#غفران_الخطايا
بارت٩
Zainab Al-Aqili
❥_________❥
ريتال:::: رجفت احس جسمي تجمد من البرد ..... عصرت جسمه وعضيت شفتي بانين الم... كمش ادية بعدها عن جسمه
وباس اصبعي احس انفاسه حَاررة تلهب حرارة ... حط قماشة باردة على جبيني صرخت من برودتها ورجف جسمي مسح بيها وجهي ورفعها... رجع حطها على ركبـتي ونزلها لـصدري يبعد النار الگـبت بية .. كانو اسناني يسطكون ببعض من الرجيف ... وناسية كل شي احس عقلي فرغ كل المعلومات الكانت مخزونه بي وركز فقط احصل دفو من هذا الجو الصاقع...
فتحت عيوني بغواش صار گبالي وجهه وهو بدون قميص يشيل الكمادة ويحطها على وجهي.. همس اشششش رور مابيج شي لا تخافين
لفلفت الغطى زين بأدين ترجف وغطيت حتى وجهي .. تكورت مثل الجنين الصغير ما واعية شديكول
مرت دقايق وانرفع الغطه أدي شالتـني... اتمسكت بي بقوة اخاف اوگع... وهو مشى بية للحمام احس غواشة الصخونة على عيوني ماكدر اباوع زين دخلني للحمام وفتح الدوش بالمي البارد فزززيت فزة لدرجه فتحت عيني كل قوتها اعصابي تلفانة.. ويه هاي الفزة تذكرت كل الصار والمريــت بي من لحظات مأساوية
اباوعله مشغل الدوش والمي ينزل بغزارة علينا
ابتعدت منه ابلع ريگي
شلت أيدي الراجفة وبعدت شعري عن وجهي بس رجع اتقرب اكثر هل مرة وسحبني خلاني تحت المي البارد باجبار واني اصارع جواه وادفع بي بااااردد حباب لااااا .... المي بارد ثلـج واني منا لازمني هذيان وحدي احچي بكلام ما مفهوم عجزت افهمه يطلعني من تحت الدوش احس اختنكتت بس مديفهمني
بالأخير ورا محاولات ادفعه دنگت راسي مستسلمة للمي الي يزيل حرارتي المرتفعه واني مغمضة عيوني وشعري واگع علية
تركني وطلع واني على گعدتي بالگاع والمي ينزل علية بأيد ترتعش مثل گلبي الزادت دگاته حطيت أيدي على بطني
هنا ابنه راقد هنا! ومن المستحيل اخليه عايش حتى اذا اعرف ادخل لجهنم..
ماعندي قوة اگوم أسد المي الي ينزل عليه بكثرة ويخنگني
فجأة حسيت بخطواته من دخل وسد الباب ويتقرب مني بيده منشفه... كومني بهدوء وحذر وادي عاصرة ادية
نترت أيدي منه واني اباوعله بغل والشرر يتطاير من عيوني ، يمكن ماكو شخص بكل هذا العالم حاقدة عليه بگدة
لف أيده راد يشيلني دفعته اخذ نفس متنهد: كافي لا تعاندين.. وگومي وياي بدلي ، موزين تبقين هيچ تمرضين بالزايد
- امرررض؟ ليييشش الدتسوي بيه مو مررض؟ كاافي تعذيب والله ما اگدرر والله تعبتت تعبتتت حيل... حــس بيه ولو لثانية من الوقت ترا والله اني بشرررر مو حجر والله عندي مشاعر والله ، شفايفي كامت ترجف والغصة ملت صوتي شهكت ابجي اكثر واضلاعي تعتصر الم
أنت تقرأ
غفران الخطايا
Romanceليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة :: Zainab Al_Aqili البداية: 12/ 2/ 2022 النهاية: 14 / 3 / 2023
