عهود :هلا ريمي .. وينك فيه ..
ريم : في المزرعة .. ليه ..
عهود باهتمام : حبيت أطمئن عليك .. أمس طلعت بسرعة ..
ريم تكذب : كنت تعبانة شوي .. وطلعت ..
عهود : أقدر أجي عندك اليوم ..
ريم : أي .. حياك حبي .. راح أقعد كم يوم هنا أغير جو ..
عهود : خلاص .. أجل بنام عندك ..
ريم تبتسم : حياك عهود .. أنتظرك ..
عهود من أمس وهي تحاتي ريم .." ريم ما كانت طبيعية .. كان باين عليها التوتر والضيق .. لكنها لما رقصت مع زينة .. كانت سعيدة وعيونها تلمع .. لكنها بس خلصت الأغنية تغير وجهها. وطلعت بسرعة .. حتى ما اسمعتني لما ناديتها .. وما ردت على جوالها أمس .. "
ريم أول ما ادخلت المزرعة .. استقبلها Hunter يركض باتجاها .. ريم تمسح راسه .. ودخل معها الفيلا .. ريم راحت إلى مكتبها .. ياسر وراها .. اقعدت على الكنبة .. وأشرت لياسر يجلس على الكرسي المقابل لها ..
ريم : وش عرفت ..
ياسر: طال عمرك .. هو حاليا في باريس وساكن في فندق ......
ريم تمسح راس Hunter: أبغاك تحط ناس يراقبونه 24 ساعة .. ويصورون كل شي .. وأبغى لسته بالناس اللي معه .. أبغى اعرف عنه كل شي .. من أول ما يصحى من النوم .. إلى أن ينام مرة ثانيه ..
ياسر : تم طال عمرك ..
ريم بهدوء : ياسر أبغاك تهتم بالموضوع .. ما أبغاه يغيب عن عينك ولا ثانية ..
ياسر : لا تحاتين طال عمرك ..
ريم : وش سويت على سفرة غادة ..
ياسر : صالح خلص الموضوع .. وحجز التذكرة .. وتكفل بحجز الفندق ..
ريم : ما أبغى ينقصها شي ..
ياسر يهز راسه : ولا يهمك طال عمرك .. كل شي مثل ما تبين ..
طلع ياسر من المكتب .. وانشغلت ريم مع لاب توبها .. ياسر يناظرها من النافذة .. ريم اللي كان يعرفها ما هي موجودة .. صايرة متغيرة .. وفي عينها حزن وقهر .. لو بيدي أنسف من ضايقها .
ووصلها إلى هالحالة .. ريم اللي كانت ضحكتها ما تفارقها .. ودايما مبتسمه .. من عرفها ما يوم شافها حزينة إلى هالدرجة .. دايم حكمتها تقول (ما يصيبك إلا ما كتب لك )..
ياسر يده مقبوضة (كانه بيضرب أحد بوقس ) من كسرك ريم .. أعطيني اسمه وانهيه لك ..
ريم تراجع حسابات الشركة للمرة الخامسة .. عيونها احمرت وضربها صداع قوي .. مو قادرة تمسك طرف الخيط .. حسابات الشركة فيها شي .. لكنها مو قادرة تمسكه .. لما خسر أبوها أخر مشروعين وطلب منها تساعده في إدارة الشركة .. طلبت كشف بحسابات الشركة .. كلها كانت قانونية .. ووضعها طبيعي .. لكن كان في شي fishy .. هي ما اهتمت وقتها .. كان همها تنقذ الشركة بأقل خسائر ممكنة .. لكن الحين الوضع اختلف .. اسندت ريم ظهرها على الكنبة .. وهي تمسح راس Hunter .. " راح أعرف وش مخبي بو حاتم .. لازم أعرف "...
حمد : ها حبيبتي .. وش رايك في البيت ..
زينة تحاول تبتسم : حلو ..
حمد يقرب منها : عيونك الحلوة حبيبتي ..
بد حمد يبوسها .. زينة كانت تكابر نفسها .. لكنها ما تحملت ..حاولت توخر عنه .. قالت له أنها تعبانة .. لكنه مسكها بقوة ..
حمد يحاول يثبتها : خليتك على راحتك أمس .. لكن الحين من حقي .. أنت زوجتي ولا نسيتِ.
زينة تحاول تحبس دمعتها : لا ما نسيت .. بس ..
قاطعها حمد وحط اصبعه على فمها يسكتها : اش .. برضاك أو بدونه .. حقي راح أخذه ..
زينة ادمعت عينها .. ولفت وجهها .. وخلته يسوي اللي يبيه .. كانت تحته جثة هامدة .. وهو ما اهتم حتى لما اصرخت .. وطلبت منه يوقف .. لكنه ضحك وقال لها لازم تتحمل وراح يعجبها بعدين .. زينة اغمضت عينها .. تتمنى أنها تموت الحين .. ولا تكون معه مرة ثانية ..
