اصبح العدو صديق!! للكاتبة: ياسمين الكيلاني

البارت 21 (عمل جديد)

نبدأ بذكر الله 🌺
استغفر الله العظيم واتوب إليه
💙💙💙💙💙💙💙💙💙💙💙
سبحان اللهم وبحمدك، سبحان الله العظيم
💙💙💙💙💙💙💙💙💙💙💙
اللهم صلِّ وسلم وبارك على سيدنا محمد (3)
ـــــــــــــــــــــــــــــــــــــــــــــــــــــــــــــــ
استيقظت من نومها علي صوت المنبه يُعلن بدأ يوم جديد وشاق في العمل أرتدت فستانها الأنيق باللون الأبيض وحجابها بالون الأحمر الساطع، ذهبت للشركة قبل موعدها ب 10دقائق تنهدت قبل أن تطرُق الباب لمكتب المدير...

دخلت المكتب بعد أن أذن لها بالدخول ....

ملك وهي لم تجد أحد بالمكتب سوي مايا: هو المُدير لسه موصلش!!؟...

مايا بهدوء: لا لسه هو بيجي برحته المكتب يعني ملهوش معاد معين...

ملك بتوتر: طب.. مم.. ممكن اسالك سؤال؟

مايا بابتسامة: اه اتفضلي...

ملك بهدوء: انا هشتغل أي؟ يعني انا لسه جديد ومعرفش حاجه هنا....

مايا بإبتسامة: بصي يا ستي انتي هنا السكرتيره الخاصه لعمر بيه يعني هتسجلي أسماء مهمه، هتستقبلي ناس من شركات بره هتروحي معاه مؤتمرات وساعات برضو ممكن الشغل يبقي في الحفلات،المهم إنك تكوني قد المسئولية، عمر بيه بيحب الأمانه والشغل المظبوط....

ملك ببعض الأطمئنان: طيب انا هقعد فين؟ ...

مايا وهي تشاور لها علي مكتبها الخاص: هنا في مكتب عمر بيه ليكي مكان خاص عنده عشان أول
ما يحتاجك تبقي جاهزه علي طول....

ملك بتسرع: طب وانتي... اقصد انتي بتكوني فين؟؟...

مايا بهدوء: انا بستقبل الناس من بره، أعمل قهوة أو حاجه للمدير يعني ذي ما تقولي احتياطي كده...

ملك بحُب: بس انا استريحتلك، يعني كويس إني هلاقي حد معايا واعرفه عشان لو احتاجتلك في حاجه....

مايا بإبتسامة: يستي انا في الخدمة، انا خلصت ترتيب المكتب ل عمر بيه هروح بقا عشان لما يجي استقبله...

ملك بموافقه: تمام وانا هستني هنا عقبال ما يجي وافهم اي مطلوب مني بالظبط....

*بقلم: ياسمين الكيلاني ....
ــــــــــــــــــــــــــــــــــــــــــــــــــ
ظلت ملك تنتظر قدومه حتي أصبحت الساعة الثانيه ظهراً...

ملك لنفسها: وبعدين بقا انا مش هفضل كده كتير هو مشغلني عشان أستناه!!

حتي أصبحت الساعة الواحدة ظهراً...

نهضت مندفعة: لا كده كتير انا مش قادره ضهري اتكسر من القعدة دي.....

ذهبت سريعاً لتفتح الباب حتي رأته أمامها، نظرت له بصدمه فهو الآن يقف أمامها مباشرة...