صحت ريم من النوم .. راسها مصدع على الأخر .. وانتبهت أنها مو في غرفتها .. بدت تستذكر اللي صار أمس .. العرس .. زينة .. ناديا .. واللي صار معها.. ريم حطت يدها على راسها " أنا وش سويت ".. قامت بكسل وراحت للحمام .. أخذت لها شاور سريع علشان تتنشط .. اطلعت من الحمام لافة نفسها بفوطة ..
شافت ناديا داخلة الغرفة معها صينية فيها فنجانين قهوة .. ريم شمت الريحة وبدت تتنشط أكثر ..
ناديا ابتسمت لها .. وأعطتها فنجان .. وأخذت لها واحد.. وهي تقعد على الصوفا .. غمضت عينها .. ريم انتبهت لها .. اجلست جنبها .. وأخذت يدها وباستها ..
ريم بحنان : أسفة حياتي على أمس .. ما كنت في وعي ..
ناديا تبتسم : لا تتأسفين .. ما كان كله سيء ..
ريم تهز راسها : أدري أني عورتك أمس من دون حتى ما أهتم ..
ناديا امسكت يد ريم .. وبهدوء : ريم .. وش صاير لك .. ما كنت طبيعية أمس ..
ريم تهز راسها : صدقيني ما صرت أعرف نفسي ..
بدوا يشربون القهوة بهدوء .. ناديا عينها على القهوة ..
ناديا بهدوء : من زينة ..
تفاجأت ريم : هممم..
ناديا التفتت عليها : أمس كنت تنادين أسمها وأنت نايمة ..
ريم قلب وجهها أحمر . واسكتت مو عارفة وش تجاوبها..
ناديا : هي سبب اللي صار لك أمس..
ريم هزت راسها وبترقعها : لا هي ..
قاطعتها ناديا : ريم لا تخدعين نفسك .. عيونك المعت لما قلت أسمها ..
ريم اسكتت .. وكملت تشرب القهوة ..
ناديا بحذر : تحبينها ..
ريم زفرت : ما أدري إذا كنت أحبها .. ( حطت الفنجان على الطاولة ) لكن اللي أعرفه أن قلبي يدق بسرعه إذا شفتها ..
ناديا تبتسم : يعني تحبينها ..
ريم تضحك بخفيف : وش الفايدة إذا كنت أحبها أو لا .. البنت أمس زواجها ..
ناديا هزت راسها : وأنت حضرت زواجها .. ( تأشر على فستان ريم اللي على الكنبة )..
ريم تبتسم : كان زواج مدلل أمه حمد ..
ناديا بدت تستوعب .. متفاجأة : يعني زينة .. تكون ..
قاطعتها ريم : أي تكون زوجته ..
ناديا لاحظت أن وجه ريم تغير لما قالت زوجته .. ريم باين عليها تحب البنت .. لكنها بين نارين البنت متزوجة .. لا ومن اخوها بعد .. يعني بتعيش معها في نفس البيت ..
ناديا بتعاطف : ما احسدك على هالموقف ..
ريم اضحكت : لا والله .. موقف لا أحسد عليه أبداً .. قريبة مني .. وبعيدة عني ..
ريم تطالع ساعتها .. تشوف أنه قريب 12 الظهر .. وتقوم .. لازم تكون في البيت علشان الغداء .
قامت وراها ناديا .. وراحت غرفة ملابسها .. ورجعت معها بنطلون جينز وقميص .. وأعطته لريم .. ريم بتعترض..
ناديا تبتسم : تبينهم يشوفونك راجعة بنفس فستان أمس ..
ريم تبتسم وتهز راسها : لا .. ما لي خلق وجع راس ..
أخذت ريم الملابس .. ولبست البنطلون .. بعدين القميص لكنها ما سكرت الأزرار .. ناديا راحت جنب السرير وقعدت ببطء .. للحين هي تتألم .. ريم لاحظت وقربت منها .. اقعدت على الأرض مقابلها .. وأخذت يدها وباستها ..
ريم باهتمام : ناديا .. أنت وش مسوية ..
ناديا تهز راسها : الحمد الله ..
ريم : وزوجك ..
ناديا تبتسم : ما أشوفه إلا كل اسبوعين مرة .. وتبين الصراحة كذا أريح لي .. ما اطيقه ..
ريم : حبيبي .. إذا بغيت شي .. أنا موجودة .. ما يحتاج اعلمك ..
ناديا تبتسم .. وتمسك راس ريم بيدينها الثنتين : أدري حياتي ..
