#غفران_الخطايا
بارت
بقلمي: زينب
❥_________❥
تالية
-ولج يمه ليش هيج تعبانه وحته اكلج ما تاكلينه شوو متغيره وصايرة ما عاجبتني
بقيت ساكته بدون ما اجاوبهه
لان حسيت كل شي كاعد يصير بية من وراها.
بعد اسبوع وتحديدا بليل
ماكو شي مستجد ، اني نفس نومتي ووجهي التعبان
وامي احسهه ضامه عليه شي لان تحركاتها غريبة
وشكد اكره هيج تحركات
سمعنا هورن سيارة يم بابنا
امي من يمها كامت تفتح الباب وكأنو منتظرة گعدة تصير..
فريت ايدي واني اهمس لنفسي :
اكص ايدي والقرآن اذا ما صاير شي ، واكيد هذا الشي يخصني.. شووون بعددد عنست عدها وتريد تخلص مني ،شافت محمد ما صارت تريد تشوفلي واحد ثاني
يربي استغفر الله
امي تجلطني تجلطني يالله ترتاح
اصوات نسوان واكثر صوت مِيزته
صوت ريم!! لحظة شكاعد يصير..بعدني ما مستوعبه وجان ينفتح باب الصالة ويدخلون
٤ نسوان وريم وامها
عدلت كعدتي واني افرد شعري ليورا وابتسم بخجل
اني ابد مو اجتماعية...
ام اشتر : يبعد كلبي يمه تعاالي ابوسج شونج شون الصحه الاخبار
كمت رحت يمها وهي استلمتني سلام حار
نظرات ريم ابد مو راحه ، بعدت من ام اشتر وبقيت اباوع على النسوان الي وياها
وجوه اول مرة اعرفها
اني اقصى حد ريم وامها اعرفهن ذني منو!
ضحى : تعالي دادة شبيج تستحين شنو حتبقين واكفة
لحظات بقيت اباوع بأستغراب.. عبالك صارلها شكد تعرفني
رحت يمها اسلم
انوب سلمت على ال٣ البقن وخليت ريم الي صافنه على الوضع بأستهزاء
-روسيل: اكعدو يابه ، ماما تالية روحي حظري ضيافتج
ام اشتر : لا ابد والله هو انا اجيت اشوفها اكعدي يمة
ادري شنو ما شاربين جاي
امي ضحكت وكامت هي للمطبخ رغم ام اشتر منعتها
صاحتني اكعد يمها وبقت تسولف وتسأل شلونج شخبارج ومن هذا الحجي
ام اشتر : اي وين واصلة بالدراسة ما وين
ريم : شنو يمه مو كتلج هي بنهاية السادس ما امتحنت بكلوريا شو ناسية؟
ضحكت تخزرها ووحدة حجت : ريم هدي لا تنفعلين
شمرت ريم بأيدها وامها إلا شوية تكوم تكتلها الوضع تأزم فد مرة
اسراء : شهل حلاة عمي شو كلة شافطته الج ، دخلينا شوية
ابتسمت بعوق ماعرف ارد على هيج كلام
او هو المجاملة من اساسها ماعرفها.. همست بصوت ناصي :احم تسلمين
ضحى : اي ريم كله تحمد بيج بالبيت كل شوية كالت
ريتال هيج سوت وريتال هيج سوت ابد ما توكعين من لسانها
أنت تقرأ
غفران الخطايا
عاطفيةليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة زينب آل راشد البداية: 12/ 2/ 2022 النهاية: 14 / 3 / 2023
