ادخلوا الغرفة .. ريم تفصخ عباتها .. ديما رمت نفسها على السرير.. تمسح دموعها .. قعدت جنبها ريم ..
ريم بهدوء : قولي لي وش صار..
ديما تتنهد : أمي قالت لي أنهم حددوا موعد الخطوبة .. بعد خطوبة حمد يعني الأسبوع اللي بعده.
ريم تهديها : حبيبي ديما .. حتى لو صارت خطبة وملكة .. نقدر نفسخها في أي وقت .. لا تهتمين
ما راح يصير شي غصب عنك ..
ديما تضم ريم وتصيح : أي بس ....
ريم تلتف عليها وترفع راس ديما : ديمو .. لا تقولين لي عاشقة ..
ديما تصيح أكثر وتضمها .. ريم تهز راسها : كملت ..!!
موضي تكلم أمها : جنت هذه ..
الجدة هيا : لا تحاتين سمعتها كلام يهز بدنها .. وما اظنها تفتح الموضوع مرة ثانية ..
موضي بحزن : مو كافي اللي سويناه فيها .. ميتمين البنت وأمها عايشة ..
الجدة: وحنا وش مدرينا إذا كانت عايشة ولا لأ .. اذلفت وارتحنا ..
موضي : يمه .. لا تقولين هالكلام .. حنا ظلمنا المراة .. إلا ما يجي يوم علينا .. مو كافي ولدي المعاق ..
الجدة بحدة : وش تبيني أسوي .. أشوف عيالي يتذابحون قدامي .. وأظل ساكتة...
موضي تبتسم بسخرية : الحين اللي يسمعك يقول كلش هم ما يتفارقون .. منصور ما يدخل البيت إلا إذا كان سعود مو موجود .. وحتى إذا تقابلوا يدوب سلام كأنهم أغراب ..
الجدة : سعود من هذيك السالفة .. وهو مو طايقه ..
موضي : تلومينه ..
الجدة تهز راسها : لا .. لا والله ما ألومه .. بس وش هالحيلة ...
ريم : ما راح تقولين لي من هو ..
ديما بتردد : عزيز ..
ريم تفكر : عزيز .. من عزيز..
ديما : عزيز اللي يشتغل في محل العود والبخور .. اللي ناخذ منه عادة ..
ريم متفاجأة : أه .. عزيز .. (تحط يدها تحت راسها كأنها تفكر) وأنا أشوف كل ما رحت له يهلل ويرحب .. طلع مو لي .. لحبيبة القلب .. (تضحك)..
ديما مستحية : أوه ..ريم ..
ريم تضمها وتضحك : يؤبرني الخجول أنا ..
ديما : تتوقعين أبوي يوافق ..
ريم : ما أدري .. الولد ما عليه شي .. ولد عايلة ويدرس في الجامعة .. ويشتغل مع جده في المحل.. وهذا أكثر شي عاجبني .. مو تافه مثل غيره ...( تقصد حمد )..
ديما تهز راسها : هو وعدني أن يخطبني .. بعد ما يتخرج .. لكنه هالعلة جاء وخرب كل شيء..
ريم : لا تهتمين حياتي .. إذا كان من نصيبك بتاخذينه .. وافق أبوي ولا رفض ..
تقوم ريم إلى غرفة الملابس وهي تناديها : كم باقي له ويتخرج ..
ديما قربت من الباب : باقي له ترم ويخلص .. وبعدين راح يشتغل مع خاله ..
ريم بدلت ملابسها .. والبست لها قميص قطني وشورت .. ارجعت لأختها .. وضمتها ..
ريم : لا تحاتين شيء .. أبيك الحين تروحين تنامين .. وترتاحين وإن شاء الله ما يصير إلا خير ..
طلعت ديما .. نامت ريم على ظهرها على السرير .. تفكر في زينة .. شكلي والله حبيت .. صوتها شعرها .. عطرها .. حتى ما أخذت رقم جوالها .. لكني أعرف عنوان بيتهم .. يمكن .. لا .. لا..
أصلا هي كانت بتجرب .. ما لها في هالموال أبد .. أنا مجرد whim نزوة بالنسبة لها .. لكنها أكثر بالنسبة لي .. قلبي فز لها .. لها بس .. لكن وش الفايدة البنت مخطوبة .. وما راح أقدر أشوفها .. (تضحك) .. يعني وين راح أشوفها ..
نامت ريم .. وتفكيرها مع زينة .. زينة اسم على مسمى .. Z my Z ..
