#غفران_الخطايا
بارت 44
بقلمي: zainab Al AQILI
لا تنسون التصويت
سأنساكَ اذا صفق مبتور الأيدي ، أعجاباً بصوت
الابكم
❥_________❥
ريتال
فتحت عيوني وبسرعه غمضتهن من صارت اشعة الضوة قوية عليهن ، بيااض كل شي هنا بياض
اسمع اصوات بعيدة وقريبة
روائح معقمات وديتول
بقيت ثابته بمكاني ما اگدر اتحرك جسمي احسه مچفن
ثگل مو طبيعي على صدري
حركت شفايفي افرق بينهن اتنفس الهوا من حلگي
بين الألم بملامحي
مثل ضربة قوية اجت الاحداث براسي
موت.. نار.. صوت ناهي الي يعيط
الجمر الحرگني.. الحبل القيد ادية
ضيق التنفس الصارلي
روحي من طلعت على البطيء
اكتفيت اغمض عيوني انهزم بضعف من الواقع
وتكررت لحظات صحوتي الغريبة هواااية اصلا ماعرف اني وين
بمرة من المرات وبلحظة تغيرت كل الموازين
توقف الزمن عندي ، عقلي شخط من سمعت اصواتهم
گلبي صار يدگ دمام وكاني اغالط نفسي اني فعلاً بحلم!!
- ييمههه اختي سووودة بووجهي هايي شصاير بيها ريتال ولچ ريتال اجيناچ بعد ما نعوفچ حتى للموووت ماننطيچ افتتتححي عيونجج مشتاقتلهن سمعينييي صوتچ
بوسات متلهفة ودموع غزيرة تنزل على گصتي
جسمي رعش واختلت انفاسي
-سمعت صوت غريب يحچي بحذر: لا بابا لا مو هيچ
مريضة ماتگدر شوية خففي الوجع عليها
لا تبچين فدوتچ بوية
-ريتالل احجي احجييي ادري گاعده فدوه بس اريد اسمع صوتچ يلا مشتاقتلچ والنبي والله احبج بس فتحي عيونج يلا ريتالي فتحي عيونج ولج ماما ماتت عليج ريتااااال
-اسير: اشش يابة انطي صبر شوية وخري
حسيت بي يبوس راسي ويعدل بشعري يضمه تحت الرداء الطبي ، جان جسمه يرجف وصوته متغير
اخوية ما عاد ذاك الطفل
ولا اني ذيچ البنية الصغيرة
كبرت فوك عمري اضعاف العمر وصرت عجوز ضعيفة
-اشتر: يابة لاحگين عليهه الوكت خلص.. ان شاء الله
بس الليلة تكمل ليلتهه بالمستشفى وباچر نطلعهه
-همست تالية بصوت ضعيف مدمعه عيونهه: اگولك يعني احنه من نرجع شون راح تحجي ويانه؟
گاعده هية بس متريدنه موو؟ فدوة جاوبوني
دا احسهه متريدنيي لييش
-اشتر: حچييش هذا يابوية حجي عاقلات هاذ
شلون غير اخيتچ وردت بسلامه شلون ما تريدچ.
دمسحي دمعاتچ وتعالي وياي اسندچ بلگمة
صايرتلي عظم يابس
أنت تقرأ
غفران الخطايا
Romanceليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة زينب آل راشد البداية: 12/ 2/ 2022 النهاية: 14 / 3 / 2023
