موضي متفاجأة : هي قالت لك أنها شافت امها ..
الجدة : أي ..
موضي : وين شافتها .. ومتى ..
الجدة : ما قالت .. لكنها ادمعت عينها لما قالت لقيت أمي في مكان ما يخطر في بالك ..
موضي : وأنت ما حاولت تعرفين ..
الجدة : قلت لك قالت لي اسأل سعود وش سوى فيها ..
موضي : سعود طلقها وتركها ..
الجدة تهز راسها : ما أظن .. تصرفات ريم في الأشهر الأخيرة وكلامها معنا يقول أن سعود مسوي في المراة شي كايد ..
موضي : مثل ايش..
الجدة اسكتت مدة : يا خوفي اللي في بالي يكون صحيح ..
موضي تناظر امها : لا ما أظن .. سعود ما يسويها .. سعود يحبها ..
الجدة : هو يظن انها خانته .. كل الحب اللي يكنه لها راح ينقلب كره وحقد بلمح البصر..
جاتهم الخدامة تركض : ماما .. مستر سعود مريض .. يودي مستشفى ..
قاموا بسرعة .. موضي ساندة أمها ..
الكل تقريبا كان في المستشفى .. منيرة وهيا قاعدين على الكراسي .. حاتم كل دقيقة رايح عند الأطباء .. ريم وديما واقفين .. جات الجدة مع موضي .. راحت لهم علياء تسند جدتها ..
علياء تكلم جدتها : يمه الله يهديك .. ما لا داعي جيتك .. الحين بيرتفع ضغطك ..
موضي : حاولت معها .. مصرة إلا تجي ..
قعدوا الجدة على أقرب كرسي .. الجدة تسأل علياء : ما في أخبار جديدة ..
علياء : على الأقل حالته مستقرة .. ما ودي أخوفك .. لكن احتياطات نعملها لأنه مو أول مرة يتعرض لها ..
الجدة تصيح : الله يشافيه ويعافيه .. إذا صار له شي .. أروح فيها..
موضي تهديها : يمه .. اذكري ربك .. ادعي يقوم منها بالسلامة ..
الجدة : الله يشفيه ويعافيه .. قلبي ما يتحمل عيالي الأثنين يروحون ورى بعض ..
علياء وموضي يهدونها ..
هيا تكلم أمها : وش صار له فجأة طاح ..
منيرة تشرح : أبوك صار له كم يوم متوتر .. وما ينتحاكى ..
هيا : أكيد من مدللك ..
منيرة عصبت : تروحون وترجعون على هالحمد .. ما يكفي اللي هو فيه ..
هيا باستغراب : وش فيه .. قاعد في جدة مرتاح .. وحنا هنا ماكلينها ..
منيرة تأشر بيدها : والله ما كنه أخوكم .. عدوكم ..
هيا : يعني أنت راضية باللي سواه ..
منيرة تهز راسها : لا ماني راضية .. بس صار اللي صار ..
هيا بتتكلم .. منيرة قاطعتها بعصبية : الحين مو وقته .. اهم شي يقوم أبوك بالسلامة ..
هيا : الله يقومه بالسلامة ..
منيرة خايفة " إذا صار لسعود شي .. ريم بتمسك الشغل كله .. من دون شي .. هي اللي تدير الشركات .. وكل شي تحت يدها .. وحمد الغبي ضيع أكثر من فرصة .. علشان يكسب أبوه .. والحين الله يستر .. من دون راشد وحمد .. صرت تحت رحمتها .. ما يكفي خيال أمها اللي ما يفارق سعود أبداً ".. منيرة تسرق نظرات لريم .. ريم مع جوالها .. " ولا همها أبوها راقد في الفراش "..
ريم بعدت عنهم .. وقعدت تكلم سامي .. تطلعه على أخر الأخبار..
ريم مع جوالها تكلم سامي .. عن طريق الواتس اب ..
ريم : صاحبنا طاح ..
سامي : شكل اللعب بدا ..
ريم : أي .. فيه رجال كثير في المستشفى .. الوضع غريب شوي .. كلهم ينتظرون ..
سامي : ما وصلك خبر من روبيرتو ..
ريم : طلب مني ما أسافر إلا لما أعطيه خبر..
سامي : الأوضاع في البنوك قايمة قاعدة ..
ريم : سوينا فيهم مقلب العمر..
سامي : يا خوفي يطلع علينا اكثر من بيع السوق ..
ريم : هو ثمن ولازم ندفعه ..
سامي : يا الله هانت ..
ريم : now is the final cut
