زينة قامت من حضن ريم بسرعة .. ريم قامت بعدها .. وكل وحدة تعدل نفسها .. مليكة عيونها على ريم .. معصبة منها .. لكنها ما كانت متفاجأة .. كانت بتتكلم لكنها المحت أحد الخدم جاي ناحيتهم .. زينة كانت ورا ريم .. مليكة تلم الموضوع ..
مليكة تمثل: زينة .. ما كان تعبتِ نفسك .. خلي أحد الخدم يهتم بالملابس ..
بعدين التفتت على ريم .. وتكلمها وهي عاضة على أسنانها : ريم .. بغيتك في موضوع ..
ريم تبتسم وتهز راسها .. مليكة تناظرها بنص عين : راح أنتظرك في جناحك ..
ريم تمسح شعرها من الخلف : اسبقيني .. وجاية وراك ..
زينة راحت تجمع ملابسها .. تبغى تطلع بسرعة .. جسمها يرجف وخايفة.. ريم قربت منها ..
وحط يدها على كتف زينة .. زينة خافت والتفتت عليها .. عيونها مليانه دموع .. ريم كان ودها تمسحهم لكنهم مو لحالهم.. زينة بعدت عنها .. أخذت ملابسها واطلعت بسرعة .. الحقتها ريم ..
ادخلوا المصعد .. زينة قعدت تصيح ..قربت منها ريم تهديها .. وخرت عنها زينة ..
ريم تهديها : زينة .. لا تخافين مليكة ما راح تتكلم ..
زينة بعصبية : ريم .. رجاءً لا تقربين مني ..
ريم بتتكلم .. لكن زينة قاطعتها : اللي صار مساع ما راح يتكرر .. خلينا نتصرف ما كأن صار شي بينا ..
ريم تطالعها بعدين هزت راسها : مثل ما تبين .. ( وصل المصعد دورها .. اطلعت بسرعة بدون ما تلتفت )..
ريم مقدرة موقف زينة ..ومتفهمة ردة فعلها .. لكن تبعد عنها مستحيل ..
ادخلت ريم جناحها .. لقت مليكة قاعدة في الصالة .. ريم أشارت لها تلحقها إلى غرفة النوم .. الحقتها مليكة .. أول ما ادخلت ريم الغرفة .. رمت نفسها على السرير .. مليكة ظلت واقفة ..
ريم تتجنب تحط عينها بعين مليكة ..
مليكة بحدة : ريم what were you thinking?
ريم عيونها في الأرض : أحبها ..
مليكة : ريم أنت تحبينها .. ولا تمثلين أنك تحبينها ..
ريم رفعت راسها تناظر مليكة : وش قصدك أمثل ..
مليكة : علشان تردينها لحمد .. الكل يدري أن ما بينكم ود ..
ريم بترد لكنها اسكتت .. يمكن كلام مليكة صح .. أنا رحت لها بعد ما سمعت مدلل أمه يقول أنه يحبها .. لا لا .. أنا أحبها .. ما أدري .. بجن ..
مليكة تطالع ريم .. هي فاهمتها لكن تظل زينة زوجة أخوها .. كل شي وله حد .. قربت منها واجلست جنبها على السرير ..
مليكة بهدوء : ريم .. حتى لو كنت تحبينها .. حطي حد وانهي الموضوع قبل ما يكبر .. إذا ما كنت خايفة على نفسك .. خافي على زينة ..
ريم التفتت عليها وبحدة : اللي يحاول يقرب منها أو يؤذيها راح أنهيه ..
مليكة بجدية : ما راح تقدرين إذا كانوا أهلها ..لا تنسين .. أنت عايشه في السعودية مو بأمريكا ..
ريم اسكتت ..
مليكة تزفر: إذا أحد عرف اللي بينكم .. في أسوأ الاحتمالات أنت تقدرين ترجعين امريكا وتعيشين هناك .. لكن هي وش راح يكون مصيرها ..
ريم ادمعت عينها .. مليكة التفتت عليها وضمتها ..
ريم بين دموعها : شكلي حبيتها ..
مليكة بحنان : ريم أنا مو ضدك .. لكن مو كل قصص الحب تكمل ..( تبوس راسها ) أنهي الموضوع الله يرضى عليك ..
