#غفران_الخطايا
بارت١٠
Zainab Al-Aqili
❥_________❥
ريتال :: صرت اتلوى من الألم واني ساندة كل ثقلي على الشجرة الوراي النزيف اخذني وشاااغت روحي من الوجععع يعني شگد ماريد اوصفه يفشل تعبيري عنه
ايدي حسيت دم طلع منها من گد ما أعضها بس ماحس بيها ، الألم الي كامن بجذعي الأسفل اقوى بهواي
_ اخخ يمة راح اموت والله
گلتها ببچي ودموعي تنزل حارة على خدي
جريت نفس اهدي نفسي :-
يلا ريتال فدوة گومي الألم يروح مايبقى بس هو اذا هسة ما گمتي راح يبقى للأبد يعذبچ
ما راح تخلصين منه ابدً
سندت ايدي على الكاع و وكفت بصعوووبة واني عيوني تدور يمين ويسار بسرعة
الدنيا ليل وصوت الريح الباردة من تحرك الأشجار
تبث بروحي رعب
بس مو اقوى من رعبه الية ..
وجهي لفحته البرودة حسيتني جمدت
مشيت بخطوات بطيئة واني كل شوية التفت
احس لو أيده تكمشني من شعري لو يلمس ضهري بخشونة ايده
بحيث عشت بهل كم دقيقة رعب قوي
گمت اهلوس واهذي بكلام اني بنفسي ماعرف شحچي
نص من عقلي واعي ويريدني اخلص.. ويحفزني بكلام يخليني ابقى على اصراري وعزيمتي
بس النص الثاني عطل
اباوع بعد بس كم متر و اوصل للشارع العام واخلص
سرعت خطوتي رغم ما اتأذة
وصلت واشوف الشارع فارغ
ظليت محاصرة ماعرف وين امشي ووين اروح...
چنت قبل لا اطلع من بيته اريد بس انهزم
واني راسمة بعقلي تخيلات شلون اخلص منه ، بس من صار الصدگ بقيت حايرة وين اولي
رفعت ايدي الموجوعة وحطيتها على راسي افركه بقوة
لججج ريتال هسة يجي اذا ما لگيتي حل فكرري فكرري
المشكلة المكان الاحنة بي كُلشش غريب ، محد بي
شلون اروح
مشي؟ ، ايي خل امشي وبلكت الله الگى خبر
كملت مشي سرريع ..شبه اركض واني اتلفت
تعبت وحلگي جف من العطش ، ما اهتميت وواصلت طريقي
حسيت واحد لزمني من ورا التفتت واني گلبي يريد يطلع من مكانه على الخوفة الشفتها
محد! معقولة اتخيل ، اتنفست بأرتياح وكملت طريقي
امشي بترنح
دايخه حيل ،
وگفت بنص الشارع واني احس حيل ابتعدت عن بيته المشؤوم
تايهه بدربي ، ظلام حالك ماكو بقعة ضوا تنير دربي
اتنهدت بتعب واضح وكملت خطواتي ،
امشي وألف فكرة وفكرة تخترق عقلي المرهق..
ساعتين مرت واني بعدني امشي
بطني گامت توجعني عطش على جوع وألم النزيف احسه هلكني هلك
والخوف وصل مرحلة قوية عندي لدرجه تخيلاتي زادت
الساعة ماعرفها بيش بس كتوقع ب٣ بليل اقل اكثر ماعرف ..
أنت تقرأ
غفران الخطايا
Romanceليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة زينب آل راشد البداية: 12/ 2/ 2022 النهاية: 14 / 3 / 2023
