#غفران_الخطايا
بارت٥٠
بقلمي: زينب Al AQILI
الـ بيرغ يعگده.. العنده شده عنده عباس
❥_________❥
- شنو موقفچ بكل هذا اليصير؟ ليش بسهوله سامحتي
ريتال الي يسوي الغلط مره يعيده ألف مره امانه عوفي
والله ما تحصلين من وراه غير شلاع الگلب
نزلت ايدي من ازرار القميص وعقدت حاجبي بأنتباه لصوتهه.. كانت جالسة بتوتر تفرك اصابعهه ببعض وتحجي بحرگه وحذر
- عوفي ريتال والله مجرم مايفيدچ شنو حبيتي منه
مو هوه نفسه الي كان يعذبچ ويتفنن بخباثته عليچ
ليش اتنازلتي بسهوله.. متندم؟ ندمه بشنووو راح يفيدچ
- اخذت نفس وباوعت بعينهه: تالية ناهي تغير وتغيره ايجابي ليش اسد باب التوبه گدامه واحرمه يعيش حياة طبيعية بعد ما الدنيا غربلته؟
وتدرين كلش زين مو من كيفه صار مريض همه الناس مرضو بشرهم وخبثهم وصنعوا منه شيطان ومن شافو ثار عليهم ضلو ينكرون بي ويذموا
ومن سابع المستحيلات ابخل علي بشي واني اعرف نفسي شفاء اله.. احبه واحب يكون انسان طبيعي
سوي ما يختلف عنّا بشي
- هفف بس هو كان يضربچ ليش تحبيه!!
- مسحت وجهي بكفوف ادية و رديت: بهاي الفترة الي كان يضربني بيها عانى من اضطراب انقلاب الشخصية
عقلة جان كل شوية بشخصية
بالليل يضرب ويهين
والصبح يعتذر بانو ما راح تنعاد.. مر بفتره صعبة كلش عجيب منين جاب هل قوة والسلطه وهوه يعاني من اغرب الامراض
- انتي شدخلچ بي ريتال؟ العراق والخارج مليان دكاترة مختصين لهل امراض خل يروح لواحد منهم ويتشافى.. انتي مو مكب لاختلاله العقلي
- بلعت ريگي وابتسمت: اذا انتي عديمه رحمه اني مو مثلچ، اقدر خوفچ عليه وحذرچ بس ناهي يحتاجني
ويحتاج يعيش حياته بطبيعية وياي
تالية تردين نحاربهم وننبذهم وبعدهاا نگول ليش انگلبو علينا وحوش ومجرمين؟؟ ضروري نسحبهم لصفنا ونعاملهم اناس سويه
وجّل من لا يخطئ هوه مو نبي لو مرسل هو بشر طبيعي تعرض لأذى قوووي من هوه وصغير
-دموعي نزلت.. رفعت راسي للسگف وكملت بذات النبره: تخيلي هسه طفل صغير گدامج كل عمره شي ٥ او ٦ سنين امه ميته وعايش ويه ابوه الي يعنفه..
يضربه.. يهين كرامته بدم بارد
طفل وعند ابوه! منو الي راح ينقذه
منو يسمع بكاءه وخوفه من ابوه الي المفروض يكون خيمه
منو يسعفه وهو تحت خيمه الظالم؟
انين طفل صغير بلا حول ولا قوة.. دموع تنتظر رحمه الجلاد!!
- اخذت نفس ومسحت دموعي اكمل: بعدها تعرض للتفرقة والتفرقة اسوء شي يصير للبشر فما بالك بالطفل الصغير.. شاف ابوه يحب اخوه ويفضله علي بكلشي يگول جنت اباوع و دمعتي بعيني اخاف تنزل وينتبه!! ومن ينتبه تدرين شيسوي؟ يضربه والضحكة الخبيثة على وجهه يگوله ها تغار منه؟ لان هوه احسن منك
انته شنو فائدتك بالحياة؟ انته انخلقت علة على گلبي
أنت تقرأ
غفران الخطايا
Romanceليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة :: Zainab Al_Aqili البداية: 12/ 2/ 2022 النهاية: 14 / 3 / 2023
