While seeking revenge, dig two graves -- one for yourself
هنا تبدى قصتي .. رجعت إلى البيت .. وطلعت إلى غرفتي مباشرة .. ادخلت وراي عهود ..
وأنا أفصخ عباتي .. شافت الدم على قميصي .. اشهقت وجات جنبي ..
عهود بخوف : وش صاير لك .. وش فيها رقبتك ..
ريم تهديها : هدي.. هدي .. ما فيني شي ..
قعدوا .. ريم قالت لعهود كل اللي صار مع امها .. عهود كأنك صاب عليها ماء بارد .. قاعدة تستوعب اللي صار .. ريم تركتها وراحت تبدل ملابسها .. راحت لها عهود .. واسندت كتفها على الجدار .. التفتت عليها ريم .. عهود راحت لها وضمتها بقوة ..
عهود : ما توقعت في ناس بالحقارة...
ريم تهز راسها : لا فيه .. اللي يعيش في الدنيا .. يا ما يشوف ..
عهود : وش ناوية تسوين ..
ريم : أولا .. لازم أطلع امي من ذاك المكان ..
عهود : أكيد ..
ريم : ثانيا .. أصفي حسابي مع العايلة الكريمة ... ( باستهزاء)..
عهود : كيف ..
ريم تبتسم : لا .. كيف هذه يبيلها تكتيك وتخطيط محكم .. علشان أغلب عدوي .. لازم أعرف عنه كل شي .. كل نقاط ضعفه وقوته بعد ..
عهود مو فاهمة .. اقعدت جنبها ريم ..
ريم بغضب: أنا مو بس أبغى أخذ حق أمي .. أبغى أذلهم .. أشوفهم مكسورين .. وربي لأخليهم يلفون حوالي أنفسهم.. مو عارفين مين وين تجيهم الضربة ..
عهود تناظر لريم : أول مرة أشوفك تتكلمين بالطريقة ..
ريم: لا تلوميني عهود .. لو أنه ( تقصد أبوها ) طلق أمي وتركها .. كان ممكن أسامح .. لكن يرميها هالرمية .. لا انسي .. ومع كل هذا قاعدين يتمتعون بحلالها .. كأن حلال أبوهم ..
عهود : ريم بديت أخاف منك .. نبرة صوتك غريبة ..
ريم تبتسم : ليه .. لأني أدافع عن أمي .. أنا عمري ما شلت عليهم .. مع كل اللي سواه هو وزوجته فيني .. وانت أكثر وحدة عارفة .. صحيح درست برا .. لكن مو لأنه مهتم فيني .. كان يبغى الفكة مني .. حتى إذا طلبت منه مصروف أو زيادة .. يذلني ذل عليها .. ولما اشتغلت كان دايم يحطمني ويستهزء أن ما راح يطلع مني شي .. إلى أن كبرت شركتنا وصار لها اسم ..
كان يقول حظ ..
عهود : كل هذا شايلته في قلبك ..
ريم تهز راسها : عهود افهميني .. عمري ما شلت عليه .. حتى لما طلب مساعدتي .. بدون ما أتردد لبيته .. أنا ما أنكر إني شرطت يكون لي منصب كبير في الشركة ونسبة من أسهمها ..لأنه هذا حقي ..
نامت ريم على ظهرها : لكن اللي سواه في أمي .. هذا شي كبير .. شلون أسامحه عليه ..
عهود نامت جنبها .. والتفتت عليها وصارت تمسح ذراعها ..
عهود : الله يلوم اللي يلومك .. لكن ...
قاطعتها ريم بحدة : بدون لكن .. أمي أنا ما تعيش في ذاك المكان .. تخيلي لو أني ما تذكرتها .. لو صار شي أمس .. كان ..
عهود تهديها : حبيبتي .. الحمد الله .. ربك ستر ..
ريم تاخذ نفس عميق : الحمد الله .. لكني ما راح أنسى اللي سواه فيها .. راح أدفعه الثمن غالي ..
سعود بعصبية : كل هالمصاريف ... ما راح أدفع ريال زيادة ..
منيرة تحاول تقنعه : وش فيك بوحاتم .. هذا زواج ولدنا لازم يطلع من أحسن ما يكون ..
سعود : هذا إذا كان ولدك .. رجال ويستاهل ..
منيرة: ولدك .. يعني ولدي أنا بس .. ما كأنه ولدك أنت بعد ..
سعود : من دلالك الزايد له .. ما يقدر يتحمل مسؤولية .. والحين بتزوجينه ..
منيرة : يمكن الزواج يعقله ..
سعود يضحك بسخرية : يعقله .. ولدك هذا ما منه فود .. أبد ..
منيرة : ونهايته .. بتدفع ولا .. لا ..
سعود : ولا ريال زيادة .. ولدك مو كفو ..
منيرة عصبت .. وطلعت وهي تتحلطم ..
