#غفران_الخطايا
بارت٥٢
بقلمي: زينب Al AQILI
وصفها مُندهِشاً: رمُوها بين الذئاب لتمُوت، فعادَت وهيّ تقود القطيِع..🤎🦊
❥_________❥
- ما ناووية تحچين؟؟ لزگتي اشتر ما اشتر اني هاي امه جاي احجي وياچ وفهميني شنو سالفتچ؟
وين تعرفين اشتر وشعندچ طالبته بالأسم
مسحت دموعي واصغيت لكلام خالتي، حچت كل الي يدور بعقلي من تساؤلات
كنت گاعده ع القنقة اعصر بأيد جوان من التوتر
- لا خالة تعذريني انا حچايتي مو وياج.. جاية مخصوص للأشتر
- نزلت السبحه خالتي وباوعت للطفل: ابنچ هذا؟
- ردت بتململ: اي، شنو وين صار؟ تأخر حيل
- ام اشتر: تالية يمه خابري رجلج وين صار مو انفت گلبي من هل مهزله هاي ما ناوية ترسيهه على بر
- عندي اسم ترة ، نورة!!
- ضحى: واحنا شنسوي بأسمچ؟ نريد نفتهم شعندچ جاية.. نوب لا يطلع اشتر زوجج والله مبين الزلم مو امان بس ولو بواگات الزلم ما ينگدرن لو فلفلن
- باوعتلهه الي اسمهه نورة معاجبهه وهمست بين نفسهه: استغفر الله
- ام اشتر: كاااافي اسكتن، تالية وين صرتي رد اشيتر؟
جسمي يرجف من وحدة مدا اسيطر علي، لزمت الموبايل بأكثر من مرة اهتز بيدي
دست على رقمه اتصال انطاني رفض.. غمضت عيوني والدموع نزلت همست بنبرة خافته:
- ميرد خابري انتي
- ام اشتر: سودة بوجهي يايمه منين اجتنا هاي المصيبة
والله يبن بطني لو طلعت مسويهه لأتبرا منك ليوم الدين.. بنية جمارة تفر الكون كلة ما تلگى بحلاتهه
وعندك منها جهال 4 الله ساترهم من فوك، شترررريد بعد شيبك مغطي راسك
- ضحى: نووويرة تسولفين لو اطيح حظج شتگربين لأشتر؟ شعندج ويااه جايته؟
- نورة: احترمي نفسچ.. واكرر اني كلامي مو وياجن يجي اشتر واسولف وياه والله يالله
- ام اشتر: اسكتن ولا طلعني من طوري لا ابتلي بيجن بسچن
مدت ايدهه زهراء الية واشرت اگوم، نهضت استندت عليها جسمي يختض من القلق وعيوني مغورگة دموع
ثقتي بأشتر ما احزرها
كل الدلائل تنص هاي الها عرف بي وهو مبين يعرفها
والا ليش تحچي بحيل صدر وطالبته اسم؟
- زهراء: لا تبجين يعمري والله اشتر ما تطلع منه هيج سالفة شنو ماتعرفي انتي؟ رجال عقلة براسه
مستحيل يهجم بيته بهل طريقة ويضيعكم من ايده
- مسحت دموعي وسيطرت على رجفة شفايفي وهمست بتلعثم: اعرفه والله.. بس ليش هيج تحجي كأنها تعرفه وحته الطفل اذا تنتبهين بي شبه من العائلة
أنت تقرأ
غفران الخطايا
Storie d'amoreليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة زينب آل راشد البداية: 12/ 2/ 2022 النهاية: 14 / 3 / 2023
