اهجمت ريم على حمد .. لاحته بقوة على الكنبة .. طاح على الطاولة .. وضرب وجه فيها .. ريم قربت منه ترفس .. وتضرب بوقسات .. وهو يزحف على الأرض يبغى يبعد عنها .. علياء وديما راحوا لزينة .. شالوها من على الأرض .. ريم مثبته حمد على الأرض بركبتها .. وتضرب وجهه بوقسات .. غيرت ملامح وجهه.. وامسكت يده ولوتها وهو قاعد يصارخ .. ويحاول يبعد عنها .. مو قادر.. مليكة ودلال يحاولون يبعدونها عنه ..
مليكة تسحبها : ريم خلاص بيموت في يدينك ..
ريم تحاول تفلت منها .. وترفسه : خليه يتعفن الكلب ..
جاتهم منيرة بسرعة .. قعدت تصارخ بوجه ريم وتحاول تبعدها عن ولدها .. ملكية ودلال يحاولون يهدون ريم .. ريم تفلتت منهم .. وامسكت رقبه منيرة .. والصقتها بالجدار ..
ريم بحدة : لا يعلى صوتك قدامي يا مراة .. خذي حشرتك لا ينحسب علي رجال ..
منيرة خافت من نظرات ريم .. ساعدت ولدها يقوم واطلعت .. ريم اسندت ظهرها على الجدار .. تتنفس بصعوبة .. التفتت شافت علياء حاضنة زينة وتهديها .. قربت منها ريم .. زينة رمت نفسها في حضن ريم .. تصيح بقوة ..
زينة تصيح : ما أبيه ريم ..ما أبيه .. ما أبغى أقعد هنا ..
ريم تهديها : طيب حبي .. ما راح أخليك دقيقة وحدة في هالبيت ..
مليكة لاحظت نظرات الكل على زينة وريم .. تدخلت بسرعة ..
مليكة : ريم .. لازم تروح المستشفى ..
ريم تهز راسها : أكيد راح أوديها المستشفى ..
زينة بخوف : ما أبغى ..
ريم بحنان : حياتي ما يصير .. نطمن عليك على الأقل ..
نزلت منيرة ساندة ولدها.. حمد يعرج والدم ينزل من جبينه ومن فمه .. قابلهم سعود .. شاف منظر حمد .. راح لهم ..
سعود باستغراب : وش صاير لك .. من اللي ضاربك ..
منيرة بحدة : اسأل بنتك ريم .. وش مسويه بولدي ..
سعود بدهشة : ريم ضاربتك .. ليه ..
حمد توهق : أنا .. أنا ..
سعود شاف ريم ساندة زينة ومعهم علياء .. شاف وجه زينة صاير ألوان .. التفت على ولده .. حمد خاف من أبوه .. سعود بدون تردد ضربه كف على وجهه ..
سعود بعصبية : ما تستحي على وجهك تمد يدك على مراة ..
حمد ادمعت عينه .. وطلع بسرعة .. منيرة تركض وراه .. سعود قرب من ريم وزينة..
سعود منحرج : ما أدري وش أقولك بنتي .. ما عرفت أربي رجال ..
ريم : راح ناخذها للمستشفى ..
سعود يهز راسه : طيب .. طيب .. سلامتك زينة ..
علياء : لا تحاتين .. هذا روتين نطمن ان ما عندك كسور ..
زينة بتعب تهز راسها .. ما هي قادرة تتكلم .. ريم تكلم أختها وعد .. تخبرها أن زينة في المستشفى ..
ريم تمسح راس زينة وتكلم علياء : متى تطلع النتايج ..
علياء : إن شاء الله خلال ربع ساعة ..
زينة تأن .. قربت منها ريم : أبغى ماء ..
قامت ريم بسرعة جابت لها كاس ماء ..ارفعت راس زينة وبدت تشربها الماء شوي شوي .. علياء تركتهم واطلعت .. ريم تمسح راس زينة ..
ريم : ما راح ترجعين له .. هذا وعد .. حتى لو أقتله بيدي ..
زينة تبتسم بتعب : أنت ما قصرت فيه ..
ريم بين أسنانها : شوي عليه ..
زينة : ريم ..
ريم تبتسم : عيون ريم ..
