بعد 8 شهور ..
سامي في الشركة يتابع الأمور .. من وفاة ريم والشغل كله متراكم عليه .. ياسر يدير المجموعة في السعودية .. لكن هنا كل الشغل عليه .. وهو على الاب توب .. رن جواله .. شاف الرقم غريب ..
سامي : ألو ..
....... : hello stranger
سامي متفاجئ : ريم ..
روبيرتو : راح يعجبك القصر ..
هيفاء : حنا مرتاحين في سويسرا ..
روبيرتو : أدري .. لكن لازم تشوفين أملاك بنتك ..
هيفاء : وش لي في الأملاك ..
روبيرتو يبتسم : بعدين في مفاجأة .. تنتظركم ..
ماكس : مفاجأة uncle
روبيرتو: راح تعجبكم ..
اوصلوا عند قصر كبير .. ادخلوا من البوابة .. اوصلوا عند المدخل .. استقبلتهم مدبرة المنزل .. ادخلوا القصر .. روبيرتو يكلم الخدم .. وقالوا له في الحديقة ..
روبيرتو يكلم العيال : المفاجأة في الحديقة ..
ماكس مو فاهم .. ايلينا : momy
هيفاء بتكلمها .. لكن ايلينا راحت تركض إلى الحديقة .. ماكس وراها ..
هيفاء تناديهم : لا تركضون .. بتطيحون ..
اوصلوا عند الحديقة .. ريم واقفة تناظر الحديقة .. وظهرها لهم .. اسمعتهم يركضون .. التفتت ..
ايلينا تركض وتقفز عند أمها .. ريم تضمها بقوة وتبوسها ..
ايلينا تبتسم : I know it .. you're alive
ريم تبتسم : ايلي قلبي .. أنت بنت أمك ..
ماكس يركض لها .. تضمه ريم بقوة .. هيفاء واقفة عند النافذة .. مو مصدقة اللي تشوفه .. ريم معقولة .. ما اقدرت توقف .. طاحت .. ريم اركضت لها .. جات وحدة من الخدم .. أخذوا هيفاء للصالة .. هيفاء نايمة على الصوفا .. ريم تحاول تصحيها ..
ريم بحنان : mom
هيفاء تفتح عيونها .. تشوف ريم قدامها مو مصدقة .. امسكتها وضمتها بقوة .. تصيح ..
ريم تضم أمها : أمي اهدي .. لا تصحين ..
هيفاء بعدت ريم عنها .. وقعدت تضربها بعصبية .. ريم تضحك وتحاول تمسكها ..
ريم تهديها : هيوف .. اهدي واسمعيني ..
هيفاء تصيح : وش سويتي فيني ..
ريم خلتها على راحتها .. هيفاء تضمها مرة ثانية .. وتصيح .. ظلوا مدة ..
ماكس تكلم أمها : ماما ليه granny تضربك ..
ريم وهيفاء التفتوا عليه .. هيفاء تأشر على ريم : لأنها كذبت علي ..
ماكس بخوف حط يدينه على وجهه : يعني اللي يكذب يضربونه ..
ريم وهيفاء اضحكوا بصوت عالي .. على برائته وتعابير وجهه .. ريم امسكته وضمته بقوة وتبوس خده ..
ريم تبتسم : اشتقت لك حبيبي ..
ماكس : وأنا بعد .. قلنا لهم أنك راح ترجعين .. ما صدقوا ..
ريم : أدري حبيبي ..
ريم تنادي ميرثا تاخذ العيال .. لأنها تبغى تكلم أمها على انفراد .. ايلينا رافضة تروح ..
ريم تقنعها : في كلام كبار ما يصلح الصغار يسمعونه ..
ايلينا تهز راسها : أنا مو صغيرة .. انا أفهم ..
ريم : طيب روحوا الحين ارتاحوا لأن راح نطلع بعد شوي ..
ايلينا : ما راح أروح ..
ريم بنبرة : بنت ..
ايلينا خافت .. وراحت ورى أخوها ..
ريم تعدل نفسها : هالبنت عنيدة ..
هيفاء تطالعها رافعة حاجبها : على مين بتطلع .. أكيد على أمها ..
ريم تبتسم : يعني أنا عنيدة ..
هيفاء تضمها مرة ثانية : مو مهم .. أهم شي أنك عايشه .. الحين قولي لي .. أبغى أعرف ليه سويتي هالمسرحية .. بغى يوقف قلبي ..
ريم تمسك يد أمها وتبوسها : سلامة قلبك يا أم ريم ..
هيفاء : أسمعك ..
ريم أخذت نفس عميق : تذكرين لما قلت لك أن الوالد يشتغل في غسيل الأموال ..
هيفاء تهز راسها : أذكر ..
ريم : المهم .. لعبنا لعبة عليهم .. أخذنا الفلوس من الحساب اللي يحطون فيه الفلوس .. وبعد فترة رجعناه لهم ..
هيفاء : طيب .. دامك رجعتيه لهم .. وش يبغون ..
ريم : مو بهالسهولة .. حنا وجهنا لهم صفعة قوية .. ما راح يخلونا نمشي كذا بالساهل ..
هيفاء خايفة : حاولوا يقتلونك ..
ريم : كان في مخطط .. وحنا كنا سابقينهم ..
هيفاء : شلون ..
ريم : المفروض أني أزيف موتي فترة .. وكنا مرتبين الأمور .. لكن حمد سبق الأمور ..
هيفاء باستهجان : يعني ما كنت ناوية تقولين لي ..
ريم : بلى .. كنت بأقول لك يومها .. لكن القدر سبقني ..
هيفاء : بس ليه خبوا علي ..
ريم : mom أنا ما كان لي يد في الموضوع .. روبيرتو تصرف من نفسه .. أنا ما صحيت إلا بعد اسبوعين .. وكنت هنا ..
هيفاء يدها على صدر ريم .. مكان الرصاصة .. ريم امسكت يدها ..
ريم بحنان : لا تخافين أمي .. خلصنا منهم .. والمحامي ماشي في اجراءات تعديل حالتي ..
هيفاء مو فاهمة : تعديل حالتك ..
ريم : from deceased to alive
هيفاء تضمها : المهم أنك رجعتِ لي ..
ريم تبتسم : ربي يخليك لي .. ولا يخليني منك ..
