#غفران_الخطايا
بارت ١٥
Zainab Al-Aqili
Vote & comment ♥️🫶✨
❥_________❥
« تالية »
شاردة بذهني وافكر شتريد تسوي ايناس؟ معقولة تخلصني ؟؟؟ لان والله العظيم فكرة الزواج خبلتني
يعني شعور مزعج من اتخيل نفسي
ببيت غير بيتنا ومسؤولة عن زوج وعائلة كاملة ومسؤوليات !!
صعبة الفكرة كُلش وبالأخص لوحدة بـ مثل عمري
كملت شر ملابسي على الحبل وباقية على نفس صفنتي
- تالية يابة وينج؟
-رفعت حاجبي بأنزعاج لصوت أسير: خير شتريد
-استغرب نبرة صوتي: ها خوية سالمين؟
مارديت وبعدني اتأمل السما وشون النجوم حلوة بشكل
ولونها ساطع حسيت بي كعد بصفي ، اتنهدت بصوت خافت وما حجيت وهو كذلك اثنينا نتأمل السما
-لحد ما بعد فترة طويلة جلى صوته :
ماعرف بيمن ابدي وشكول..جاي احس نفسي اخطئ بقبولي لزواجج وانتِ بهل عمر ، تالية تعبان وفكري رايح لا تشوفين عمري هلكد والله جاي اشيل مسؤولية اكبر مني وثكيلة على ضهري
هاي كل يومية من انام.. مهموم وضايج عليج وعلى اختج الصفى بيها الدهر وخلت حركة بكلوبنا ما تنطفي
غير بشوفتها عسى ما ميته المهم اشوفهه!!!
-كلبي وجعني من كال ميته..
:- اسير ليش هيج تحجي اني متأكدة ريتال مابيها شي
-حجه متنهد من الوضع: خلينا نكون واقعين ليش نضحك على بعض ونتأمل سراب ماله وجود اصلاََ
ريتال راح يقبط الها سنتين وهي ماكو
وين من المعقول تكون؟
ادعي من الله نلكة الها جثة وندفنها اقلها يصير الها كبر و نزورها مو هيج نكرة
الجو البارد احسه صار نار تلسعني
حطيت ايدي على ضهره ودموعي نزلت
-همست:مشتاقتلها والله ، اسير اريدها لا تكول تموت الله عليك تجي ريتال احنا كلنا منتظريها
كام مني. مختنك.... واني بقيت على كعدتي
كل هم وغم فرغته بالبجي اريد ارتاح
ليش هيج ماكو راحه من يوم ما ريتال فاركت البيت
مر وقت طووويل
نهضت اغسل وجهي بالحمام وامسح آثار الدموع وعيوني الحمر
عيني صارت على الحلقة ليش هيج دا احسها حبل تخنكني اكثر واكثر
حطيتها على الرف مال الحمام ودخلت للغرفة اريد انام
اريح راسي من التفكير الـ دمرني
صار الصبح وماما فوك راسي تفتر تعزل البيت واحسها بـ عالم مو عالمنا .... جسد وروحها تفتر يم ريتال
سويت ريوك الية على السريع وكعدت اتريك
الساعة تقريباً ١١ الصبح
اندك باب البيت بـ هدوء
غسلت المواعين وماما راحت تفتحه لحظة!
هذا صوت محمد شعنده جاي؟
بلعت ريكي ووكفت ورا باب المطبخ بعد ما سديته اريد اسمعهم شيسولفون
أنت تقرأ
غفران الخطايا
Romanceليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة :: Zainab Al_Aqili البداية: 12/ 2/ 2022 النهاية: 14 / 3 / 2023
