#غفران_الخطايا
بارت٣٠
Zainab Al AQILI
كم قمراً يشع من وجهك حين تبتسمين ؟
❥_________❥
ريتال :: على وضعنا واكفين وجه بوجه ومنتظرة اجابته على السؤال... تمنيت اسمع الحقيقة وهو ما بخل علية حجاها بسخاء كبير ....
Flashback
واكف واراقب بيتهم بهدوء... ما ينسمع بالمنطقة غير نباح الكلاب
حطيت ادية بجيوب البنطرون واخذت نفس طويل... مشيت خطواتي لوقت طويل ما حسيت غير وكفت كدام شباك غرفتها
دقايق مرت على هذا الحال الى ان سمعت صوتها يقترب تحجي بضجر : شنوو ماما دا اقرا حبابه على غير وقت والله مفارغة
- رمااانة كومي سوي العشا اخوانج على جية
- يعني الا عليه مدتشوفيني عندي امتحان واقراله حبابه ماما آخر مرة فدوة .... ثواني وضحكت بفرح اي اي باجر علية بس هل مرة
احبج يووم
طرقت الشباك عالخفيف... ماسمعت غير شهكتها عزا عزا شتسوي جاي ... انفتح الشباك سريع وبان وجها ابتسمت من شفت الخوف والقلق بعيونها : ناهي شتسوي جاي حباب روح حباب
- اشتاقيتلج
بلعت ريكها : واني اكثر بس روح لا ماما تسمعنا
- ما اكدر اروح عقلي بس يفكر بيج رمانتي.. شوكت ابوج يقبل بية!
ابتسمت بحزن : مايقبل بس راح احاول
مديت ايدي ردت انزل طرف حجابها لزمت ايدي : لا ما اكدر فدوة
- تعرفين شعرج نقطة ضعفي ها
ضحكت وتتلفت بخوف : أي اعرف
- وعيونج
- وعيوني
- وكل شي بيج يسكرني.. رمانة مستعد اسلم علمود عيونج بس خلي سيد تحسين يوافق علية
- واني هم احبك ... ابتسمت الها وهزيت راسي.. تجرأت ومدت ايدها اليه رادت تمشيها على وجهي واجه من وراها صوت : تحبييييين منووووو ولجججج تعزة حاللللي تعزة حالي ..... شهكت ودارت وجهه سادة الشباك بوجهي ما سمعت غير صرختها
ردت ادير الهم للبيت بس اعرف الموضوع راح يكبر وهمه مسلمين عدهم الحب حرام و العلاقات كلها محرمة ..... طفرت من الحايط وطلعت امشي سريع على الشارع العام ... صادفني غيث و ولهان يريدون يمشون للمدرسة الثانوي
من شافوني رفعو حاجبهم ، زيدت برفعه حاجبي
ومريت من يمهم واني استفزهم
رحت للبيت جانت كاثرين تبجي وهي تمسح بخشمها الينزف دم ، ركضت عليها : شبييج شصايرر
كاثرين : لعنة الأله عليك ايها الغبي
كدت اموت من الرعب ، بحثت عنك بالإرجاء ولم أجدك أين اختفيت ؟
أنت تقرأ
غفران الخطايا
Romanceليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة :: Zainab Al_Aqili البداية: 12/ 2/ 2022 النهاية: 14 / 3 / 2023
