#غفران_الخطايا
بارت35
بقلمي: زينب Al AQILI
❥_________❥
ريتال ::بعد معرفتي بشغل ناهي حسيت توضحت الامور عندي
رغم تغاضيّ بكل غباء لتعذيبه الية
يعني حتى وان كان هو القانون فـ ظلمني هو وعذبني وانتهكني.. بدون رحمة وبضمير ميت ... تقربت منه صافنة بوجهه بهدوء والافكار هجمت فد هجمة على عقلي
- يعني انتَ مو عصابچي! شون مستحيل
- وشراح يتغير ؟
- بلي يتغير هواي ، يعني انت هسة مو مجرم وكل همك تفتك بالقانون والناس عزاا
ناهي: ريتال خليها سكته اني اصلاً لو احجيلج اسراري والماضي مالتي دين ميضل براسج
- دقيقة انت مو حجيتلي
:: چؤ كرزات الحجيته واكو بيهن تأليــــفات كلما اريد احجيلج الحقيقة اكو شي يلزمنـي
- شخصيتك الثانية؟
:: لا تحجين بهذا الموضوع بعد
- زين انت متندم على الماضي يعني وأغلاطك
:: احلى اغلاط من اتذكرها ما احس بندم
بالعكس ارتاح واتمنى اكررها مرة ثانية اوووف
تعقدت ملامح وجهي بفضول كلامه غامض
شابكت اصابعي سوية وهو اخذ يباوعلي بهيّام
نظراته عميقة من تشوفني
:: تدرين شنو شعور الراحــــه الاكبر؟
زواجي منج!! هذا الشي الي يضمـنج بأسمي ..
- مستعدة اموت وما اقبل الزواج منك احجيها الك بصراحه حتى اذا گلت غبية
تدري من اتزوجك راح الاغتـصاب والمحرمات كلهن يتحللن علية وحقي يضيع عكس هسة عنـدي حق جبيـر يمك وكدام القانون تتحــاسب
:: اني اتحاسب؟
هزيت راسي وهو ضحك بقوة : اي اي صح اتحاسب
بالله خل افكر شون يسحلوني للزنزانة
بلطف أوي لو بقسوة. ترة اني لتيف أويي
-تستهزء حظرتك ؟!
دك موبايله قبل لا يجاوب اشر باصبعه شوية
طلع من الغرفة وسد الباب بقيت ساندة راسي على دفو الفراش من كام المكان دافي.
غمضت عيوني استذكر كلامه وكيف ينطي تعبيرات بوجهه تدوخني ضليت هذا حالي دقايق
قطعها من ضحك وفززني
- بخخخخخخ ههههههههههههه
فزيت بتفاجئ من كمزني كلبي ضل ينبض بوحشية
تصرف بأختلال مرة ثانية وشلون اكره من هيج يتصرف احس راضع وية بليس
همست بخزرة:: ترة متضحك وبعدين شوية استهدي برحمانك استغفر الله ربي
- شنو نمتي
:: منين يجيني النوم وعقلي ضل يضرب اخماس باسداس كافي احجي كل شي شنو مسوي بحياتك بالماضي؟ وليش خايف تحجي لهلدرجه خطير
أنت تقرأ
غفران الخطايا
Romantikليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة زينب آل راشد البداية: 12/ 2/ 2022 النهاية: 14 / 3 / 2023
