ديما تدخل غرفة ريم : واااو
ريم كانت لابسة توكسيدو tux أسود وقميص أبيض .. طالع عليها خيالي ..
ريم تلتفت عليها : ما تعرفين تستأذنين قبل ما تدخلين ..
ديما تصفر : وين رايحة ..
ريم تتعطر : حفلة ..
ديما تترجى : ليه ما تاخذيني معك ..
ريم تلتفت عليها وتبتسم : حبيبتي .. حفلاتي ما تصلح لك .(تقرص خدودها) ما أنت لسة صغير..
ديما توخر عنها : أووه ريمي أنت حتى إذا سافرتي ما تاخذيني معك ..
ريم تاخذ عبايتها : ديمي حبيبي تدرين أني ما عندي مانع .. لكن ما لي خلق مقثة أمك ..
ديما مترددة : ريم ..
ريم تجمع أغراضها : هممم..
ديما : وش سويتي على ... على موضوعي ..
ريم : ما يهمك حبيبتي .. قلت لك خلي الموضوع علي ..
باستها ريم على راسها .. اطلعوا من الغرفة .. وراحوا للمصعد ..
هم طالعين .. صادفتهم هيا معها شنطة .. أول ما شافتهم تأففت ولفت وجهها ..
ريم بعصبية : خير أنت ووجهك .. الناس تسلم ..
هيا تأشر بيدها : أووه .. ريم ما لي خلقك .. وتروح للمصعد ..
ريم تكلم ديما : وش فيها منفسة ..
ديما : ما تشوفين شنطتها .. أكيد متهاوشة مع زوجها كالعادة ..
ريم قبل ما تطلع .. مرت على مكتب أبوها .. دقت الباب وادخلت .. شافت أبوها قاعد يقرأ..
ريم تبتسم : مساء الخير بوحاتم ..
سعود يرفع راسه ويبتسم : مساء النور.. ها أشوفك كاشخة ..طالعة..
ريم تضحك : أي .. تأمر على شيء ..
سعود يرجع لكتابه : لا سلامتك .. لكن لا تتأخرين ..
ريم تهز راسها : إن شاء الله ..
وهي طالعة .. ناداها : هيفاء ( اسم أمها ) قولي لهم يجيبون لي الشاي ..
ريم تبتسم : أبوي أنا ريم .. مو هيفاء ..
سعود رفع راسه : ها .. أقصد ريم ..
ريم هزت راسها .. وطلعت ..
منيرة بعصبية : وأنت كل ما زعلتِ .. أخذتِ شنطتك وجيتِ ..
هيا بحدة : وش تبيني أسوي .. طفشني .. ماني قادرة أعيش معه ..
منيرة : هيا أنت ما صار لك غير سنة من تزوجتِ .. وجيتِ بيتنا ولا 5 مرات ..
هيا : أوووه .. أمي زهقت منه ..
منيرة : يا بنية عقلي .. ترى يزهق منك بعدين .. ولا يهتم بطلعتك ولا برجعتك ..
هيا شوي وتصيح : أصلاً هو كارهني .. واليوم عصب وقال لي أنه في الأصل كان يبغى يخطب ريم .. وبما أنها رفضت .. أمه قالت له يخطبني ...
منيرة تهدي بنتها : هيا حبيبتي .. كل شي قسمة ونصيب .. وهو ..
قاطعتها هيا : يعني هو كان خاطب ريم قبلي ..
منيرة تهز راسها : أي .. وهي قالت ما تبغى تتزوج ..
هيا بعصبية : ليه ما قلتِ لي .. يعني أنا أخذ فضلتها ..
منيرة : وش هالكلام .. الله يهديك .. كل شي قسمة ونصيب ..
تدخل جدتها هيا : ها .. هيا عندنا اليوم ..
هيا تروح تسلم على جدتها : أي .. وشكلي بقعد عندكم على طول ..
الجدة باهتمام : خير وش صاير ..
منيرة : قايل لها.. أنه كان خاطب ريم قبلها ..
الجدة : زين .. وش فيها .. كله قسمة ونصيب ..
هيا : أي لكنه شكله للحين يبيها ..
الجدة بعصبية : هيا وش هالكلام .. لا تنسين هذا زوجك .. وذيك أختك .. وريم رفضته ..
منيرة : أنت وش دراك أنه للحين يبيها ..
هيا : دايم يسأل عنها .. ويلمح لي ليه ما أصير مثلها ..
منيرة : يمكن يكون ...
الجدة بنبرة حادة : منيرة !!!
منيرة خافت وحاولت ترقع : هي ما راح تجيبه من بعيد .. ولا نسيتِ أمها ..
الجدة بصوت عالي وبغضب : منيير .. لا تنسين هذه ريم بنت ولدي .. والكل يشهد بأخلاقها .. وإذا على الخطاب ..كل اللي جاوا يخطبون بنتك ..كانوا خاطبينها قبل .. ولا نسيتِ ..
منيرة خايفة : ......
الجدة بحدة : ردي .. صار ولا لأ..
منيرة تهز راسها : أي ..
هيا تصيح : ليه ما أحد قال لي ..
الجدة تلتفت لها : يا بنيتي .. كلٌ ياخذ رزقه .. ما حد ياخذ رزق غيره .. تعوذي من الإبليس ورجعي لبيتك .. زوجك ما حد اغصبه يتزوجك وأنتِ ما حد اغصبك بعد ..
قامت الجدة وناظرت لمنيرة مدة .. منيرة ودها الأرض تنشق وتبلعها ..
