#غفران_الخطايا
بارت٢٨
بقلمي:زينب
لا تنسونا التصويت💛✨ ...
❥_________❥
« ريتال »
باوعلي بنظرة مستاء وهو يعدل بردان قميصه.. جان لابس بنطرون اسود ويه قميص نفس اللون طالع يشبة المجرمين. كبر طمه الكلب عمى عيني..... فرك بين جبينه وهمس
- ريتال لا تصغرين عقلج !!
- ما اصغرررر وانتَ مالككك علاقة بية!
سكت ومشى صعد فوك بخطوات سريعة
واني بقيت واكفة وايدي على عيني الخدرانة من الضربة.. الله يكسر ايده شكد ثكيلة شلتني شّل
ثواني بين التفكير والحيرة، اخيرا قررت اروح ويا واشوف وين تصفى ويه الأستاذ بلوكة حشى مو أيد جنها طابوكه.
نزل ورا دقايق بيده لابتوب وجنطة وما أنسى السلاح الي بخصرة لا ثنين مو واحد!!
وصل يمي. خلة الجنطة بأيدي وكال: هاج هاي خليها بأيدج لبين ما نصعد بالسيارة
اخذتهه واباوعله معاجبني.... طلعنا للسيارة
باوعت ع الشارع احس رجلية رعشت من الفرحه وأخيرا راح اطلع من سجنه....
كمش ايدي وعصرها ،فزيت اباوعله كانو يكلي لا تفرحين اني وياج خطوة بـ خطوة!! وما راح تخلصين مني....
قرب ايده لحجابي عدله وباس عيني الضربها
ارتجفت وأيدي ثكلت مكدرت ابعده همس
- يلا تعالي
لزم أيدي وفتح السيارة. صعدني وراح صعد.. حرك سيارته، جان اكو حارس يم الباب الرئيسي فتح النا الباب.. من طلعنا ..رجع سد الباب
اخذ الجنطة من ايدي
فتحها بيها تلفونات غريبة اول مرة اشوفها ، خلة واحد يم اذنه وبقى يحجي بكلام ويه المقابل مافهمت شكال لأن تركيزي صفر ، هوسة من الأفكار شتت أنتباهي
حاولت اركز عليه شفته فتح الابتوب وبقى يدون اشياء ويدخل من تطبيق لتطبيق
درت راسي للجامه اتنفس هوا بارد ينعش وجهي ......
فجأة صفگ أيد بأيد وهو يسد الابتوب صاح : ولجج ذيبتي تعاااااالي ابووسجج
درت وجهي عليه لصوته العالي وهو سبقني ببوسه على گصتي ما انكر جانت دافية.. بس دفعته وعطت: ولك شبيك انتَ وليي مني
حجيتها واني امسح بگصتي ، حجه :
ريتال ما راح تتعبين هاي البربوك عرفت وين مخلية الاوراق العليج بس تندلين اماكن بيتها
هاج هاج فتحي حجابج وخلي هاي السماعه اللاسلكية بأذنج حتى احاجيج منها وافهم الوضع
خلة بأيدي سماعة.. اخذتها منه وفتحت شوية من الحجاب ، شكلتها بأذني وهو شغلها
حاجاني من خلالها : ريتال
درت وجهي اله وهزيت براسي: اسمعك اسمعك بس فهمني هاي بشنو تفيدك ؟
- باعي هي هسة دتكول لكو*دها الاوراق بالطابق الأخير ، بكنتور مثل لون عينج سمائي ، اريدج تغافليها وتشوفين وين هذا الكنتور.. من تندلينه راح تشوفين صندوك بي رمز ، الرمز 《××××××》 احفظي لا تنسيه.. من تفتحيه راح شوفين اوراق ملونة وبيضة
اخذيهن كلهن وضميهن ببغداد لو بالسماوة وأذا بكركوك بعد احسن ، انتِ وشطارتج دبريها
أنت تقرأ
غفران الخطايا
Romanceليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة زينب آل راشد البداية: 12/ 2/ 2022 النهاية: 14 / 3 / 2023
