أوصلت ريم البيت مع المغرب .. اصعدت غرفتها وبدلت ملابسها .. نزلت عند مليكة تسولف معها .. جات معهم علياء بعدين ديما .. لما جاء وقت العشاء نزلوا .. وهم طالعين من المصعد اسمعوا صرخة منيرة .. اركضوا لعندها .. شافوا حمد داخل البيت .. ووجهه ألوان وعينه زرقاء على خضراء .. ويده مكسورة ومجبرة .. يمشي ويعرج ..
منيرة اركضت لولدها .. تصيح وتسأله وش اللي صار .. جاء سعود وحاتم يشوفون اللي صار ..
اقعدوا في الصالة ..
سعود بحدة : من معاه عالق هالمرة ..
حمد بألم : مو مع أحد ..
سعود : قول لي وش صار ..
منيرة : سعود وش فيك على الولد .. ما تشوف اللي هو فيه ..
سعود بعصبية : ما أحد خربه .. غير دلالك .. اكرمينا بسكوتك أنت..
منيرة تتحلطم .. سعود يلتفت على حمد ..
سعود بنبرة : تكلم ..
حمد بألم : كنت نازل عند الكوفي شوب .. وأنا طالع لقيت مجموعة شباب واقفين عند سيارتي .. وواحد منهم قاعد عليها .. طلبت منهم يوخرون .. وما سلمت منهم .. تطاولنا باللسان بعدين اشتبكنا ..
سعود : وليه ما بلغت الشرطة ..
حمد : وش أقول لهم .. الشباب راحوا ولا أعرف واحد منهم .. زين أني لقيت أحد يوديني المستشفى ..
منيرة : حسبي الله عليهم ..
سعود بتهكم : وأنت ما قدرت على واحد منهم ..
حمد : كانوا واجد .. والكثرة تغلب الشجاعة ..
سعود يقلده : الكثرة تغلب الشجاعة .. مالت على أمٌ جابتك ..
سعود قام وراح مكتبه .. منيرة أسندت ولدها توديه جناحه .. ريم تطالعه وتبتسم .. مليكة ألمحتها. وهم رايحين إلى غرفة الطعام .. قربت مليكة من ريم ..
مليكة بصوت واطي : لك يد في الموضوع ..
ريم تهز أكتافها : وأنا وش يخصني ..
مليكة تناظرها : لأن زينة صار لهم كم يوم ما تنزل تحت ولا تقابل أحد .. ولما نزلت أمس كانت مغطية وجهها .. واللي يدقق فيه يشوف أثر ضرب .. وأنت أمس وصلتِ .. يعني صدفة ..!!
ريم طالعت مليكة مدة : تظنين راح أسكت له ..
مليكة تهز راسها : لا .. وهذا اللي مخوفني ..
ريم عاضة أسنانها : ما لا داعي تخافين .. يحمد ربه جات على كسر يد مو كسر رقبة ..
اسكتوا لما قربت منهم ديما .. وراحوا إلى غرفة الطعام ...
قعدت ريم في مكتبها تشتغل على الاب توب .. بعدين اتصلت على سامي .. تقوله اللي صار معها اليوم ..
سامي : أنت متاكدة ان كل أرقام الحسابات في ال notebook
ريم : أي متأكدة .. هو دايم يحطه في الخزنة ويقفل عليه .. وحريص دائماً ما يتركه في أي مكان.
سامي يفكر : تقدرين تفتحين الخزنة ..
ريم : هي خزنة الكترونية .. ما أدري وش الرقم السري تبعها .. بس راح أعرفه لا تهتم .. المهم ال notebook شلون أنسخ اللي فيه .. ما أبغى أخذه علشان ما يحس بشي..
سامي : راح أكلم ستيف يرسل لنا جهاز لنسخ الأقراص .. إذا قدرت تحصلين على الnotebook الباقي سهل .. بس دخلي الجهاز في ال notebook وراح ينسخ اللي فيه ..
ريم مو فاهمة : شلون ..
سامي : أنت ما عليك .. إذا وصل الجهاز أشرحك لك على رواق ..
ريم : طيب ..
اسمعت ريم باب جناحها يفتح .. في أحد دخل .. بعدين أحد يطق الباب ..
ريم : طيب سامي أكلمك بعدين .. ( تكلم اللي يطق الباب ) ادخل ..
