بيدي حفرت قبري

الفصل الثالث عشر

ريم شافت زينة ترجف وخايفة .. قامت وضمتها .. تنادي : مين ..
سينثيا : miss. Mama Haya wants to speak to you
ريم : أوكي .. بنزل شوي ..
زينة كانت حابسه أنفاسها : الحمد الله ...

ريم بسرعة حطت يدها على فم زينة .. ريم انتبهت لظل الخادمة ورا الباب .. ظلت مدة بعدين راحت .. واسمعوا صوت باب الجناح .. لكن ريم حبت تتأكد .. قامت من السرير ولبست روب .. واطلعت من الغرفة .. تأكدت أن ما في أحد .. ارجعت إلى الغرفة .. وشافت زينة قاعدة تلبس ملابسها بسرعة .. قربت منها ريم وضمتها ..
ريم تبوس راسها : لا تخافين حبي .. راحت ..
زينة بخوف : متأكدة أنها ما اسمعت ..
ريم تبتسم لها : لا ما أظن .. لكنها خدامة منيرة متعودة على التسمع .. علشان تنقل لمعزبتها الأخبار ..
زينة : لكني خايفة أنها يمكن اسمعتني ..
ريم تهديها : لا تخافين .. متأكدة أنها ما اسمعت .. ( ريم ما هي متأكدة .. لكنها ما تبغى تخوف زينة )..
زينة : لازم أروح إلى غرفتي ..
ريم تلبس ملابسها : طيب .. خليني أشوف لك الطريق ..

نزلت زينة من الدرج .. وراحت إلى جناحها .. أول ما ادخلت غرفتها .. رمت نفسها على السرير.. مو مصدقة أنها وصلت غرفتها بدون ما أحد يلاحظ .. قامت بتاخذ لها شاور .. وهي تحت الدش .. تسترجع اللي صار أمس مع ريم .. زينة اضحكت .. ريمي .. حبي ..

ريم اطلعت من الحمام .. وراحت غرفة الملابس والبست ملابسها .. وهي طالعة لفت انتباها .. اسوارة زينة على الأرض .. ابتسمت ريم و أخذتها وقربتها من فمها وباستها ..

ريم نازلة في المصعد .. وقف المصعد على الدور الثاني .. زينة ادخلت المصعد .. ريم كانت ساندة ظهرها على جدار المصعد.. ابتسمت لها وأعطتها اسوارتها ( نسيت هذه) زينة مدت يدها تأخذها .. لكن ريم امسكت يدها وقربتها منها .. وباستها بقوة .. زينة خافت وبتبعد لكن ريم امسكتها وشفتها بقوة ..
زينة بتبعد : ريم .. يمكن أحد يشوفنا ..
ريم تبوس خدها : ما في أحد إلا حنا في المصعد ..
زينة : أوه ريم ..
ريم تبوسها : بعدين أنا لسه جيعانه ..
زينة تبتسم وتتدلع : ريمي .. بعدي الحين .. وأوعدك أسوي اللي تبغين ..
ريم تطالعها : اللي أبغاه ..
زينة تهز راسها وتبوسها .. ريم اتركتها .. زينة تعدل نفسها .. وهي تضحك ..
ريم تسألها : وش يضحكك ..
زينة تبتسم : أبداً .. لكن تعيش وتاكل غيرها يا جميل ..
ريم انتبهت أن زينة تلعب بها .. حاولت تمسكها لكن باب المصعد انفتح .. وزينة اطلعت بسرعة . وهي تضحك .. ريم تطالعها وتتوعد ..

ريم راحت إلى غرفه جدتها وطقت الباب وادخلت .. كانت الجدة قاعدة على الكنبة تشرب قهوة .. قربت منها ريم وسلمت عليها .. واجلست ..
ريم : أمري أم سعود .. طالبتني من الصبح ..
الجدة : ما يامر عليك ظالم .. بس بغيتك في موضوع ..
ريم : خير ..
الجدة : الخير بوجهك .. شوفي في الدرج الوسطي في ظرف جيبيه ..(تأشر على الطاولة اللي جنب سريرها )..
ريم قامت .. وجابته الظرف مليان فلوس .. وقعدت جنب جدتها .. مو فاهمة ..
الجدة : أبغاك ترسلينها لعمك منصور .. بس لا يدري أبوك ..
ريم طالعتها .. وهزت راسها : تامرين شي ثاني ..
الجدة تهز راسها : لا بنتي .. ( تشرب القهوة) ما أحد يبرد قلبي في هالبيت غيرك .. الله يرضى عليك ..
ريم قامت وسلمت على جدتها واطلعت .. افتحت الظرف وشافت ان المبلغ كثير .." يا ترى وش عنده .. اللي مخليه يطلب هالكثر" .. انتبهت لعلياء تناديها .. التفتت عليها ..