اصبح العدو صديق!! للكاتبة: ياسمين الكيلاني

البارت 31 (خط أحمر)

نبدأ بذكر الله 🌺

استغفر الله العظيم واتوب إليه
💙💙💙💙💙💙💙💙💙💙💙
سبحان اللهم وبحمدك، سبحان الله العظيم
💙💙💙💙💙💙💙💙💙💙💙
اللهم صلِّ وسلم وبارك على سيدنا محمد (3)
ـــــــــــــــــــــــــــــــــــــــــــــــــــــــــــــــ
في احد الأماكن الفاخمة....

كانت تقف بملل وتعب فهي مُنذ الصباح لم تنم من زن صديقتها لها في رنات الهاتف، وقد تعبت كثيراً خلال ذلك الأسبوع فمنذ ان علمت بخطوبة صديقتها وهي لم ترتاح يوم بسبب هذه الخروجات كل يوم...

شيماء بملل: ما تنجزي يا رنا انا بجد تعبت انتي لو فرحك بُكره مش هتعملي كده...

رنا وهي تبحث عن فستان آخر: هو أنتي مش البيست يعني ولا لقب وخلاص...

شيماء بزهق: يا شيخه يحرق أبو البيست علي اللي اخترع المصطلح ده هو أنا خلفتك ونسيتك...

رنا وهي ترفع يدها أمامها بتحذير: اسمعي يا بت أنتي مجبوره تستحمليني طول الفترة دي وغير إنك قريبت العريس والعروسه كمان يبقي تتحملي...

شيماء بتبريق: هو انا كل دا ومتحملتش!! بقالنا اسبوع بنلف حضرتك هتتخبطي... قصدي هتتخطبي وتقوليلي اتحمل لا كده كتير بقا انا اتصل ب أبيه احسن يشوفلي حال....

رنا بغيظ: اتصلي ياسين يا حببتي مديني الحُريه وقالي أعمل اللي انا عايزاه وانتي لو مسمعتيش الكلام هقولهُ ويحرمك من الفُسح والخروجات اللي هتتعملك والlap اللي وعدك بيه مقابل المشاوير يا حببتي ماشي....

شيماء بصدمة: يانهاااار انتي عرفتي كل ده ازاي!!...

رنا بغرور: ياسين مبيخبيش عليا حاجه يا حببتي يعني انتي مش معايا جدعنه هه.....

تركتها رنا تقف حامله الشُنط بثقل وهي تكاد أن تبكي من شدة تعبها....

شيماء وهي تتحدث مع نفسها: اخص عليك يا أبيه صحيح الراجل ذي الخاتم في صباع اللي بيحبه، وانا هلاقي مين يحبني عشان يتقمص ليا برضو....

رنا بنداء: شيمااااااء....

شيماء بعصبية: حاضر حاضر اووووف...

*بقلم: ياسمين الكيلاني....
ـــــــــــــــــــــــــــــــــــــــــــــــــــــــــــــــ
في منزل السيوفي....

ندي ب إندهاش وهي تفتح الباب: ادهم!! اي جابك دلوقتي؟؟.....

ادهم بهدوء: محتاج اتكلم معاكي شويه يا ندي...

ندي بإبتسامة هادئ: اتفضل...

سرد لها ادهم مكالمته مع جاسر اخاها...

ندى بأستغراب: طب اي يخلي جاسر يقولك كده!!...

ادهم بهدوء: يمكن خايف إني اسيبك مره تانية وقلبك ينكسر تاني بسببي...