#غفران_الخطايا
بارت٢١
Zainab Al-Aqili 🫶🏻🤍
تصويت حلو مثلكم بناتات🥹🔥
❥_________❥
« ريتـال »
- فتحت ضفيرة شعري وباوعت للمرايا احس شعاع عيني طافي، شفايفي متيبسة من الوضع غمضت وفتحت الدش
المي ينزل واني عقلي يراجع الصار، هسـة اني حاليا بـوضع لا احسـد علي
حرت شتصرف ويا بـهايّ الايام الـبقيت بيهن عنده احس خبلني
اكو شعور بـداخلي ما اعرف شوصفه..... فتحت الغسول وغسلت بـي والهدوء يرن بـاذني .... شلت شعري ورا ما غسلته وبدلت ملابسـي، وطلعت من الحمام شعري ينكط ميه بس ما مهتمه
بقيت افتر منا
افرك بشعري متوترة وكارهه الوضع شسوي شسوي عصرت راسي
وانتبهت جوا السرير .... شي مثل كتاب قديم حيل رفعت السرير ببطئ ومديت ايدي.. شفت شي جفلني
الكـتاب "
بقيت افر براسي معقولة هو هذا الكتاب الي كالــت عليه كاثرين؟!!!
نفخت التراب منه واني حابسة انفاسي
رجعته لمكانه ورحت يم الباب ، فتحته ومديت راسي منا ومنا
هو مو هنا طلع....
سديت الباب بالمفتاح مع العلم اعرف عنده نسخة وممكن يدخل
بس فضولي قوي يم الكتاب ليش هيج ديتغير وكل يومية بحالة شكل...
هسة فتحت الكتاب وشفت المقدمة واندك الباب ، ضربت الارض برجلي محترگـة. ورجعته لنفس مكانه. مبين هاي الملحدة امه لان هي هنا
::- جاية جاية دقيقة
فتحت الباب وصارت كبالي شايلة صينية بيها فطاير وعصير ابتسمت وكالت بلهجتها المكسرة تريد تكعد وياية ونشرب استكان جاي ونسولف ...
- بقيت ثواني اباوع لحد ماهزيت راسي: اي جاية
اومأت وراحت تكعد بالصالة ، واني لفيت شعري وعيوني تتابع كل تفصيلة هنا بـهدوء
سحبت نفس قوي ولحكتها
جانت كاعدة على الكرسي وتصب العصير بالكوب
- اشرت: اقعدي
- كعدت على الكرسي المقابل الها : مافهمت شنو ردتي مني
- لا شيء.
- خاف بالج تغيرين رأيي عن الدين؟
- ضحكت: لا لا
- لعد شكو؟
- ريتال تمهلي واحتسي مشروبك ... لاشيء فقط ندردش طبيعي
- خاف بي منوم مخدر حقن ؟
- لا تخافي لا يوجد شيء، نفيت لا ماعندي ثقة بيكم شدراني متريدين تسمميني
-ههههههههههههههههههههه يا الهي!!!!
ضحكت رافعة الكيكه تريد تاكل وعيونها دمعو، درت وجهي منها بس اشو شكلهن طيب والعصير بارد، خلي اكل عادي مديت ايدي اكل واشرب
بدون ما ارفع راسي الها
الطعم كلش طيب.. همست : هذا انتِ سويتي؟
أنت تقرأ
غفران الخطايا
عاطفيةليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة زينب آل راشد البداية: 12/ 2/ 2022 النهاية: 14 / 3 / 2023
