اصبح العدو صديق!! للكاتبة: ياسمين الكيلاني

البارت 15( مؤامره)

نبدأ بذكر الله 🌺
استغفر الله العظيم واتوب إليه
🖤🖤🖤🖤🖤🖤🖤🖤🖤🖤🖤
سبحان اللهم وبحمدك، سبحان الله العظيم
🖤🖤🖤🖤🖤🖤🖤🖤🖤🖤🖤
اللهم صلِّ وسلم وبارك على سيدنا محمد (3)
ـــــــــــــــــــــــــــــــــــــــــــــــــــــــــــــــ

دخلت منزلها في حُزن، كانت شاردة طول الوقت ما إن دخلت غرفتها حتي تحطمت كل ذرة بها من وجع، سقطت دموعها علي خديها لكن بصمت فقد كانت شاردة بما حدث وتنهمر دموعها حتي ارتاحت علي الفراش بتعب من تفكير وحُزن ولا يعلم بها أحد سوي خالقها....

* بقلم: ياسمين الكيلاني
ـــــــــــــــــــــــــــــــــــــــــــــــــــــــ
يوم جديد تستيقظ فيه بطلتنا بسرور..

رنا براحه وهي تنظر للساعه: يااااااه انا نمت كل ده زمان أسر هيشمعني، ونهضت مُسرعه حتي توقفت وهي تنظر له يعمل علي الحاسوب...

رنا بتساؤل: أسر!! اي مصحيك دلوقتي؟

أسر وهو مازال يعمل: صح النوم يا هانم الساعة داخله علي ١٢....

رنا بتذمُر: امممم وفيها اي يعني لما اريح شويه وبعدين انت اللي صاحي بدري اوى...

أسر برفع حاجب وهو ينظر لها: مش كلامك يا دكتوره كنتي أول حد يصحيني من 7 الصُبح ولا نسيتي...

رنا بتوتر: مهو.. مهو يعني ممكن تقول عشان بقالي أسبوع عند شيماء وكده فبصحي متاخر بس...

أسر بجدية: عموما انا هنزل فرع الشركه اللي هنا هقعد معاكي فترة الصُبح وهقضي الليل برة مش هرجع غير 10الصبح كده تمام...

رنا بنرفزة بسيطه: انت حُر اقولك بات أحسن، عموما انا هروح الكلية عليا سكشن وهقعد شويه مع شيماء عن اذنك...

أسر بحُب وهو يمسك بيدها: استني بس انا عارف إني مزودها معاكي شويه عموماً يومين كده اظبط حالي واخرجك خروجه محصلتش اي رأيك..

رنا بدلع: مش عارفه افكر..

أسر بمشاكسه: يا بت دي سينما Cairo وبعدين بيقولو في حته كرتون نازل جامد....

رنا بمرح: الله بقا يعني هروح السينما تاني واكل فشار....

أسر بتساؤل: انتي روحتي سينما قبل كده؟

رنا استوعبت ما قالته: اه مهو.. يعني... انا وشيماء روحنا نتفرج برضو...

أسر بشك: انا مش عارفه اي حكاية شيماء دي معاكي بس ماشي يلا عشان اوصلك بقا الكلية واروح الشركه..

رنا بهدوء: حاضر هروح بسرعه اغير واجي....
ـــــــــــــــــــــــــــــــــــــــــــــــــــــــــــــــ
في منزل ياسين سليم...