر..
،،غرفة شذى،،
ام جواد فتحت الباب:شذى
شذى نايمة
ام جواد دخلت وهي تسحب اللحاف من فوقها بقوة وبنبرة عالية:شذى
شذى بنومتها:همممم
ام جواد:كلمتي رهايف
شذى عقدت حواجبها من السؤال وفتحت عيونها وهي متمددة للحين:ليش؟!!
ام جواد بقلق:اخوك اتصل وقال تجهز العدل بعد نص ساعة والحين له فوق الساعة ماجا ولايرد
شذى جلست وهي تشوف قلق امها:يمه يمكن جتهم حالة على خروجه ورجع هذا هو دايم
ام جواد بعصبية:ماجيتك ابي توقعات اتصلي برهايف يمكن متصل بها وقايلها شي قبل يقفل جواله
شذى:يمه جواد بيقولك انتي قبل اي احد اكيد حالة مثل دايم تعوذي من ابليس
.
..المستشفى..
،،غرفة اجتماع اللجنة بالمستشفى،،
جواد جالس عالكرسي ورا طاولة الاجتماع وهو متكي باكواعه فوق الطاولة ضام يديه ومتكي بطرف دقنه على يديه ويهز رجوله متوتر بهدوء وصمت يلف المكان يزيد توتره اكثر وقف وهو مو قادر يجلس ومسح على راسه وهو يزفر نفسه بصوت من زود التوتر وصار يروح ويجي وهو يفكر باللي صار معه خاصةً وان المريض من الفي اي بي بالمستشفى واللي متوتره دانة اللي اعتذرت فجأة وبعدها مانطقت له حرف رغم محاولاته معها وطلبها تبقى بمكان بعيد عنه قطع هالهدوء الفظيع فتحة الباب القوية وانصدم وهو يشوف عساكر داخلين عليه وبعقدة حواجبه:نعم!!
العسكري:جواد مسفر الـ
جواد باستغراب:ايه
العسكري:انت متهم بقتل****
جواد انصدم وبفجعة:وش قتل؟!!هاذي حالة طبية متوفاة واذا فيه شي الهيئة هي المختصة!!وش هالكلام؟
،،سحبوه العساكر وهو يعترض بدون اي فايدة لمحاولات اعتراضه،،
.
.
.
<اللهم صل وسلم على نبينا محمد>