اصبح العدو صديق!! للكاتبة: ياسمين الكيلاني

البارت 19 (إنقاذ)

نبدأ بذكر الله 🌺
استغفر الله العظيم واتوب إليه
💙💙💙💙💙💙💙💙💙💙💙
سبحان اللهم وبحمدك، سبحان الله العظيم
💙💙💙💙💙💙💙💙💙💙💙
اللهم صلِّ وسلم وبارك على سيدنا محمد (3)
ـــــــــــــــــــــــــــــــــــــــــــــــــــــــــــــــ

وقفت بتوتر وقلق فهي غير قادره علي أخبارهم بما اتفقت به مع خطيبها، أخذت نفس عميق وقالت بهدوء: بابا، ماما عايزه اتكلم معاكم في موضوعي انا ويوسف....

نظرا الإثنين بقلة حيله وقالت الأم بسخرية: ماله س يوسف هو ليه طلبات كمان ولا اي؟ مش كفاية إن احنا رضينا بيه...

قال الأب مُساعداً لها: يمكن فاكر إننا هنموت عليه عشان ننفذ طلبات الباشا بقا...

هاجر بقلة حيلة: هو في اي؟ انا مش فاهمه ليه شايفين يوسف شخص وحش كده!!
هو كل اللي عايزه اننا نقدم الفر... فقاطعها والدها بنظرة مُخيفه: نعم يا عين أمك! هو كمان مستعجل، عايز ياخُدنا بدوكه عشان ندبس في الآخر...

هاجر ببعض الدموع: يا بابا أحنا مجهزين كل حاجه ومفيش حاجه تانيه نقصانا هو يدوب الديكور بتاع الشقة يبقي اي لزمتها التأخير و أي الغلط أنه يقدم الفرح!!

والدتها برفض: يا بنتي أحنا عايزين مصلحتك، انتي الف واحد يتمناكي،عندك نبيل ابن عمك مثلاً شاب غني ومستني إشارة منك مع إن البنات هتموت عليه بس هو شريكي انتي، وانا مش راضيه ببهدلتك دي مع يوسف اسمعي الكلام يا حببتي ربنا يهديكي...

هاجر بدموع: انتوا ليه بتعملوا كده، انتو مش عايزين سعادتي انتوا عايزين اللي معاه فلوس عشان مصلحتكم مش عشاني وانا مش هقبل بحد غير يوسف ولو علي جثتي...

دخلت غرفتها وهي مُحتضنه وسادتها وانهارت بالبكاء عليها قاطع نحيبها اتصال يوسف بها...

مسحت دموعها سريعاً وحاولت أن تبدو طبيعية في صوتها وقالت بتوتر: ال... الو يا يوسف. ..

يوسف بحُب: اي يا حببتي بقالي فترة بتصل بيكي مش بتردي ليه؟...

هاجر بتوتر: أبداً.. أبداً انا بس كن.. كُنت في البلكونه فمسمعتش الموبايل...

يوسف بقلق: مالك يا هاجر صوتك مش عجبني في حاجه حصلت؟

هاجر بدموع مكتومه: أبداً يا حبيبي انا بخير متقلقش عليا....

يوسف بشك: طب عملتي اي في موضوعنا....

هاجر بحيره فهي لا تعلم بما تُخبره: لا انا لسه مقولتلهمش حاجه...

يوسف باندفاع: هاجر انتي كدابه في اي؟
ايه اللي حصل احكيلي...

هاجر وقد سابت دموعها: يوسف انا مش قادره احكي في حاجه ممكن تسبني اهدىٰ شويه...

يوسف وقد علم بما حدث: طب خلاص اهدي من غير عياط كل حاجه هتتحل بس ابقي قابليني علي الساعه ٧ في نفس الكافيه اللي بنتقابل فيه....