اصبح العدو صديق!! للكاتبة: ياسمين الكيلاني

البارت 38 (نهاية الجزء الأول)

نبدأ بذكر الله 🌺
استغفر الله العظيم واتوب إليه
❤❤❤❤❤❤❤❤❤❤
سبحان اللهم وبحمدك، سبحان الله العظيم
❤❤❤❤❤❤❤❤❤❤
اللهم صلِّ وسلم وبارك على سيدنا محمد (3)
ـــــــــــــــــــــــــــــــــــــــــــــــــــــــــــــــ

مَرت الأيام بصعوبة وثُقل علي جميع أبطالنا ولم تعد أيام بل أصبحت شهور وسنوات حتي صدع يوم جديد بهدم الماضي المؤلم وبدأ حياه اخري يُمكن ان تكُن ممله لكنها حياة نتنفس فيها فنحيا بالصبر و الحُب.....

في يوم جديد في شركة السيوفي فلم تعد شركات متفرقة بل اجتمعو الاخوه سوياً علي البدأ من جديد في ايد بعضهم، فأصبحت من أكبر واضخم شركات السيوفي بتعاون ندي وجاسر ومازن وسلمي كلهم سوياً مُجتمعين بالحب والود الذي تركته هي في يوم من الأيام....

دخلت الشركة بهدوء وهي ترتدي لونها الاسود الذي اصبح اللون المُفضل لديها منذ وفاة اختها، دخلت بابتسامة لطيفه وهادئ، وقفت امام مكتب رفيقتها وهي تنظر لها وهي جالسه تشارك حبيبها وتتشاجر معه وتضحك...

نظرت لهم بحُب والدموع في أعيُنها كادت ان ترحل لكنها توقفت عندما اوقفها صوت ندي السيوفي...

ندي بغيظ: طب وبعدين هتفضلي كل مره كده تيجي من علي الباب وتمشي كده مش حل...

ملك بدموع وابتسامه باهته: مبقاش لي لزوم المُهم انها مبسوطة يمكن وحشتني قعدتنا سوي وكلمنا بعد السنين دي بس خلاص انا كده مبسوطلها خصوصاً بعد ما عرفت ان فرحها قرب اهو وبتجهز لي...

ندي بحب: لا طبعاً مفيش حاجه اسمها خلاص انتوا صُحاب وهتفضلوا صحاب بس الأول نفهم ازاي نصلّح ونتصافي تعالي اقولك...

*بقلم: ياسمين الكيلاني
ـــــــــــــــــــــــــــــــــــــــــــــــــــــــــــــــ
كانت جالسة علي مكتبها تستعد لفرحها وقفت مُبتسمه والسعادة تغمُرها وهي تستبشر بالأيام القادمة حتي ترق الباب فأذنت بالدخول لكنها اندهشت مِن مَن رأت امامها لكن قلبها رق بسرعة عندما راتها بهذه الحاله، لكنها تذكرت انها لم تثق بها وخذلتها في يوم من الأيام....

فاطمه بهدوء: اتفضلي تشربي اي..

وقفت ملك وهي تتحدث بخفوت: انا... انا مش جاية ضيفه، ولا عايزه اتعبك معايا كل اللي جايه اقولهولك إن لما حسيت إنك وحشاني لقيت رجلي وخداني علي هنا من غير ما احس، عايزه اقولك انا مش جايه اعاتب أو افتح في القديم بالعكس انتي عندك حق مطقيش تبصي في وشي بعد ما... بعد ما كسرتك وجرحتك لما فكرت فيكي بالشكل ده، فاطمه انا عارفه إنك جميلة من جوه وعارفه إنك بتقَدري، انا بس عايزة اقولك حاجه واحده إني ندمانة وبتمني تسامحيني علي اللي حصل و اوعدك مش هتشوفيني تاني هنا.....