#غفران_الخطايا
بارت٥٣
بقلمي: زينب Al AQILI
تَصلبتُ في حزنٍ عميقً وقُذفتَ في بّرد الشَتات
لا أدري من أنا!! 🤎
❥_________❥
- لان جان يحبج!!
فتحت عيوني كل وسعها بصدمه وشهگت.. حطت ايدها على حلگها بأدراك ، وبررت بخبصة:
- شسمه ريتال ش..شبيچ
- تاااالية انتي منين تطفييين؟ شدا تخبصين امانه؟
كلامج تعرررفين وزنه ومعناه من حچيييتي؟
ماايصير هيج تحجين ياااا
- عضت شفتها بتوتر: بس هوه يعني هذا بالماضي وانتهى
- تنهدت من طريقة تفكيرها وحضنت وجهه بأدية: تالية فتحي عقلچ وسمعي الكلام الأگولة
اني اختج وافهمج بس الغريب لو سمع هيج ما راح يسكت.. كلمتچ كلها عيب وحرام وبيها الف معنى
شلون بس فهميني شلون تجيني وتگوليلي رجلي ابو جهالي جان يحبج؟ هذا حجي بنية جبيرة وعاقلة؟
- تشتت نظرة عيونها بخجل وندم: ما اعرف بس اني لان احبج.. احب اسولفلج كل شي
- طبعت بوسه على خدها وهمست بأبتسامه خفيفة: سولفي كلشي بس خلي ببالج اي شي بالدنيا الة حدود
حتى علاقتنا اني وياج كأخوات الها حدود
مايصير ولا راح يصير تجين بنفسج تعرضين زوجج على اختج بدون حرمه وتكوليلهه جان يحبج!!
أياني وأياج يتكرر هذا التصرف بااالج
- يعني ليش ؟
- هواي اسباب بس كوني نبهه وذكية وفطنه تلگفين السالفة وهية طايرة.. عيبچ يا تالية كلش فاهية
شيجي بگلبج تطرحي بلسانج بدون تفكير ، بالله احلفج بالله شنو حتكون ردة فعل اطفالج من يسمعون هيج حجي؟ ما راح تطبع بعقلهم
ويضلون يحللون بكيفهم ويفكرون ويمكن حتى يعظمون الامور وتوصل لأكثر عدد من الاقارب.. ويبقون يفتون من يمهم وهنا انتي كـ تالية شنو موقفج
من تسمعين كلام الكرايب عن هذا الشي؟
ما راح تنهان كرامتج!!
- همست بندم منزلة راسها: بعد ما اعيدها كلامج واقعي.. بس شوفي اني ماجنت ناويه احجيهه لأحد بس الج!
حتى ويه اشتر سديت الموضوع من زمان وهو كال اني اعتبرها مثل ريم
- رفعت راسها بطرف اصبعي وابتسمت بطمأنينة: حتى وان كان اريدج تكونين حذرة بكل شي حتى بتعاملچ وياي!!
وبالج تفتحين عين رجلچ على البنات ولا عين البنات على رجلج.. ترة الدنيا مو امان وربي خليچ بس انت انثى بعالمه ويه جهالكم وبس
- هزت راسها وهمست: اوكي يعني الصار غلط وما يصير اكرره مو؟
- بالضبط.. تالية الحچيتي غلططط وممنوووع منع بات يتكرر بأي طريقة كانت، استغفر الله
هسه انتي ما شاء الله كامله من ناحية الجمال والمال..
والزوج والجهال وكُل شي بس يحتاج منج طريقة تفكيرج تغيريها وما تحجين كل التفكرين بي لان لكل شي حدود
أنت تقرأ
غفران الخطايا
Romansaليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة زينب آل راشد البداية: 12/ 2/ 2022 النهاية: 14 / 3 / 2023
