اركبت ريم وعهود السيارة .. واطلبت ريم من السايق يوديهم عند الكورنيش .. انزلوا ريم أخذت نفس عميق .. هواء البحر يريح .. " أه يا ليت أرمي كل همومي في البحر وأرتاح " ..
انتبهت لجوالها يرن .. شافت الرقم .. روبيرتو ..
ريم : هالو ..
كانت ريم تهز راسها .. ملامحها تغيرت .. كانت تعترض على شي .. لكنها اقتنعت بعدين وهزت راسها موافقة ..
قربت منها عهود : خير فيه شي ..
ريم تبتسم : لا سلامتك .. أمور في الشركة .. لي زمان مهملتها ..
عهود : نرجع ..
ريم تهز راسها : اهممم ..
في السيارة ...
ريم تطالع الشارع من النافذة : عهود .. أطلب منك طلب ..
عهود : أمري ..
ريم : ما يامر عليك ظالم .. إذا في يوم صار لي شي .. أبغاك تقولين لأمي كل اللي ما قدرت أقوله لها ..
عهود مو فاهمة : وأنت ليه ما تقولين لها ..
ريم : بس تنتهي الأمور على خير .. راح أقول لها كل شي ..
عهود : طيب .. ليه تطلبين مني ..
ريم بهدوء : في حال صار لي شي .. أبغاك تخبرينها بكل شي ..
عهود باهتمام : يصير لك مثل ايش .. لا تخوفيني عليك ريم ..
ريم تبتسم : ما فيني شي .. قلت إذا صار شي .. ما تعلمين الغيب ..
عهود رافعة حاجبها : عندي إحساس أنك مخبية شي .. لكن بمشيها لك .. ما راح أزيدها عليك ..
بعد عدة أيام ..
في المزرعة ..
كانت ريم قاعدة في المكتب .. جنبها hunter .. جاها اتصال من عمتها .. ترددت ريم في البداية .. لكن فكرت .. it's time
ريم : أهلين ..
موضي : هلا فيك .. ريم .. وش أخبارك ..
ريم : الحمد الله .. تمام ..
موضي : أمي تبغى تتكلم معك ..
ريم : ما اظن عندنا شي نتكلم فيه .. لكني راح أجي البيت اليوم .. لأني أبغى انهي كل شي ..
موضي : مثل ما تبين .. ننتظرك ..
ليلى : أنت جنيت رسمي .. مو كافي اللي سوته فيك .. بتروحين لها ..
زينة : أنت مو فاهمة شي .. ريم كل اللي سوته عن قصد .. تبغى تبعدني عنها ..
ليلى بسخرية : وليه إن شاء الله .. وش عندها ..
زينة : ليلى .. أنا أتكلم جد .. انت ما سمعتيها لما جاتني المستشفى .. كانت منهارة وتعبانة .. هي خايفة من انها تخسرني ..
ليلى مكتفة يدينها : تخسرك .. وهي اللي تسببت في طيحتك .. ولا نسيت ..
زينة : لا ما نسيت .. لكنها بحاجة لي الحين .. وهي مخبية عني أمور كثيرة ..
ليلى : وأنت وش يدخلك فيها ..
زينة : لأني أحبها .. وهي تحبني ..
ليلى : أتمنى تكونين عارفة وش تسوين ..
زينة : لا تخافين .. عارفة وش قاعدة أسوي .. لكني ابغى مساعدتك ..
ليلى مكتفة يدينها : تبغيني أقول لهم حنا رايحين مزرعة عنود .. بنقعد هناك أيام .. وأنت بتكونين عند حبيبة القلب ..
زينة : يب .. وبعدين حياتي .. المنفعه متبادلة .. خاصة أن أمي صايرة ما ترفض لي طلب ..
ليلى : بتستغلينها أكيد ..
زينة تضحك : of course..
زينة تجهز شنطتها " ما راح تقدرين تبعديني عنك بسهولة هالمرة ريم .. إلا أعرف وش مخبية عني "..
مليكة بخوف : ريم .. سلامتك .. وش فيك ..
ريم تبتسم : رجلي ملتوية ..
مليكة : سلامتك .. باين عليك تعبانه ..
ريم تتنهد : you have no idea
ادخلوا الصالة .. أبوها وعمتها ومنيرة كانوا موجودين .. أبوها شاف ريم متكية على عصا .. وقف .. ريم تبتسم وتأشر له يقعد ..
سعود باهتمام : سلامتك بنتي .. وش صار لك ..
ريم تقعد على الكرسي : ما فيني شي .. رجلي ملتوية بس ..
موضي : ما أحد خالي .. الكل في هالبيت عنده همه ..
جاء حاتم وسلم على ريم .. استغرب من العصا اللي معها .. اشرحت له ريم أن رجلها ملتوية .. منيرة التفتت على ولدها ..
منيرة : زرت اخوك ..
حاتم : أي أمي زرته ..
منيرة تحاتيه : كيفه الحين ..
حاتم : خايف ومتوتر .. الله يكون في عونه ..
سعود : انا ما أصدق أن حمد يقتل حتى لو أشوف بعيني ..
ريم اضحكت بصوت عالي : حتى لو شفت بعينك ..
