الجدة بحدة : ما أبغى أحد يكلمها ..
منيرة : يعني عاجبك اللي تسويه .. ما جات العزاء إلا ثالث يوم .. لا وقاعدة في المزرعة ولا همها .. والحين سافرت ولا همها شي ..
موضي : وأنت وش يخصك فيها ..
منيرة : شلون وش يخصني فيها, ما هي محسوبه عليكم بنت .. الواجب أنها تحضر عزاء عمها..
الجدة بهدوء : تبغينها تحضر عزاء اللي خسرها أمها ..
منيرة تناظر خالتها مستغربة : وش قصدك ..
موضي : ريم تدري بكل شي ..
منيرة مو مصدقة : كل شي .. كل شي ..
موضي : أنت ما لاحظت تصرفاتها في الشهور اللي طافت ..
منيرة : بلى .. لكن ما توقعت أنها تعرف شي ..
موضي : لا تعرف ..
منيرة : ومن اللي قال لها ..
الجدة : هذا اللي حنا ما ندري عنه ..
منيرة : ما أحد غيرنا يعرف بالسالفة .. يعني من وين بتعرف .. أكيد مو من أمها ..
موضي : وهي من وين بتشوف أمها .. الله أعلم بديارها الحين ..
سعود ينبه : أبغاك تتأكد .. ما أبغى أي أخطاء ..
ناصر يهز راسه : ولا يهمك طال عمرك .. كل شي مثل ما تبغي ..
سعود : الله يرحم راشد .. هو اللي كان يرتب شغلنا كله ..
ناصر : الله يرحمه .. الشباب مو مقصرين طال عمرك ..
سعود : إن شاء الله .. لأن إذا صار شي .. راح تكون نهايتنا ..
ناصر : لا تاكل هم طال عمرك .. أمورنا سليمة ..
سعود يهز راسه : ان شاء الله ..
طلع ناصر من المكتب .. سعود على النت بوك .. يراجع الحسابات .. " حاس أنه بيصير شي .. قلبي مو مطمن .. اللي قتل راشد للحين ما انعرف.. وما ندري من اللي يتربص بنا .. الله يعدي هالعملية على خير "..
هيفاء تسأل : منو هذا روبيرتو ..
ريم تشتغل على الاب توب : خال صوفيا ..
هيفاء بحذر : هو يدري عنكم ..
ريم تهز راسها : أي .. وأنا أزورهم دايماً حتى بعد وفاة صوفيا ..
هيفاء : وش عندك معهم ..
ريم : شغل .. هم عندهم مجموعة شركات وأفرع كثيرة في أوروبا ..
هيفاء : الله يوفقك ..
ريم ترفع راسها : وش رايك تجي معنا ..
هيفاء : أجي وش أسوي ..
ريم تبتسم : تغيرين جو .. ايطاليا روعة ..
هيفاء بتتكلم .. قاطعتها ريم : راح تروحين معنا .. هذا جواب نهائي ..
هيفاء تتعذر : ريم الله يهديك ما ..
ريم قامت وراحت لأمها تضمها : mom صدقيني راح ترتاحين هناك ..
هيفاء تغيظها : أنت حبيت وحدة منهم .. وعشقت البلد كلها ..
ريم تضحك : من زود حبي له .. عشقت كل أهله ..( ريم يدها تحت راسها كانها تفكر) أظنها كلمات أغنية .. المهم بتروحين معي .. period
هيفاء تمسك يد ريم : خلاص على هالحماس .. شوقتيني أزورها ..
بدت يد ريم ترجف .. اسحبتها بسرعة .. هيفاء انتبهت أن يد ريم صار لها فترة ترجف من جات ذيك الليله ..
هيفاء باهتمام : ريمي .. ليه ما تروحين الطبيب ..
ريم : ما يستدعي .. هي بتخف لحالها ..
هيفاء : شلون بتخف لحالها .. ريم الله يرضى عليك شوفي طبيب بأسرع وقت ..
ريم تبتسم وتبوس راس أمها : على أمرك يا أحلى أم .. بس نرجع من ايطاليا ..
تدخل عليهم فوزية ..
فوزية : كأني سامعة طاري سفرة ..
ريم تأشرعلى أمها: أي قاعدة أقنعها تسافر معنا ايطاليا ..
فوزية باستغراب : معنا .. انت ومين ..
ريم : أنا وسامي راح نروح ايطاليا بعد كم يوم .. عندنا شغل هناك ..
فوزية : وليه لأ .. نغير جو ..
هيفاء : من اللي يغير جو ..
فوزية : أنا وأنت .. العيال يروحون شغلهم وحنا نتسكع بشوارع روما ..
هيفاء تضحك : الله عليك يا فوز .. نتسكع مرة وحدة ..
فوزية تضحك : وحنا وش ما خذين من الدنيا .. حبيبتي عيشي حياتك .. ما أحد معطيك عمر غير عمرك ..
هيفاء تهز راسها : خلاص .. ما عندي مانع .. نسافر ..
