#غفران_الخطايا
بارت١٢
عَميقةٌ انتِ كالبحَر ، كُل ما بداخلكِ ثمينٌ
لا تنسون التصويت♥️✨
❥_________❥
-تتزوجيني؟
حركت كف ايدي العب بلغطى الأبيض واني منزلة راسي ، گحيت بقوة احس تنفسي مو منتظم من بعد ما غرقني بالمي
-اتنهدت ورفعت وجهي اله ، ابتسمت:
اتزوجك!؟ تضحك على نفسكَ انتَ؟ عفية بطل تناقض ترا بديت ادوخ
-ريتال
- همست واني اشتت بنظرتي بعيد عنه: ها
-ناهي: تشوفين نفسج بعد مدة من الزمن
تكدرين تسامحيني؟ تتخطين الي راح يصيرلج؟
- شتقصد بالراح يصيرلي؟ شنو انتَ ما ناوي تعتقني ترا كافي والله مليت منك
تعبت ، تفهم شنو معنى تعبت ما اتحملك والله ما اتحملك
-جر نفس قوي ونهض: اني هسة كايم
ابقي على نفس وضعج لبين ما احضرلج علاج
واجيبلج شي تاكليه
سكتت ، وهو رفع ايده يلمس شعري ، بعدتها عني بتعب واضح واني ارفع الغطى على وجهي اغطيه
حسيت بخطواته ابتعدت.. بقيت افكرر تناقضه اكرهه
لو يصفى على كُره لو على طيبه ويتركني
مو هيچ يدوخني!
ماكدر انام احس بخنگة على بلعومي وتنفسي ما مضبوط ، لزمتني الكحه احس عيوني طلعو من مكانها وصدري خرخشة بي
دمعو عيوني وبقيت اشهق وازفر بنفس الوتيرة..
اندك الباب. دخلت كاثرين تتفحصني بعيونها ونظرات قلق على محياها
-بچيت واني احجي بلگوة الخنگة ملازمتني والنفس كوة اجرة: اريد علاج ، رااح اموت والله
مشت بخطوات سريعة على احد الرفوف تتقرا الأدوية وترفعها
-غمضت عيوني وهي همست:
اكعدي لا تنامين ميجوز اشربي علاج يالة تنامين بنتي
ريتال انهضي
مارديت عليها وهي اقتربت تمسح على شعري بحنية
ميلت راسي وحسيت توقف عندي الزمن من شعور الآمان
بس ما طول ويه فتحه الباب و دخول ناهي
الي اعررفه من خطواته وعطره الي صرت اشمأز منه ، احس بقررف
- اطلعي اني راح انطيها علاجها
-كاثرين: من تكمل ، اريد محادثتك بـ موضوعنا
وانتبه الى صحتها جيداً لا تعذبها بـ شي
فتحت عيني اوجه كلامي الها : اكلج اذا هو هيج يسمع كلامج كوليله خل يتركني والله ماحبه ولا راح احبة
وبس تصير عندي فرصة ما اتردد بقتله
يعنننييي بس اررريدد سبب معين يخليه هيج يسوووي ويايية
ما ردت كاثرين بس طلعت من الغرفة وهو خله الأكل بالطاولة الگبالي
جان عبارة عن شوربة دجاج وخضروات
ريحتها طيبة حيل ، صارلي فترة طويلة ما ماكلة وعصافير بطني يتعاركن
أنت تقرأ
غفران الخطايا
Romanceليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة :: Zainab Al_Aqili البداية: 12/ 2/ 2022 النهاية: 14 / 3 / 2023
